اجهضت بنتي منهااره واحاتي الربط محتاجتكم تطمنوني

حياتي الله يعوضج خير يا رب ..
تحملي ميخالف قضاء الله و قدره خيره لج ما تدرين يا عمري
الله يصبرج و يرزقج طفل سليم معافي يا رب ..

الله يعوضج حبيبتي وتكون شفيعه لج يارب صدقيني باجر ربي يعوضج درزن وتنسين كل هالايام الصعبه ما الومج انا بس لا تأثر علي نفسيتج وتتعبين تنفسي عدل وشدي حيلج وان شالله مايدور شهرين الا انتي حامل
بس ماذكرتي شلون توفت اذا ولاده مبكره شي طبيعي تربطين حبيبتي

عوذي من الشيطان ولعل بالامر خيره وهالطفله تضل شفيعه لكم فكري لجدام وانسي هالموضوع
ولو صار وربطتي عاادي انا اعرف شكثر والله م ابالغ رفيجتي كانت رابطه وكانت بسراحه مو قاعده راحه لدرجه ما اشك انها رابطه اخر حملها ولا اسولف معاها بالتلفون جام تقول باجر بفجه والحمدالله عدت المده انصدمت قتلها كل هالروحات والجيات ورابطه عسى الله يحفظج انتي واللي في بطنج المفروض كنتي كله ترتاحين ع ظهرج قالت حطيت كل شي ع رب العالمين وصدقيني بيجونج عيال ويترسون عليج البيت وبتظل هالبنت تشفعلك يوم القيامه قوي نفسج ولايكسرج شي وع طول احملي لاتقعدين بس اذا حملتي راجعي واذا احتجتي ربط اربطي ودربالج ع حالج وزوجج المسكين كلميه وقوليله خيره وامسحي ع قلبه بكلامج وترى غلط الكلام اللي قلتيه مالج خلق له ولشقتج ترى الحمدالله يارب في مصايب اعظم ويمكن ربي كان بيختبرج لذالك لاتخسرين الاختبار والشيطان يلعب عليج ولايعاقبج ربج ع اللي تسوينه لاتعترضين ع قدر ربج واحملي وحتى لو ماصار حمل حاولي واسعي لهو نفوسكم ع مايجي البيبي الثاني ارد واقولج لاتخلين زوجج بهالحاله يمكن بلحظه يروح لغيرج بس لانه يبي احد يوقف معاه بهالحاله ترى مو بس انتي تحسين هم اهو يحس بس هم يكابرون والله يرزقكم بالذريه الصالحه وكل شي يذكرج بحمالج امسحيه حتى الصور خلج قويه بربج

الله يعوضج ان شاء الله ويجعلها شفيعه لكم

الله يعوضج يارب ياقلبي وتشفعلكم عند العالمين وتفرحين بحمالاتج الباقيه وتقر عينج فيهم يارب
وهذا قضاء الله وقدره

الله يعوضج ان شاء الله فتره وتعدي اكيد راح تتضايقين هذا شعور طبيعي ،،،

الله يعوضج حبيبتي انا ربطت والحمدلله كله سهالات لاتخافين ومثل ماحملتي اول مره ربي بيرزقج ثاني وثالث وعاشر مره هوني على زوجج ترى نفسيتج تاثر عليه ادري فيه غصه بقلبج خصوصا ان عندج صورها نصيحه لجئي لربج وادعيه بالثلث الاخير وردي لشقتج بعد نفاسج وكشخي ولبسي وقوليله هذا امر رب العالمين يمكن اختبار واكيد فيه اجر لنا بالدنيا والاخره
طمنيني عليج

الله يعوضج انا بعد تجهضت آخر الخامس ومريت بكل الي مريتي فيه
الحمدالله ربي عوضني والتزم الدعاء والقرآن وسويت ربط والحمدالله ربي رزقني
والحين حامل وهم مسوية ربط وعايشة حياتي طبيعي
لا تفكرين وايد وصدقيني ربي بيعوضج

وردي شقتج وعيشي حياتج مع زوجج ردوا عرايس وسافري والي خذاها منكم بيعوضكم

الله يعوضج ان شاء الله روحي عمره انتي وزوجج وادعي ربج واحمديه واطلبيه واذا الله رزقج سوي ربط واقري على عمرج اعرف وحده جذي وعقب اجهاضها مع الربط جابت 3 الحمدلله

كل اللي الله كاتبه لج خير والله يعوضج خير

ي عمري انتي … ربي يعوضج خير ياااارب .. عندي خالتي كانت تجيب طبيعي من دون ربط وعيالها رجاجيل ماشاءالله و بعد مده طويله حملت وجابت ولد عمره 6 سنين طبيعي من دون ربط … وبعدها تحمل وبالسادس تولد وتتوفى البنت تقريبن 6 اجهاضات وبالسادس وكلا تربط وهم تجهظ .. والسبب شنوو ..!! .. والسنه الي فاتت حملت و هم ف بنت وربطت وكانت ترقي نفسها و بطنها .. ودايمن تتحلم ب احلا ان واحد ياخذ بنتها من بطنها .. ولمن اتعبت نفسيتها وجهظت ب اخر السادس .. بس سبحان الله البنت عاشت 24 يوم والسبب شنو كان ولد خالتي يرقي ع الام وبنتها بالشيشه .. بس البنت توفت لان امها ما يدر صدرها حليب والحليب الصناعي ما تتحمله .. والحمدلله .. والحين حامل والحمدلله م الرقيه والدعاء ربي يثبت حملها والحين بالشهر السابع ربي يتمم حملها ع خير ….
يعني ي قلبي لا تيأسين من رحمة الله .. وعليج بالرقيه والدعاء والصلاة بوقتها …
وعسى وبالأمر خيره ..
ردي حياتج طبيعيه ولاتحاتين ربج فوقج ..راجعي دكتورج ويعطيج فيتامينات تقوي الرحم وبعد ماترتاحين وترد صحتج احملي

بأذن الله اذا حملتي عليج بالراحه التااامه ولاتستهينين بأي حركه تسوينها .. خلج نايمه ع ظهرج ورفي ارجولج ع مخده عاليه .. وبتعدي عن اي شي يسبب الاجهاض .. والبذات الجمااااع .. هو سبب البلاوي كلها .. لان مرا اجهضت بعد الجماع و مرها بوقت الجماع نزفت .. وكنت بالشهر الثالث .. الحمدلله ع كل حال

جهاز البيبي تصدقي فيه حق المحتاج .. عشان نفسيتج ترتاح .. رحمة الله واااسعه ♡