اختي يايبه معدل حق جامعة الكويت وتبي جامعة الخليج انتو شرايكم .؟؟!!!!

بنات شلونكم وشخباركم

الله يوفقكم بدراستكم وبامتحاناتكم

بغيت اخذ رايكم بشغله

اختي معدلها 3.60ومتفوقه الحمد الله ومعدلها يدخلها جامعة الكويت الكليه اللي تعجبها اهيا ادبي واللي قاهرني انها ما تبي ادش جامعة الكويت مو عاجبها مستوى الجامعه مع ان كل خواتي بالجامعة يدرسون وماشا الله مستانسين بالجامعه اهي تبي ادش جامعة الخليج وقايليلها منحه يعني على حسابهم

انتو شرايكم ايهو احسن جامعة الخليج والا جامعة الكويت

اي احسنلها جامعه الخليج

مستواها اقوى بصرااحه

مع احترامي للي بجامعه الكويت^_^

والله يوفقها انشالله

واي ختوخر عن جامعه الكويت تييب الهم

بس اهم شي تكون الشهاده قويه

ما عندها سالفه في احد يعوف جامعه الكويت الخامسه عالعالم وبعديم جامعة الخليج ماتقدر تكمل بالمستقبل اما جامعه الكويت تقدر تكمل مستقبلا ومهما يكون اسمها جامعه خاصه يعني شاريه الشهاده بفلوسج خل تفكر عدل لان هذا مستقبل والله يوفقها يارب

مشكورين بنات على ردودكم ويا ريت اشوف راي البنات الثانيين

اصلن فرق بين جامعة الكويت وجامعة الخليج لانها اقوى واحسن ومستوى التعليم فيها قوي وايد و ترى جامعة الكويت معطينها انذارين وباقي عليها انذار واحد واتصير مومعترف فيها عالميا وجامعة الخليج احسن وافيد واقوى

والله اعرف وايد يدرسون بجامعه الكويت ودراستهم صعبه ترى مو سهله

اخوي بالحقوق والله كله دراسه وامتحانات

من وانا ياهل واسمع هالجمله سورى … بس من زمان سامعتها

جامعه الكويت اقوى … وحتى الدكاتره الى فيها مو اى شي

مو مثل باجى الجامعات الخاصه .. اللى للاسف البعض يتجهه لها لانها خاصه بس

الجامعات الخاصه ما تعجبنى لانها تجاريه بحته ومو قويه واتوظف اى شخص

على سبيل المثال اعرف وحده معدلها عادى وعنده بكالوريوس

وحاليا ادرس بالجامعه الامرييكيه.. لو جامعه الكويت ماخذوها الا شافو معدلها و وو شنو عندج بعد البكالوريوس وقصه

بس جامعه الكويت ابمليون مره احسن من هالجامعات

اعتقد ان جامعه الكويت احسن لانه تخصصاتها اكثر…

انا ماقدر اتكلم عن الخليج او احكم عليها بالاصح لاني ماجربتها..

والله يوفقها..

وع البركه التخرج..

اغلب طلبه الخليج يحولون لي جامعه الكويت وخصوصا حق العلوم الاداريه لانه نفس الدراسه بالظبط بس هذيك بفلوس و هذي ابلاش ( موظفه بالجامعه)

شوفي اتوقع اختج تبي علوم اداريه صح؟؟ لانه نفس تخصصات الي بجامعة الخليج

انا بالعلوم الادارية واارفيجاتي بالخلييج
نفس الكتب ونفس المناهج بس اهم اسهل متساهلين معاهم يمشووونهم لانه فلوس دافعين مو بلاش
مو معناته في سقوط اهناك امبلا فييي

وترى كانو الي يدرسون بالخليج ياخذون كورسات عندنا يدفعون اقل ويدرسون عندنا !!!!!!!!

بس الحين منعوهم جنه

بس نصيحه لا تضغطوون عليها علشان باجر لا تقول كله منكم وكله منكم

بس انا اشوف نفس الشي الدراسه والشهادتيين معتمدييين بس احس تاسيسنا احنا اقوى منهم

واهي كيفها

قوووووه

بصراحه ماكو فرق بين الاثنين بس الخليج اقوى بوايد لانها مرتبطه بجامعة ميزوري بامريكا وفيها التعليم قوي يعني تخرجين بمستوى اقوى …… اغلب الطلبه الي عندنا محولين من الكويت لانهم يقولون ان جامعة الكويت شغل واسطات والكل ما يمدحها وسمعت عن مستواها الاكاديمي نازل عن قبل ….

الزبده:

الخليج احسن من الكويت بوايد

قووووه عالم حواء في تخصصات ثانيه غير عن العلوم الاداريه مثل تخصصي انا english education وفي بعد english art , english translation, computer scienc,وانشالله يفتحون عندنا تخصص هندسه السنه الجايه

صج؟

لانه 7 اعرفهم كلهم تخصصاتهم نفس العلوم الادارية

وصح سمعت عن الهندسه والله يوفقج

اجمعين ياقلبي ……..
والله يوفقج انشالله…………