اخذتي عند (( د. نايف الشمروخ )) حيااااااااااااااااااج

مرحبا بنات ..

ابي اسالكم عن د. نايف الشمروخ ماده دوله عباسيه ..

والله اني مسجله عنده وانا حاطه ايدي على قلبي خايفه منه ..

ياليت الي ماخذه عنده من قبل تقولي عن نظامه واسلوبه وقريداته وامتحاناته.. وشنو المطلوب مني بالمحاظره ..

ويطلب برزنتيشن والا بحوث ؟؟

والماده سهله والا صعبه

ووو وكل شي تعرفونه عنه اسدحوووه

.. وسلامتكم

انا سمعت عنه سب لي الراس

واليوم رحت اكلمه بسجل عنده عجبني صراحه وارتحت له مع اني ما سجلت عنده بس من بعد اسلوبه معاي تشجعت اخذ عنده وتأكدت مو كل شي ينقال يتصدق

ادعيلي باجر اسجل هالماده

د.نايف شرحه ممتاز واسلوبه بالتعامل وايد زين وحقاني بالدرجات وما يحب الواسطات لكن امتحاناته جدا دقيقه حيل فوق ما اي احد يتصور وفيها لف ودوران يعني كأنه لغز وكميه كبيره يعني الميدتيرم 400 صفحه عنده عادي ،،،وعنده واجبات تحليل شعر عباسي ويرفض انج تطلعين من النت واذا شك يعطيج صفر من 5 وما يغير لو شنو وعنده تلخيص كتاب كامل ولازم برزتيشن الحضور والغياب مهم جدا عنده…وفي فرق كبير بين مقرر تاريخ حضاره والدوله العباسيه والدوله العباسيه طبعن تخصصه فشديد حيل فيها محتكر المقرر من 10 سنين تقريبا

اللي سمعته ما يمدحونه يمكن لانه حيل شديد وجنه يطلب برزنتيشن عن شخصيه اذا ما خاب ظني

الله يريحج ياقلبي

ويااارب تسجلينها وتيسر امورج ..

انا اخذت عنده تاريخ حضاره بس انا قديمة من زمااااااان

حيل دقيق وامتحاناته صعبه وبخيل بالدرجات

اتذكر طلب منا كتاب من تأليفه ب 10 دنانير ولا فتحناه كله معتمد على النوت .. اذا تقدرين تاخذين المقرر عن دكتور ثاني يكون احسن

ياحياتي تسلمين ع الرد .. والحمدالله ان شالله كل شي مقدور عليه ..

بـــــس البرزنتيشن شلون طريقته ؟؟ يعني اطلع مكانه واقدمه ؟ والا وانا قاعده مكاني ؟؟

لاتقوليلي تطلعين .. لاني اشك ان الشعبه فيها شباب

وانتي ماخذه عنده ؟؟ وجم طلعتي منه ؟

الله يعين شنسوي بعد محكتر الماده .. يعني شر لابد منه

حبيبتي جيكي ع الخاص

درسني بالجمعه سنة 97 اينن شويه عليه والله والنعم فيه وثلاث انعام من الدكاتره المميزين اللي مستحيل انساهم او انسى تدريسه واسلوبه وطريقته الله يوفقج ان شاءالله والله والله خوووووووووووووووووووووووووش دكتوووور اينن

ان شاء الله

ايييه تطلعين مكانه وابشرج كل سنه يخلي الشعبه مختلطه حتى بالصيفي

والله انا ذبحت عمري بالدراسه وطلعت -b صج كانت الامتحانات صعبه بس يمكن انتو طلبة تاريخ غير ما ادري انا مساندي تاريخ

واذكر وحده بس اللي كانت اعلى درجه ويابت -A يعني هذي اعلى وحده وكانت شاطره ماشاء الله عليها وكان هذا قريدها

انتي مستجده يعني؟

الله يستر ..

بس شسوي مافي احد ينزلها غيره صارلي كم كورس اتهرب منها وهالمره سجلتها عنده وبتوكل على الله ..

ياارب اني اشوفه نفس ماشفتيه

تسلمين ع الرد ياحياتي

ياخرااااشي شلوون بقدمه انا الدكتور ويالله اتجرأ اقدم قدامه برزنتيشن هالمره شباب بعد

لا والله ياحياتي مو مستجده على وجه تخرج ان شالله ..

الله يستر والله انا مالي بالتاريخ كنت بنت علمي بس تخصصت عربي اجتماعيات وهالماده مطلوبه علي..

كلمي الدكتور ترا متفهم وتعامله زين مع ان في دكتور قلت له جذي جان يرد ويقول اصلا الشباب يستحون اكثر منكم لووول!!!

الله يوفقج ان شاء الله

زين الحمدالله ريحتيني لو يبي اقدمه عنده بالمكتب بعد بس اهم شي يتفهم وضعي لاني حييييل حياويه خخخخخ