احد اسرار الحياة ؟؟؟

مثلا :

اذا فكرت وحده بأنها تعيش حياة تعيسه

وسيطر عليها

ا1- لغضب من زوجها

2- واللوم الداخلي ( ليش جذيه ؟؟ حرام عليه – عقب كل هالعشرة الطيبة يسوي ويسوي )

3- الرغبة في الانتقام ( الله يسلط عليه الله يحرق قلبه الله يهده …..)

4- التشفي — اي قلعته صار فيه كذا وكذا من حوبتي

وتعيش حياتها معاه بهذه الطريقه

كر وفر

وعطاااااااء ثم لوم

حب و حساااااااااب

تتوقعون شنو بيصير بحياتها ؟؟

راح يكون تركيزها على ( ما لا تريد )

وليس على ( ما تريد )

يعني :

اذا فكرت بزوجها تفكر ب : ليش ما عطاني ؟؟ ليش ما سوا لي ؟؟ ليش ما يحس فيني ؟؟ ليش …………. وسلسله ما لها نهايه من الللوم او الغضب او الرغبه بالتشفي

اللله ينتقم منك الله يذوقك النار اللي ذوقتني اياها الله يسلط عليك

—

وراح تركز حييييييل على كل اللي ما تحبه

وبالتالي راح ينجذب لها

اللي ما تحبه

وتزداد غضب ولوم والم

ويزيد تكيرها فيما لا تريد وهكذااااااااااا

والحل ؟؟

الحل بسيط

ترجع لأخلاق القرآن والسنه

وتطبقها على نفسها فقط ولا تلوم الأخرين عليها

يعني اركز على ان اكون زوجه حسنة الخلق وطيبه وافعالي موافقه للكتاب والسنه

ولا اركز على افعال الآخرين

اركز على نفسي واحسنها

واذا صدر من الطرف الآخر ( الزوج)

ما لا ارغب به او استنكره

احرص على اعذاره ( سبعين عذر ؟؟ لا اكثر واكثر واكثر )

لأن هذا هو الحب الحقيقي

والأصل فيه نابع من حب الذات

لأن اللي يحب نفسه راح يفيض حبه على الآخرين

ويعذرهم

ويسامحهم

ويترك اللوم

الغضب

الحقد

الرغبه بالتشفي

الانتقام

مشكوووورة عالموضوع واعتقد هذا كلة يسمى التفكير السلبى واهو انة الانسان تراودة افكار وتخيلات مخالفة للواقع
وهالافكار والتخيلات تكون بطريقة سلبية عكس مايريد هو وهذا نابع من عدم الثقة او لازمات مر فيها ومرة مرتين راح تتحول هالفكرة الى عااادة دائمة فى الحكم على الاشياء واكبر مسببات هالمشكلة هو عدم الايمان بالقضاء والقدر وعدم التفكير بأنة هذى الدنيا هى فااانية والاخرة هى الابدية
واول علاااج لهالحالة اهى الرجوووع الى الله عز وجل
مشكووورة عالموضوع مرة ثانية

هلا ريما

حياج الله اشكرج على اضافاتج الرائعه للموضوع

وفي جانب مهم بهالموضوع

وهو التبصر بالذات

يعني افهم نفسي عدل عدل عدل

وهذا صعب على الناس اللي يلومون الاخرين وينتقدونهم ويراقبونهم

لأن عندهم عادة

المراقبه والللوم والرغبة بالتشفي

والتحسر على الذات

وبالتالي ما يعطون نفسهم ولا الآخرين فرصه لإبداء

العمل الطيب

مثلا :

– فلانه اتصلت بزوجها وما رد

وكررت الاتصال والمسجات وقامت تحاتي

ولأنها مسبقا حاطه ب بالها انه مو حاط لها اعتبار

وانه مايحس فيها

وانه …….. وانه………

راح ننصرف على اساس افكارها

واي كلمه يقولها او يتصرفها

بسرعه راح ةتصبغها بوجهة نظرها

وتحاسبه على ذلك؟؟؟

وتصير حياتها صعبه

وما تدري وعليه عليها

انها صابغه حياتها بالوان تقمت القلب

والحل؟؟؟؟؟

تركز على ما تريد وتجذب لها الخير

يسلمووووووووو

يزاج الله خير على هالموضوع الرائع

الله يعطيج العافية أم السنع وبارك الله فيج كملي بعد الموضوع وااااايد حلو

خوش موضوع..

