|
|
مرحبا كروشات
بنات انا باخر الثامن و اخترت الولادة القيصريه
و هذي اسبابي :
اولا : مابي اكرر تجربة ولادتي الاولى يومين بغرفة الولاده و طلوق صناعيه
و مافتح رحمي الا 3 سم عقب يومين من التعب و العوارات و اخذت 3 تحاميل طلق صناعي
لاني رايحه وانا لي اكثر من اسبوع بالعاشر وماولدت ولا جاني طلق و رحمي مسكر ولانص سم
و اخر شي ضعف نبض البيبي و انا ارتفع ظغطي وحولوني قيصريه
و الحمدلله خلال 5 دقايق طلعوا البيبي لزوجي
السبب الثاني : راس الجنين الحين كبير شوي
ووزنه اكبر شوي بميتين غرام تقريبا
السبب الثالث : انا خوافه مابي اجرب الولاده الطبيعيه
ابي انام واقوم القى نفسي والده
السبب الرابع : رحت لكذا دكتور وكلهم يقولون اذا ماجاج طلق طبيعي
مانقدر نعطيج طلق صناعي نخاف ع الجرح القديم لاينفتح
يعني اذا ابي الولاده الطبيعيه لازم اصبر وانا مااتحمل الصبر والاعصاب والمحاتاه
واخر شي مو مظمون اني اولد طبيعي
/
اليوم كنت عند دكتوري وقال لي بعد اسبوعين اقرر اذا طبيعي او قيصريه بس اللي
واضح قيصريه لان راس الجنين شوي كبير
الحين المشكله بزوجي بنآت يقول مو على كيفج تسوين قيصريه 
و انتي دلوعه و تبين حياة الرفاهيه بكل شي حتى بالولاده
غيرج ولد طبيعي و ماصار فيهم شي
بس الدكتور برد جبدي فيه قال له راس الجنين نفس راسك خخخخخ كبير
بنات دكتوري مأيدني على قراري بس انا خايفه اندم
شرآيكم يالقيصريات
اذا هالمره قيصريه خلاص بيصير كله قيصريات
ترا ماراح تقدرين تولدين طبيعي
وصدقيني الطبيعي وايد احسن من القيصرية
حبيبتي مو كل ولاده مثل الشي
واذا شفتي روحج تعبتي قوليلهم ابي قيصريه
والله يسهل عليج يااارب
متردده بين الطبيعي و القيصريه
انتي خل يحاولون فيج طبيعي واذا مافي مجال
خلاص سوي قيصريهـ
الله يسهل عليج وتقومين
بالسلامهـ
لان تعقدت من قصة ولادتي الاولى
حاولوا بالطلق الصناعي وحاولوا يوسعوني و اخرتها قيصريه
و الحين راس الجنين شوي كبير
ومايقدرون يعطوني محفزات للرحم يعني احتمال الولاده الطبيعيه ضعيف
بس خايفه من سالفه تكرار القيصريات
/
ليش ماتاخذين كف مريم يمدحونه حق تسهيل الولادة
اول ماتدشين شهرج مو الحين طبعا
والله يقومج بالسلامة بالحالتين
مشكلتنا اننا مانطبق الاشياء اللي اتسهل الولاده الا قبل موعد الولاده بيومين !!
من توصلين للاسبوع 37 يومياً روحي امشي نص ساعه تقريباً .. الجماع لانه يخلي الرحم فيه انقباضات .. لمده 3 اسابيع و راح يفتح معاج الرحم لان اخر موعد ولاده الاسبوع 40 .. والله يسهل عليكم .. الطبيعي الم و عوار جم يوم و بعدين عااااااااااادي
وراس البيبي كبير !
يعني امل الطبيعي ضعيييييف ،،،، مابي اتعذب و على اخر لحظه
يحولوني ع العمليات !
بس زوجي مو راضي ،،، و لا اهلي كلهم يقولون توكلي على الله و سوي عمليه
/
كل الخوآت اللي ردوا مشكوريييين
و عسى الله يهون على كل حامل يارب و يرزق كل محرمه آمييين
و دخلت العاشر بدون طلووق و طوفت تقريبا ٩ ايام ورا موعدي
و توقعت بالفحص ان اقل شي ٢ سم
انصدمت ان الرحم مسكررر
/
انا اخترت الحل الاسهل والاصعب بنفس الوقت
وربج كريم
في ناس يصرون عالطبيعي ويتهاوشون مع الدكتورة والبنت بجر تلقينها وطبيعتها ماتولد طبيعي لما يشقونها شقوق ويعذبونها عشان شنو عشان طبيعي ؟؟؟؟؟؟
بس هم مو انتي الي تقولين ابي قيصري ……….. الطبيبه هي الي تقول
يعني لا تشغلين نفسج بهالموضوع ادعي ربج يكتب لج الخير سواء قيصري او طبيعي وشوفي الدكتورة شنو تقرر وقت الولادة وتوكلي على ربج
ترا كرش القيصري مايروح عكس الطبيعي يرجع البطن ……….بس هم القيصري له مميزات وضروري حسب الحالة نفسها
الله يسهل عليج
وقولي لزوجج خل الدكتورة تختار المناسب