اخذ الدش اثناء الدورة الشهرية

السلام عليكم ورحمة الله وبركاته

خواتي العزيزات عندي سؤال يهم جميع البنات سواء متزوجة او غير متزوجة

اثناء الدورة الشهرية مثلا بأول يوم هل من المممكن ناخذ دش

لأن واااااااااااايد سمعت في ناس تقول موزين انج تتسبحين اثناء الدورة الا في اليوم الثالث وفي ناس تقول عادي بالعكس تسبحي عشان يتنشط الجسم وينزل الدم وفي ناس تقول لا تتسبحون اثناء الدورة نهائي لأن هذا يأثر عليكم بعدين اذا تزوجتوا من ناحية الارحام
مع العلم اني بنت مومتزوجة
واتمنى من عندها علم بهالشي تفيدنا جزاها الله كل الخير

والله ماعندي فكره بس واجد اسمع موزين وانا ماتسبح اذا اهي علي
وقريت مووضوع اللي تسبح والدوره عليها في عروق متصله بالشعر وتوصل للصدر وتسبب سرطان الثدي والله اعلم

مو زييييين نهائيأ الى تتسبح اثناء الدوره

لانه اييبلج ابعيد الشر عنج

مرض سرطان الثدى او الرحم

الله يكفينا شر هالمرض وجميع المسلمين

صح انا سمعت ان موزين بس ياليت احد يفيدنا وسمعت بعد شرب اي شي بااااااااارد اثناء الدورة هم بعد يضر

شكرا لك على مرورك

بعيد الشر عن جميع المسلمين ياااارب ويحفظنا

الله يجزيك كل الخير

انا عن نفسي اتسبح ماقدر ماغسل

انا اول يوم اخذ شاور ماي دافي والله احس بعدها براحه

واذا ما خذيت شاور احس بتعب مو طبيعي

بس اول مره اعرف ان الشاور اول يوم اييب السرطان

سمعت انه مو زين وقريت بعد مره

انا احيانا اتسبح واحيانا اخاف

والله يستر علينا

شكو الشعر بالصدر والرحم بنات فكروا شوي
لايبا تسبحي بماي دافي اصلا يساعد على نزول الدم
كافي الوحده وقت الدوره لو مهما تتسبح تحس نفسها وصخه هالمره بعد ماتتسبحون اسبوع كامل لايحوشك يصير مصنع قطن طبيعي لوووووول

وانا بعد مثلج مااقدر بس وايد خرعوني

واشكر مرورك الكريم

وانا بعد اول مره اعرف الله يبعد عنا هالامراض وجميع المسلمين
وشكرا لك على مرورك

اشكر مرورك يالغالية

لا عاد مو اسبوع محد يتحمل اسبوع مايتسبح

انا اقصد بس اول يوم يعني اول ماتنزل

أنا مع شندوخة
مرة سألت دكنورة نساء وولادة ضحكت علي لين قالت بس
شكو السرطان بالدش
اصلا اذا خذيتي شور دافي الدم ينزل ويخفف اي عوار
دكتورتي قالت ان الدش الممنوع اهو دش المهبل(يعني الداخلي)

انا اول مره اسمع بالسرطان

اشكر مرورك عزيزتي