اختكم ام فطوم وحمود محتاجتكم الحين .

السلام عليكم حبايب وخواتي الغاليات ،،، بعد عمري الله لايحرمني منكم قولوا آمين ..
امس كان عيد زواجنا وصارت عندي ضروف ماخلتنا نطلع انتعشى برا او حتى نطله نتمشى وجذي …
عاد خليناها اليوم بس ياري تفيدوني بمطعم قمة الرومانسية والهدوء ومافي ناس وايد ولوية وبنفس الوقت السعر معقووووووووووول واكون شاكرة لكم …

صباح الخير يا قلبي روحي في مطعم في المنطقه الحره اتوقع اسمه ابلاك اند وايت ماكو احد قليل الناس فيه
او روحي في جم مطعم بالافينيوز اماكنها اتونس وابصراحه لو على الاسعار ترا الدنيا غلت وتعالي انتي بعد حاولي اتعدلين ابغرفتج واتكشخينها عدل حق الرده

اممممممم
والله مادري انا عن نفسي احب ميس الغانم سعره معقول بس مو هادي

انشالله البنات يفيدونج

عندش ليتر دامور يم الاكوا بارك والتسيمو في برج النصار

عسى الله يهنيكم ويسعدكم يا رب

التسيمو في برج النصار الي صوب دوار الشيراتون اهو بالدور 32

حبيبيي في مطعم يم باتشي يالسالميه صوب الروضه قبل الي الحين صارت الجامعه

اسمه بافلو واااااااايد حلو ومافي ناس وايد وسعره معقول بس الحين عنطهم تصليحات القعده بس فوق

وعندج لبناني فبلا فيروز بالشعب مافي وايد وايد واكله لذييييييييييييذ

صح فيلا فيروز اكله وايد حلو لكن زحمة اممممممممممممممم عندج مطعم ايام زمان بفندق هوليدي ان بالسالمية الأكل حلو وهدوء وهم عندهم بعد مطعم ياباني واو المكان روعة قمة في الرومانسية الأضاءة وايد خافتة والموسيقى هادئة

شوفي حبيبتي انتي اذا فاضية الحين تزهبي وروحي سويلج فره على المطاعم الي اقترحوها البنات منها تتأكدين بنفسج ومنها تحجزين وبعدين روحي للصالون سوي شي بسيط وحلو واهم شي لا تنسين تشترين وردة حمره حلوة لريلج وتزهبين غرفتج ترى عيد الزواج مايحلى الا بغرفة النوم
الله يهنيكم مع بعض وييسر اموركم

بنسبة لي ارشحلج برج الحمام قعدته حلوة وسعره معقول

برج الحمام أو فيلا فيروز ..

لا تروح ولا تحتارالتسيمو اهو الاختيار
حبيبتي روحوا التسيموا خياااااااااااااااااااااااااااااال ( اكل وطعم ورمانسية وجو وديكور مو طبيعي )
والعافية

برج الحمام حلو واااايد وااايد انا بحرينية بس لازم ازوره

في مطاعم عالبحر فيها ناس وايد

شارع الخليج او الأحمدي

واايد مطاعم الحين متروسه الديرة وراقيه وسعرها زين بس انا انصحج ابرج النصار في مطعم فوق واايد حلو وهادي بعد

روحي النوخذه اللي على الساحلي بالفحيحيل
ما كو احد وحده حلو بوفه للشخص 17
ونظام فنادق وكشخه اذا حده حده تلاقين اثنين ثلاث اجانب قاعدين
والبوفيه بدون العصير العصير حساب ابروحه
غير المنظر الظهر حلو وبليل بعد حلو هو اقبال عاليه وغاليه
احنا كل نزلت معاشات انروح انطق كرت عندهم انا وريلي اصلا الفلبن اللي هناك يعرفونا
اي ونسيت اقولج هو كله اكل بحري بس قمه