اجازة الامومة ومعاش العطلة؟؟

مرحبا حبيباتي شخباركم بغيت استفسر عن اجازة الامومة انا توني والدة وابي اخذ امومة بس قالولي انه يقص من معاش العطلة فاللي عندها خلفية عن هالموضوع تفيدني…

الحمدلله على السلامه

ويتربي بعزج وعز ابوه ان شاء الله

انا مومدرسة

بس أحب الإجازات ههههههههه

اي اقولج من تاريخ ولادتج حسبي شهرين هذي ( اجازة وضع ) والمعاش كامل

واذا عندج احد يجابل البيبي

نصيحة اخت داومي كلها ايام وتعطلون وينزلج الراتب كامل

واذا علاقتج مع ناظرتج اوكي طلعي طلي على ضناج ولعبيه ورضعيه وردي

للاسف ما عندي فكرة

أظن لازم تباشرين العمل قبل عطلة الصيف علشان تنزل لج رواتب العطلة كاملة
لكن لو ما داومتي الى آخر يوم في الدراسة ما يعطونج رواتب العطلة
ورواتب العطلة تنزل في البنوك مع راتب شهر 5 يعني لازم تكونين مداومة في شهر 5

حسافة داومي ما بقى شي و تخلص السنة

الحمدالله على سلامتج و يتربى بعزكم ان شالله و جعله الله من الذرية الصالحة ان شالله

انا ولدت شهر 12 2024
وداومت عقب الوضع والامومة شهر 4
يعني قطعت اجازة الامومة لأني افتشلت وايد من رفيجاتي بلقسم انهم شالوا حصصي .. وهمه ابروحهم ثنتين وانا الثالثه
وحمدالله نزللي المعاش كامل
بس عشان تقطعين اجازتج الامومهلازم قبلها باسبوعين اتراجعين المنطقه التعليمية ابهالخصوص
لااااااااااااازم مو تنسين

الله يخليلج البيبي