|
|
السلام عليكم ورحمة الله وبركاته
كيف تستقبلين زوجك ….الموضوع هذا اخذ حقه من النقاش ..وكان الجواب النهائي
استقبل زوجي بكامل زينتي وبالأحضان والقبلات …ثم بكأس ماء او عصير
طيب ..وبعدين …ملينا كل يوم كذا
المهم ..مع ان كلامي كله مهم
بقول لكم عن حاجه انا سويتها من فتره ونالت اعجاب زوجي وبشددده
بتكلم بصوره عامه …
بعد فتره من استقبال زوجك بالطريقه السالفة الذكر اعلاه (حتى يستنكر التغيير )
تعالي يوم وهبلي فيه …..
استعدي اولا بلبسك بما ان الدنيا حر اوصيك بلبس قطعتين فقط… جلابيه ام عشره الخفيفه ..وقطعه ثانيه تحتها وخلاص
وارفعي اطراف الجلابيه تحت خيوط القطعه الثانيه ..
مكياج خفيف ..عطر خفيف …كشتك ….تصرفي فيها
وفي يدك امسكي بدل كاس العصير مكنسه ..وفي اليد الثانيه منفظه
وتسمري عند الباب لين تسمعي صوته قادم وسوي نفسك تكنسين
اذا دخل سلمي عليه بالكلام فقط (ايدينك مشغوله بمكنسه ومنفضه)
بعدين اسبقيه وادخلي وانتي مقفيه قولي له ..لو سمحت افسخ نعالك عند الباب وغسل رجلينك .و .خليك شديده شوي
اذا دخل ..روحي للغرفه اللي هو فيها وابدي نظفي ..و قولي له قم بكنس اللي تحتك ..وكل شوي قولي له ياربي ريحه خايسه تشم ولا انا بس اللي اشم
بعدين ..اجلسي تشمشمي كل شي لين تجين عنده ..وشميه ..وامسكي خشمك ..وقولي يييع الريحه منك …قم اتروش…خيستنا
لا تعطينه فرصه للكلام …اسحبيه على الحمام
وهنا انتي تكوني مجهزه الحمام من قبل …ماء دافي في البانيو …وقطرات من زيوت معطره(نيبتون مثلا من زهور الريف ) ..وبتلات ورود تطفو …واكتفي بالشموع كأضائه …وتكوني مجهزه كل شي خاص بالأستحمام
ودخليه الحمام وروشيه …ترى مسكين مايعرف يتروش
ملاحظه :
لاتصدقين انها ترويشه صدقيه وتجلسين تفركينه …خذي المسئله بهداوه ولطافه اثاره اغراء
واذا خلصتو وطلعتو ..قولي له يع ريحه خايسه ..وشوفي شبيقول
حاجه بسيطه لكن اتمنى تفيدكم
م
ن
ق
و
ل
الروتين بين الازواج .. والرجال معروف انه يحب التغيير ويحب يشوف من زوجته
كل شي حلو ونظيف وجديد .. تسلمين على الموضوع وياليت كل وحده تعطينا افكار نفس جذي اتسويها مع زوجها عشان كل وحده تستفيد وزوجها ما يمل منها وما يحس ان زوجته ممله ..
الاغراء وشوي جراءه .. ونظافه والريحه الطيبه .. والافكار الحلوه تلخي الرجال مو بس يحب زوجته الا يفكر دايم متى يرد البيت يشوف زوجته شنو زهبتله اليوم
ماظن بتعجب زوجي
فكرهحلوه بس اكيد بيقولي تقلدين نانسي شنووووووو!!!
كويتيه ورفرف ……..صاجين هههههههههه احسها وايد صعبه من يدش البيت استلمه بالله ياي متهاوش …………يعني كل وحده تحب تجربها ادق على ريلها قبل تنفيذ الخطه وتشوف النفسيه اخاف بدال لاتخم بالمخمه تي على راسها ههههههههه والله قصة ويه
واحب انوه انه فعال جدا وفزززززززززيع ما عدا سالفة السبوح لا لا تصدقون بس لي دخل خلج مبهذلة ورافعة شعرج من ورا ومن جدام خلي قذلتج تطز عيونج ..>> اوقع
وربطي دراعتج مثل عيال السكسك و عقدي النونه ونفضي الغبار عليه ولا خلج ماسكه الملاس ويا ريت الغدا يكون سمجه زفرررررررررررة علشان تغرينه ويحس انج ربة بيت ومجابله بيتج ولي دخل قولي له الغاز خلص وتوهقت والريال حقرني ما يابه وعيالك شواذي وكبتك اخس من كباتة اليهال اييب المرض وباب الحمام معلق واستلميه وعطيه على دماغه ليمن يقول بقلبه طبعا : سكنهم مساكنهم. وبعدين روحي تسبحي بروحج هاااااااااااا؟؟؟
ولبسي قوملق من ملوت المحاميد شرط اللي فيهم دانتيل يشمخ من فوق وخامتهم لميع ومقصملة لاهي طويلة ولاهي قصيرة وتحتها سروال طويل من القطن بوريول
وعسااااااااااااج تامنين شره لي ياج من برة مستشر
واذا ناوية عليه و معومة ترى عندهم قمصان فيها فرو خرفان وزري وترتر وحدايد وسلاسل بعد حشى ؟؟
كل شي موجود والله حسافة فيهم الشي الغالي
انا اليوم رحت القيصرية اللي بالسالمية وشريت لي بجامات بوطقة بس حلوين وناعمين بو دينار ونص ودينارين وثلاث ان كثروا وبس ماني شارية شي يخب علينا بعد
اخليها لما ايي من الحداق اكون مزهبه الحمام ومزهبه كل شي
بس مااقوله ريحتك خايسه
مره سويت جذي حطيت بالحمام شموع وماي دفي ورقوه ومسويه جو مالت علي
واشوف الريال طول بالحمام وانا انطره يطلع ولا يناديني
ابد عمك اصمخ
يوم طلع رحت الحمام وراه الا قاعد ومذوب الشموع كلهم على بعض ومسويله شمعه كبيره
أغلى حبيبه صج ريلج يحر ……………حلوه سالفت الشمعه الكبيره عسى موشاريتهم غالين اذا هذي سوالفه ديري بالج تاخين من لاند مارك وغيره حسااااااااااافه عليهم اقول كثريله من بو100 فلس اذا استانس على الحركه …………واي ذكرني برفيجتي تحب هل حركه
خوش فكرة