جزاج الله خير..

مشكورة ياقلبي

وفعلا .. كلامج صحيح .. عن تجربه ..

تسلم الايادي على موضوعج اللي كله حكم
واتحفينا بالمزيد منه وجزاج الله خير

ام السنع

والله انج ام السنع

مشكوره حبيبتي على التنبيه .. ولو ان احيانا الانسان بحاجه إلى انه يتشره او يعتب .. لكن كلامج صحيح مثل ما يقولون كثر الدق يفج اللحام بالعامية

موضوع وايد حلو يعطيج الف عافيه

يا عمري يا احلى بنات على شبكة الانترنت

مشكورين على متابعتكم موضوعي

ويشرفني

مروركم

ويسعدني كثــــــــــــــــــيرا مشاركتكم بالموضوع

بنات عندي معلومات كثيرة حول هذا السر

بإذن الله راح استمر في متابعة الموضوع والكتابة هني

خليكم معاي

–

–

–

الحياة فيها قوانين تسري علينا كلنا في كل اركان الكره الارضية

وسواء استوعبناها ولا لأ فهي ماشية

مثلا :

– احنا ما نعرف قوانين الفيزياء ( اتكلم عن نفسي )

ولكن هذا ليس مبرر لانكارها

كذلك قانون ( الحب والتسامح)

– اللي يعطي حب ياخذ حب واللي يعطي تسامح ياخذ تسامح

– يمكن وحده تسأل شلوووون؟؟

انا احب ريلي وهو ما يحبني

او

لنا زينه مع حمولتي وهم طلعت منهم تصرفات ما تعجبني

او

عندي صديقة قمت فيها قومه وبالأخير شفت منها ما لا يعجبني

المهم يا بنات تعرفون ان الحب والتسامح مثل الاسهم

اذا القيتيها ترد عليج

عطي حب صااااااااافي وتاخذين حب صاااااااااافي

وحده منكم ترد علي

تقول : عطيت حب صافي غير مشروط وما حصلت الا النفور

اقول لها روحي باعماق ذاتج وفكري بصدق و امانه مع نفسج

ورب العالمين فوقج

هل انتي حبيتي بدون طلب مقابل ؟؟ حتى لو كان ما تريدين ( الحب والمشاعر الحلوة والكلام اللطيف والتواصل)

لأن هذا يعتبر شروط

مثلا : لما تحبين ريلج وتقولين له انا ما ابي منك شي وانا احبك لذاتك وانا طيبه

بس الناس مو مثلي والناس مو بطيبة قلبي

وانا احبك واموووت على ريحتك

وما ابي منك شي

وبوقت الصجية

تان ترى تاااااااااااااااان

تقلب

انت ما تحبني

انت ما تدق علي انت ما تسأل عني

انت بس هامينك عيالك واهلك وربعك

اما انا لي الله

لما الريال يصير جذيه

الحب الغير مشروط ما فيه مطالبات لا معنوية ولا مادية

طبعا هذا لا يعني ان اقوم بمسئوليات زوجي

واعمل كل واجباته

لما صير فااااااااااضي

آه من الحــــــــــــــــــــــــــــب ومعانيه واسراره

الحب والتواصل يطلع من كلماتج وافعالج

والنقد واللوم والغضب والرغبة بالتشفي

تطلع من كلماتج وافكارج

وقديما قالو :

اللسان مغرفة القلب

خليكم معاي اسولف معاكم عن (( لماذا يرفضنا ازواجنا والآخرون )) وخلونا نتعلم اسرار الحياة ونطوعها لخدمتنا