|
|
السلام عليكم،،،
بنات والله تعبت من زوجي ومن اهله ومشاكلهم مليت مرات افكر اني انتحر عشان ارتاح من هالدنيا بس استغفر ربي واتعوذ من الشيطان بنات من خذيت زوجي وانا مو مرتاحه امه مو مخليتني بحالي تقط كلام علي وعلى اهلي ازعل واروح بيت اهلي وارجع بعدين بسبة حنت اخواني وخواتي واخر مره صعدو لغرفتي خالتي وحماتي وطقوني ليش ان خدامتي ماتسمع كلامهم يقولون انتي تحرشينها علينا وهالكلام جذب لانها والله تشتغل لهم بعدين تجي شقتي تنظفها لان فترتها كانت خدامتهم مسافره المهم ابو زوجي كان موجود لما طقوني وشافهم والله يابنات غصب طلعهم من غرفتي المهم بعد هالسالفه قلت ماراح اقعدلهم بالبيت وفعلا ابو زوجي قاله خلاص اجر بره انا تفشلت من امك واللي تسويه المهم بنات زوجي من كنت فبيت اهله واهو كل مايعصب ولا شي ماعنده تفاهم غير الطق والله مليت طلعت فبيت بروحي وارتحت من مشاكل اهله بس اهو للحين مو راضي يتعدل قبل شوي مسكني وطقني طق بالعصا ليش اني قتله انت ليش تكره اهلي واهو صج دوم يغثني ويغلط على اهلي بنات مليت من حياتي معاه شسوي عندي ولدين منه اتطلق المشكله يهددني بعيالي يقولي اطلقج بس عيالي اخذهم غصبا عليج اول مايكملون 7 سنوات اهو سعودي وانا خايفه صج ياخذ عيالي عن طريق سفارتهم وغير هذا انا يتيمه الام والاب يعني اذا تطلقت راح اسكن عند اخواني وخايفه انهم مايتحملوني انا وعيالي وغير المعامله اذا ملو مني بنات شسوي شسوي والله مليت ولاتقولون اسكني بروحج مستحيل انا عيالي صغار الكبير عمره سنتين وغير هذا بدويه مستحيل اخواني يخلوني بروحي بنات تكفون عطوني رايكم قولولي شسوي اتطلق ولا اتحمل الاهانات عشان عيالي مع اني ادري ماراح اتحمل
ياااارب ساعدني يارب فرج كربتي
كلمي اخوانج خل يوقفونه عند حده هذا موريال مايستحي يمد ايده عليييج
وكلمي عمج ابو ريلج خل يكلمه يمكن يستحي شوي وقولي له خاف الله فيني انا يتيمه
حبيبتي اذا كبروا عيالج وابوهم ما تعدل فا تطلقي احسن لان معاملته لج وقسوته راح تأثر على نفسيتهم
انا رفيجتي تعقدت من الزواج بسبة ابوها وكرهت الرياييل وامهم ماكانت تبي تطلق عشان عيالها مادرت انها ظلمت عيالها وعقدتهم بقعدتها مع هالريال الي مايتعاشر
اذا موضوع اهلج يتعبج طنشي يا قلبي طنشي
مو كل شي بحياتنا حلو في اشيا لازم نتكيف معاها وزوج هذا اللي صبرج عليه لازم تتحمليينه
موضوع الطلاق انسسسيه ليش
عشان اعيالج بس باجر يفترون باجر من بيت لبيت وبدال ما تشكين من رجلج راح تشكين من حريم الاخوان
فنار زوجج ولا جنه الاهل
طيب شلون تراتاحين من غثاه
طنشي فييه ارفعي الجام من قلب يعني لا اهلي ولا اهلك لا تجيبين طاري الاهل عنده ترا شكثر رياجيل من يسمعون طاري اهل
مرته ينقرص ويقط نفزات تستفز
وانتي خليج دايم ريلاكس تجنبي اي شي يستفزه اختي لازم اتعرفينله اتعرفين متى يزعل ومتى يرفع يده
واسأل الله العضيم رب العرش العضيم ان يفك ضيقتج ويريح قلبج
اختي اذا عصبتي او غثج باي شي استغفري بقلبج وانتي ساكته مو مبوزه وجربيها من اختج انا مجربتها
ويعيينج
كثري من الاستغفاار
ماادري شقولج .. كثر منا لاستغفار وسورة البقرة ..
واهو مستوقي عليج عشان ماوراج ظهر
يمكن يحس على دمه ويستحي
عليج بقيام الليل والدعاء عسى الله يهديه لج
حبيبتي ريلج اذا ماتسنع تطلقي وخليه اهواااااا راح يبتلش ويصرف على عيالج ولا تحملين اهانات ولا شي
والله يصلحه لج وبصلح اهله يارب
وحسبي الله ونعم الوكيل
الله يفرج همج
بس ما انصح تقعدين عنده
وين قاعدين؟؟ اشلون يطقج بالعصا؟؟؟؟
هذا في اي قرن عايش
لما قريت ظروفج مع اهلج ترددت اقول تطلقي … بس الصج الصج ألزم ماعليج كرامتج … وعيالج الله يتولاهم وان شالله المحاكم ماتقصر
الله يعييينج من قلبي اقولها
الحمدالله ريلج مايشرب ولا راعي شقق وحريم ووصاخه قضبي مينونج وادعي ربج يصلحه ويهديه ويآجرج على صبرج ومصيبتج
عليج بسورة البقره واكثري من قيام الليل والاستغفار
وحاولي أتغيرينه
بس اذجا لا لا تضييعين عمرج معاه
ولا تخلينه أهددج بالعيال
ترى ماردهم لج
الله يعينج ويهديلج ريلج
اول شي ربي يعينك على ما بلاك ..
وتحسبي تحسبي تحسبي من كل قلبك على من ظلمك وعلى من يمد ايده عليك … انتي يتيمة .. وااماا االيتيم فلا تقهر
وباالنسبة لزوجك .. اول شي تسوينه بكره انك تروحين االمستشفى وتاخذين تقرير وتخلينه للمستقبل .. وان ماا فاادك ما ضرك
وبعد في شغله .. انتي حبيبتي لا تستفزينه . تدرين انه عقله صغير وماا يخاف ربه .. لا تناقشينه سكتي عنه . واذا شفتيه معصب سكتي عنه .. وقولي لعمك انه مصحيك على طق ومنومك على طق . يمكن يستحي من ابوه شوي . وبعدين اخوانك شنو دورهم في هذا كلله ؟؟ قوللي حق اخوانك يوقفونه عند حده. وقولي له ما لك حق تاااخذ عيالي وانت رجاال عنيف وتضرب . مثلل ماا قلت لك روحي اخذي تقرير بالضرب واستشيري محامية .. في محامية معاانا في المنتدى شوفي وسأليها عشان بس تتطمنين .. للكن شيلي موضوع الطلاق االحين من بااالك وخلك ذكية بتعااملك معااه وسكتي عنه لحد ماا يهدأ وبعدين ناقشيه
وربي يعينك ان شاء الله ويهدي لك زوجك