بسم الله أبدأ حديثي ..
خواتي الغالياااات .. موضوعي هذا غاية في الأهمية ..
واتمنــى من مشرفاتنا انهم {يثبتونه} الله يجزاهم خير الجزاء ..
هي فكرة دعوية والله يابنات انه لها كبير الأثر بإذن الله ..
وابيكم معاي خطوة خطوة ..
الفكرة هي :
انا قررت اكوّن مجموعه من البنات ونسمي نفسنا (( حاملات المسكـ ))
وكل اسبوع وحدة مننا تختار موضوع شد انتباهها بالقسم وأثّر فيها وتقوم تطبعه ع عدد من الصفحات .. وبعدين توزعه ع الطالبات اللي معاها او الموظفات .
صدقوني يابنات ..
اللي بنسويه بينكتب عند ربي وان الله لايضيّع اجر من عمل عملاً ..
الله يخليكم ابي نكون مجموعه مستمرة و على طول مع بعض …
ولنتذكر قوله تعالى :
{وَقُلِ اعْمَلُواْ فَسَيَرَى اللّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُم بِمَا كُنتُمْ تَعْمَلُونَ }التوبة105
معاي ؟؟؟
انطركم يا ( حاملات المسكـ )
اختكم الواصليّة ..
بارك الله فيج الواصليه 
ويزاج الله كل خير على الي قاعده تبذلينه في سبيل الدعوه
بس ياليت نلقىى تفاعل مع البنات ..
وان شاء الله ما راح نقصّر ..
وأي شي تبونه انا حاضره ..
وأوصي اخوي بأي شغله تبونهاااا
وان شاءالله يكون في ميزان حسناتج ..
وانا بعد اي شي تبوونه انا حاظره فييه ..
وان شاءالله ما نقصر ..
بارك الله فيج الواصليه
ويزاج الله كل خير على الي قاعده تبذلينه في سبيل الدعوه
وكثر الله من امثالج … فكرتج وااايد حلوة
والله يجعله في ميزان حسناتج
اختي الواصلية فكرتج وايد حلوة واعتبريني انا اول وحدة تكون من مجموعة حامل المسك
وجزاك الله خيرا على اللي تسوينة وجعلة الله من ميزان حسناتك
واشكر كل خواتي ( طماشة – هارموني – عبرة موادع – ملاك الياسمين – شهد الكويت – امواج البحر )
عن امانة ترى مو كلامي بس منقول من موقع طريق الايمان للشيخ نبيل العوضي
قال تعالى : (ثُمَّ قَسَتْ قُلُوبُكُمْ مِنْ بَعْدِ ذَلِكَ فَهِيَ كَالْحِجَارَةِ أَوْ أَشَدُّ قَسْوَةً ) [البقرة:74].
إن أصحاب القلوب القاسية هم أبعد الناس عن الله،كما قال رسول الله صلى الله عليه وسلم: "لا تكثروا الكلام بغير ذكر الله ، فإن كثرة الكلام بغير ذكر الله قسوة للقلب، وإن أبعد القلوب عن الله القلب القاسي".
ومن أسباب قسوة القلب : الغفلة ، رفقة السوء ، أكل الحرام ، فعل المعاصي ، المجاهرة بالمعاصي ، الرضا بالجهل ، الكبر والإعجاب بالنفس والزهو ، سوء الخلق ، طول الأمل ونسيان بغتة الموت.
قال ابن القيم : أن في القلب قسوة لا يذيبها إلا ذكر الله تعالى.
/
/
الله يجزاج خير على الفائده ..
والله يبعدنا عن اصحاب القلوب القاسيه ,,
والله يجعلنا من الذاكرين له دائما ..
الف شكر على هالفكره الرائعه والله يجعله بميزان اعمالج ياااارب
وانا وياكم بأذن الله
اخواتي في الله ..
جزاكن الله خير ع هالدعوات الطيبة والله أسأل ان يعطيكن مثلها .. اللهم آمين ..
حبيباتي ..
الظاهر اني ماعرفت اوضح لكن الفكرة يالغاليات ..
بس انا قصدي ..
كل مرة الدور على وحدة تختار موضوع شد انتباهها وأثّر
فيها من القسم نفسه ( إسلاميات) أو ( هذا الحبيب يامحب )
وعليها تحط لنا الرابط واحنا ندخل الموضوع ونقوم بطباعته على عدد من النسخ ..
انا بالنسبة لي راح انسخ كل موضوع 30 صفحة ع الأقل و اوزعها ع غرف بنات الدوام .. معاي ؟؟؟!!
وليكن شعارنا يا & مسكيّـــات &
** سالكات الى الله راغباااااااااااات في الجنة **
يلّــه انا الحين بختار موضوع .. وابي كل وحدة فيكم تطبعه وتنشره قد ماتقدر..
انتظروني ثواني ..
اتمنى ينطبع وينشر فو الله انه يستحق ذلك ..
وجزا الله صاحبة الموضوع خير الجزاء
(( ف لمَ جعلتموني اهون الناظرين اليكم؟؟ ))
يعني :
نطبّق الفكرتين / شرايج .؟
البنات يحطون فائده من عندهم ..
او
من القسمين الاسلامي وهذا الحبيب
/
/
والله يجزاج خير الجزاء ..
[ سالكون لله راغبون في الجنّه ]