اجراءات الطلاق

السلام عليكم بنات انا ناطرة باي وقت يرفع ريلي قضية طلاق الله يعافيكم ابي اعرف اذا راح المحكمة شنو الاجراء اللي راح يصير؟؟؟؟

يعني يصير بطلقني بدون لا ادري ؟؟؟؟؟
في مجال يصلح القاضي حالي؟؟؟؟

والله يخليكم ادعولي بظهر الغيب ان الله يباعد بينا و بين الطلاق كما باعدت بين المشرق والمغرب و يسخرلي زوجي و يصلح احوالنا ان شاء الله لا تنسوني بالدعاء بظهر الغيب

الله يسخر له لج و يجمع شملكم و يوفق فيما بينكم
بس حبيبتي اذا انتي تبينه و ما ودج اتطلقين منه .. حاولي تصلحين الامور
دخلي وسيط فيما بينكم
او تفاهمي مع زوجج

والله حاولت وحاولت مو معطيني فرصة والكل كلمه بس ماكو فايدة ما يبي يشوفني ولا يكلمني حتى

حرام جذي اذا انتي تبينه لا تخلين الوقت يضيع كلميه دزي مسجات حاولي تصلحين الامور

وعن اجراءات الطلاق مادري والله

انا عني جتني ورقتي لي بيتناا وبسسسسس بلا محاكم بلا فضايح

كلمته طرشت مسجات سويت كل شي والله الكبير و الصغير كلمه ماكو نتيجة مو معطيني فرصة حتى اكلمه

شلون وصلتج ورقتج يعني ما ياج انذار؟؟؟؟

حبيبتي لا تكلمينه خلي المشكله تهدي هوو الحيين شايف الكل يترجاه وسايق فيها
انسي الموضوع حنا عندنا بسعوديه لبد حضور زوجه لالصلاح ويعطيهم القاضي فرصه يتشوروون
لانه حتي لوو رجعتي له راح يذلك علشان ترجتوه يرجعج الي ذمته
هدي الموضوع شوي والي مكتوب لك بتشوفينه مهما صار
الله يسر امورج

الله يصلح بينكم ويصلحكم ويهديكم انشالله ماعتقد يرفع قضيه لااااااااااا اعتقد يطلق بالمحكمه وتوصل ورقة الطلاق بعيد الشر عنكم انشالله
حاولي فيه مره ومرتين وعشر لاتستسلمين

الله يهديه ويصلح بينكم ان شاءالله

والله مادري حبيبتي ماعندي فكره

يعني يصير بطلقني بدون لا ادري ؟؟؟؟؟
اي يصير وصارت لوحده اعرفها مادرت لين يابت لها المحكمه ورقة طلاقها لبيتها

في مجال يصلح القاضي حالي؟؟؟؟
اي يخيرونكم انكم اتدشون مكان لاصلاح البين ويحاولون يشوفون ليش ويعطونكم حلول (جذي سمعت)

الله يخليلج زوجج انتي حاولي تتداركين الموضوع وتراضينه

حبيبتي على حسب مذهبج

اذا انتي تتبعين المذهب الجعفري لازم تروحين المحكمه ويشوفكم القاضي ويستفسر عن اسباب الطلاق واذا انتي قلتي حق القاضي ما ابي اطلق

ماراح يطلقج منه وراح يأجل القضيه وراح يحولكم حق المصلحه الاجتماعيه الموجوده بالمحكمه

اما اذا كنتي تتبعين المذهب السني فيقدر يطلقج غيابي وتوصلج ورقتج ليه البيت

بس حبيبتي اتي ما ذكرتي ليش هالجفا منه وليش يبي يطلقج ؟

يعني ان اللي اعرفه ان الريال اللي يعاند وما يطلق بسهوله ؟

عموما حبيبتي الله يجمعكم وما يفرقكم

ما اعتقد في شي اسمه يرفع قضية طلاق يروح يطلق على طول
بس اعتقد قبلها في اصلاح ذات البين..

الله يهديه يارب ويسخره لج ان شاءالله وتردون حق بعض مثل ماكنتو واحسن

اما عن موضوع الطلاق اي يقدر يطلقج بدون ماتحضرين انا جذي صار وياي وطلقت بدون مااحضر

لاحول ولاقوة الله بالله

الله يهديه ويسخره لج

ولو اني اقول: اللي باعني ابيعه

ونفس الوقت اقول الله يجمع ويهدي كل 2 يحبون بعض

حاولوا تتفاهمون وتوصلون حق حل وانشالله يكون بس كلام ترى الريال اذا عصب عادي يقول كل شي
الله يصلح بينكم ويصلحكم ويهديكم

مافبه سبب والله بس اشياء متراكمة وايد و انا وايد قالولي ان قبل لا يطلق يدزوولي انذار اني اروح المحكمة واذا ما رحت يطلقونة و سمعت ان الواحد يطلق غيابي الحين ما يصير مادري هالكلام صج والا لأ ؟؟؟؟؟؟

اهو وايد معاند و ميبس راسه و اعتقد لان الكل قعد يكلمه انا اقولهم حقروووه ومردة بفكر بس خوفي ان يستعيل و حرام لان عندي يهال