|
|
السلام عليكم اخوي عمره 4سنوات بس للحين ماتكلم بس ذكي ويفهم كل شي بسرعه بس اذا يبي شي يسوي حركات او يأشر للعلم انه اخوي وهو صغير كان يطيح وااايد حتى يوم بالمهاد طاح اكثر مره وكل طيحاته على راسه وهو يتأخر بالنمو يعنى بالحبي والمشي والسنون والكلام !!!!سوينااله تحاليل براسه وكل شي سليم ويقولون مسألة وقت والحين كلامه نفس ابو سنه وديناه عند الدكتوره مدينه صادق بس ماطول معااه لان كان يبجي ومن هو صغير كل ما يبجي يطق راسه بالأرض و الطوفه طقات جااااااايده بس ما يتعور والحين محتارين ندخله روضه السنه هذه ولا روضه خاصه واذا دخلناه روضه عاديه أخاف يتعقد او شي وهل يعتبر معاق ولا لَأ .gif "Eh S(2)")
فديوني ولكم الأجر ………………………….*
اتوقع لو تراجعون فيه بالطب التطوري افضل
او اذا تبون خاص الدكتوره عبير عوض بمستشفى السلام
واهم اللي يحددون
بس لاتاخرون عليه اكثر من جذي
اتوقع في اضطرابات في النطق
يعني قبل يوم يطق راسه بالطوف نتج عنه مشاكل في النطق..
دام بهالعمر ومايتكلم لازم تراجعون مركز النطق(مستشفي حق النطق والسمع )
نسيت اسمه اللي بمنطقه الصباح الطبيـة ..
وشوفوا الدكتور شيقول عن حالته ويقرر وين يدخل روضه خاصة ولا عادية ..
الله يشافيه
ويمكن مايشخصونه لأنه صغير
حولنا لطب التطوري وقاسو نسبه الذكاء طلعت 79% وقالو لنا لازم نسجله بالمجلس لذوي الاعاقه عشان يتحول لمدارس نفس حالته ع حساب الحكومه الحين سؤالي هل اخوي خلاص يعتبر من ذوي الاعاقه يعني تطلعله البطاقه وهالسوالف ولا طبيعي وبغيت اعرف احسن المدارس لي نفس حالته
اهو الحين عمره 5سنوات الله يحفظه
زوروا موقعنا على الانترنت لتروا ما حققناة من نجاح فى علاج الاطفال و راسلونا من خلال موقعنا مركز الحمد للعلاج الطبيعي المكثف للأطفال | الرئيسية
|
المشاركة الأصلية كتبت بواسطة للحياة أنا أمل
 أدري ان الموضوع قديم شوي بس حبيت اشكركم وابي استفيد منكم
حولنا لطب التطوري وقاسو نسبه الذكاء طلعت 79% وقالو لنا لازم نسجله بالمجلس لذوي الاعاقه عشان يتحول لمدارس نفس حالته ع حساب الحكومه الحين سؤالي هل اخوي خلاص يعتبر من ذوي الاعاقه يعني تطلعله البطاقه وهالسوالف ولا طبيعي وبغيت اعرف احسن المدارس لي نفس حالته |
طيب اخوج انطوائي ومايلعب مع الجهال ولاعادي لان ممكن يكون توحد او طيف توحد وانا عندي خبرة بهالموضوع لو تبين أفيدج 
ياليت تسوون له جلسات نطق
وتعرضونه على طبيب مختص يتابع حالته
والله يشفيه ويخيليه لكم