احتاج مساعدتكم تم تعديل العنوان من قبل لاشلراف

حبايبي اختي عمرها سنتين ونص وللحين ماتاكل الا وين ووين تفضل الرضاعه اوقات حتى الموياتبيها بالرضاعه اللي بعمرها تاركينها وهي للحين وانا موعارفه ايش اسويلها جسمها ضعيف موضعيف حيل بس مو كانه جسم وحده بعمرها تكفون ساعدوني شلون اتصرف معها

عطوها مشهيات وخلوها تاكل معاكم من نفس الصحن والقفشه
عطوها راحتها بالاكل لا تغصبوها او تحرمنها من شي معين …… اذا ترضع حليب لا تفطمونها من الرضاعه قصدي المميه عادي …. بس لا تخلونها جذي دربوها على الاكل عطوها فيتامين

مشكوره حبيبتي حنا مخلينها على راحتها بالاكل بس هي تفضل الرضاعه اكثر امي تقول اخاف اعودها على الفيتامينات يتعود جسمها عليها تصير ماتاكل الا بالفيتامينات

اهي لاقيه البديل عن الاكل و طبيعي ما راح تاكل الرضاعه للي بسنها موزينه كبرت بسم الله عليها ويتراولي كملو اسنانها بعد يعني المفروض انها تاكل كلشي
شوفي حبيبتي وقت الوجبه لازم تكون البنت حدها جوعانه واذا ارفضت الاكل وطلبت الرضاعه قولولها ان الرضاعه خربانه واذا اصرت حيل وقدمولها الرضاعه بس فيها ملح بدال السكر عشان تكرهها وتضطر تاكل من نفس اكلكم لانها جوعانه ==== فكره اجراميه ====

ودائماً استخدمو معاها هذي الطريقه وقولولها ان الرضاعه خربانه واذا اصرت قدموها لها بس بملح ورغبوها بالاكل بصحن خاص فيها مع الملعقه والشوكه تكون علي شخصيه كرتونيه تحبها
عوضوها عن حليب الرضاعه بحليب محلي بنكهات مثل حليب الفراوله او حليب الكاكاو او الموز اختاري المراعي او كيددي طبعاً بكاس خاص للاطفال اللي بسنها يكون شكله حلو بالشخصيات الكرتونيه اللي تحبها مثل الصحن
عطوها اكل مفيد يعوضها عن حليب الرضاعه مثل البيض والروب والاجبان واللبنه او حليب كامل الدسم مع البسكويت
المهم انها ما تقطع الحليب ومشتقاته لانها بحاجه له بس موحلو تاخذه بالرضاعه
جربي هذي الطريقه انا سويتها مع بنيت وانحجت الحمد الله الفال لكم انشاءالله

مشكوره حبيبتي الباحثه شغلة اني اجيب لها صحون فيها شخصيات كرتونيه راحت عن بالي بس اني احط لها ملح بالحليب امي معارضه تقول حرام مابيها تتركها بالغصب بس شغلة الصحون بجيبلها لها ويارب ترضى تاكل ودي انها تتعود كل اللي بسنها تركو الرضاعه ويارب هي بعد تقتنع وتتركها

الله يخليها لكم

شوفي حبيبتي اهم شي انكم تقللون من سالفة الرضاعة هذي

بكل بساطة لا تعطونها حليب بالمية الا وقت النوم بالليل و حتى هذا فترة معينة و راح تقطعونه

اذا ما لقت بديل و حست بالجوع بتاكل

لا تخافين