اختي و المعهد ؟؟؟! ساعدوني ضروري اليوم

السلام عليكم

انا لي اخت كتكوته و بتييت ناعمه و طيبه واااااايد للحينها بيبي !
و الله للحينها تموت على الالعاب و الكرتون
هالاسبوع تخرجت من الثانويه

معدلها ضعيف مو لانها كسلانه
لان في ظروف صحيه والحمدالله قبل يومين يانا التقرير انها تشافت

و المصيه ان اختي هذي والله ايه بالجمال
مو لانها اختي اقسم برب البيت ينادونها الاهل و الصديقات بالجمال الهندي
اسم الله عليها تبارك ربي

المشكله وين ؟

المعهد الي معدلها يدخلها فيه
المعهد التجاري

مع احترامي لكل البنات الي فيه
انا عارفه ان كل مكان فيه الزين و فيه الشين
و عارفه بعد ان الوحده المؤدبه و الخلوقه تحافظ على نفسها بكل مكان و زمان
و ان التعميم غلط

بس خايفه !!

انا اعرف بنات قمة بالاخلاق و الطيب و تخرجوا من التجاري
و لكن ..
الي ما تزوجت للحينها و صكت 27 و السبب السمعه الي ظلمتهم
و الي يعايرها زوجها : اقصاج خريجة تجاري !!!

و مهما اقول ان بنات التجاري على العين و الراس الا ان في فئه شوهت السمعه ليه بره الكويت !
و الي بتعصب اقولها دقي سيارتج سلف و روحي المهلب الصبح ولا بيبان المعهد وشوفي شقاعد يصير

انزين
انا خايفه ..
من شنو ؟

سمعتها .. ادري اختي شريفه و محترمه و عمرها ما كلمت ولا عمرها خربطت اللهم لك الحمد
تاسيسها الاخلاقي متين و اهني المشكله !
تربيتنا لها انها طفله لانها اخر العنقود للحين نشوفها ياهل و علشان جذي للحين ما عاشت مراهقتها !
مراهقتها كانت عباره عن الاعجاب بالممثلين !

خايفه بعد من هالنوعيات التعبانه يقصون عليها
والله انها مثل الحليب ابيض صااافي و اخاف يستغفلونها او يستدرجونها قومي نطلع بس نشرب كوفي بس نروح نشتري شغله ونرجع ندفع فواتير او اي شي و تصير رفيجتهم

و هم خايفه من ردة فعل اخوي !
اذا الحريم ان تكلمنا عفسوا ويههم حسبي الله على الظالم
و النغزات الي اتيينا من الرياييل ! و الله لو بنتي تقعد بالبيت ولا تدرس فيه و من هالسوالف الي انا اشوف فيها مبالغه

بنات شسوي !!
تدرس فيه و لا ما تدرس ؟؟؟

واااااي يا خوفي
انزين متى التسجيل موجود للبعثات الداخليه ؟
و شنو طريقة التقديم ؟

خرعتيني بزياده

وعليكم السلام ورحمة الله وبركاته
حبيبتي توكلي على الله وخليها تدخله،،
وكل مكان فيه الزين والشين وذا اهي اساسها صالح والله ثم والله محد يقدر
يخرب اخلاقها ،، وعموماً اهي تقدر تقعد فيه اول كورس بس وتجيب معدل مرتفع وتحول
تربيه اساسيه أفضل لها إذا انتي خايفه عليها.
وبالتوفيق

في بعثات داخليه احسنلها

شدعوه لي هالدرجه خايفه ؟
كل مكان في الزين و الشين .
اهم شي تربية اختج و التزامها بدينها و تكبر عقلها و تعرف البنات اللي معاها عدل و ما ترافج اي وحده و تحط في بالها المعهد للدراسه و انها تاخذ الدبلوم و بس .. و كلها سنتين بسرعه يطوفون .

جنكم تبالغون بالسمعهه والمعاير !!

اعرف بنات شكثر داشينه ومتخرجين منه ومتوظفات وتزوجو ولا جابو طاري معاير !!!

ايه وترا اغلب الي فيه بنات قبايل محافظات عباه ع الراس ونقاب حاله

ماشوف خافو !! او اهلهم منعو ؟

الجامعه الي هي الي جامعه ترى اشوف سوالف تشيب الراس فيها

الزبده كل مكان فيه الشين والزين والبنات على مسعه اهلهم وتربيتهم مو على جامعتهم

,,

قاعده تبالغيين ,, المعهد فيه الشين و الزين , واللي زوجها ولا الناس بتعايرها بمعهدها هذول ناس ناقصه الصراحه كل بنت على اخلاقها ,, تدش تاخذ محاضراتها و تطلع واهي كبيره و تميز بين البنت الزينه من الشينه! و إذا انتو متخوفين من السالفه فيه وايد معاهد بالديره غير التجاري و كلهم دبلوم, تقدر تاخذ بعثه داخليه و تدش الكلية الاسترالية , او جامعه خاصه على حسابها

مثل ماقالو خواتي سجلوها بالبعثه الداخليه احسن لها

بنات لاتزعلون منها بس صج هذي سمعة المعهد التجاري

انا لما كنت اروح لافندر الي بالمهلب كنت اروح الظهر

بصراحه شفت فئة من البنات الله يستر عليهم

واهما الي خربوا على سمعة المعهد

عادي تقدر بالتجاري اول كورس ترفع معدلها وتيب امتياز وبعدين تحول تربيه اساسيه او اي كليه ثانيه ورووحو التطبيقي يفيدونكم اكثربس اذا اول كورس رفعت معدلها تقدر تحول

تدرون شنو سويت
دقيت على امي طيري باختي التعليم العالي
سجلي اختي بالبعثات الخاصه
و قالوا احتمال تنقبل بالاستراليه و نتائج القبول 10 2
و اهني مشكله ثانيه

اخوي يدرس بالاستراليه بعد
لووووووووووووووووووووووووول بس مو بعثه
و اخاف تصك بينهم لانه من النوع المصرقع اخاف احد يقولها شي او حتى يسألها عن مكان و يسوي سالفه
لوووول

اممممممممم بس القبول مو اكيد
و احلى شي ان بين الاستراليه و بيتنا اذا انقبلت دقيقه

ما يصير ياقلبي سألنا التجاري عنده شرط
علشان تحولين لازم معدل التخرج بالثانويه 70%

و اختي 65 %
يعني اذا دخلت تدبست

الحمدالله اليوم سجلنا و الله يستر
و يارب يتحقق دعائج الي حاطته بتوقيعج

والله انتي ماراح تفهمين شنو شعوري بالنسبه لها
انتي ماتدرين شلون طفله و على نياتها !!!!!
صح كلامج صح و انا ذكرت هالحجي فوق بس هم مخترعه

الله يقدر لها الخيرة من امرها
تجاري ولا استرالية
بس موضوع بيجرح الكثيرات
صار المعهد سبب تأخر الزواج؟والسمعة السيئة ؟؟!
اعتقد حييل بالغتي بالكلام
اعرف الكثير تخرجو وتزوجو وماطلع عليهم نص كلمة
الصاحي صاحي
والخربانة لو تقعد ف بيتها خربانة

ترى في حل :
من اول سنة اتييب معدل امتياز وتقدر تحول تربية اساسية