|
|
شلونكم خواتي كويتيات 
حبيت بس احذركم من بعض الاشياء احنا عادتآ نغفل عنها
في صابون مثل لايف بوي وديتول يصير مركز ومايصلح استعماله للجسم غالبآ
وهذا الحجي وصلني من مختبر وقالولي انه مو زين استعماله للجسم والبشره اعتقد يقتل البكتيريا
الطبيعيه بجسم الانسان .. فحطوا بالكم وبذات لاتستخدمونه حق اليهال
احنا كنا مدمنين على شي اسمه لايف بوي لانه عجيب
بس اللحين قمنا نستعمله يدوب حق غسيل اليد احيانآ .. خواتي بس حبيت احذركم انتبهوا ..
نصيحه مالها شغل بالموضوع بس مره وحده
لمحبين الفاست فود المطاعم اللحين صايره تحرق الاكل وخاصه الهمبورجر و الخبز الايراني ببعض المطاعم
واحنا ياغافلين لكم الله انتبهوا حق هالامور ولاتاكلون اكل مسود ترى اييب المرض الشن 
عاد ماحب هالانواع من الصابون
وأكرر شكري لج على تنبيهنا من الفاست فود مع اننا نعرف مضاره بس ساعات نحتاج احد يذكرنا
وصاجه ترا نغفل حيل عن الحراق اللي بالخبز الايراني بنبه امي وجدتي
عاد انا هابة فيه صارلي جم شهر
ريحته وايد حلوة
ومشكووره حبيبتى على التحذير
انا قالت لي طبيبة الجلدية نفس الكلام .. وقالت لي صابونه دوووف وايد احسن ..
الله يعطيج العافيه ..