ابي نصايحكم يا متزوجات // صار فيني التهاب و السبب طلعت اعليميه :(

السلام عليكم

بقولكم سالفتي اللي صارت معاي بسبب جهلي
و خلتني انحط بموقف محرج

أنا توني جديده بالحياة الزوجية
صارت معاي حكة مو طبيعية داخل المنطقة الحساسة شي ماقدر اتحمله
و رحت طبيبة نسا
لما اكشفت علي قالت عندج افرازات متراكمة داخل المهبل و صاير معاج التهاب شديييد
وقالت باين ما تشطفين نفسح عدل ؟
و انا خنت حيلي بكل براءة قلت امبلى والله دايم أتشطف عدل و استخدم غسول بس مادري ليش صار معاي جذي

افحصتني فحص يعور يعور يعور و قامت تنظف المنطقه من داخل و حطتلي كريم
و انا ساكته و دموعي اربع اربع من الجهاز اللي دخلته فيني

لما خلصت فحص عطتني تحاميل و كبسولات و غسول للالتهاب
و قالت لازم تتشطفي بالغسول من برا و من داخل بعد

قلت لها أوكي بس بقلبي ما استوعبت يعني شنو من داخل !!

رحت لأمي و قلتلها صار فيني كيت و كيت
قالت اي بنيتي عادي نظفي نفسح عدل من داخل نفس طريقتج بالغسل كل مره

قلت اشلون يعني من داخل

بهاللحظه أمي انصدمت
قالت يعني انتي كل هالوقت ما تنظفين المنطقه من داخل
قلت اشلون ماعرف ، أول مره اسمع هالحجي !

قالت اشلون تغسلين نفسج من الجنابة و من الدورة و اشلون تستعملين الغسول و اشلون تنظفين نفسح بماي و ملح ؟
قلت مادري كله من برا

والله شوي و أبجي من الفشله قلتلها اشدراني ولا مرة طريتي اني لازم أنظف المنطقه من داخل
عبالي اذا غسلت المنطقه من برا يعني أنا أوكي
قعدت ألوم أمي انها ما قالت لي هالحجي و هي تقول عبالي انتي تفهمين هالسوالف بس طلعتي اخرطي

المهم سوري ع التعبير
امي قالتلي اذا بتغسلين حاولي تدخلين إصبعك شوي شوي عشان تطلع الإفرازات و تتنظف المنطقه عدل

و بعدها قعدت مصدومة اشلون ما كنت ادري عن هالشي
و أنا اللي كنت ماخذه مقلب بنفسي اني مهتمة بالمنطقة عدل
بس الحمدلله تلاحقت عمري قبل لا تتفاقم المشكلة

أنا كتبت هالموضوع عشان افيد البنات اللي مايعرفون عن هالسالفة ، يمكن في عليميات مثل حالتي
الحين ابيكم تعطوني نصايح بخصوص هالشي
اشلون طريقتكم بالتنظيف من داخل
والله على كثر ما قريت بهالقسم ولا مرة وحدة جابت طاري هالموضوع

حاسه بـ فشله و إحراج بس والله ما كتبت هالسالفة الا عشان بعض البنات ينتبهون و يديرون بالهم

الرحم ذاتي التنظيف يعني ينظف نفسه بنفسه يطلع الوصخ والافرازات بنفسه انا لي 7 سنين غسول مو كل يوم لا بين يومين ومن بره ماعمري حطيت اصبعي و تره كثرت الغسول مو زينه والملح يسبب جفاف همن مو زين ومااستخدمه ولا مره صابني التهاب الحمدالله ومن داخل نظيفه الحمدالله
فاظن الالتهاب اللي صابج ماله شغل انج ماتحطين صبعج من داخل وتنظفين له اسباب كثيره

تحذير البنات الي مو متزوجات لا ينظفون من داخل خطر
سلامتك حبيبتي

مشكورة ام فوازي

أنا نفس تفكيرج و معاج باللي قلتيه
بس كلام أمي خرعني بس أخاف أنظف من داخل و اصلا تلوع جبدي ماقدر اسوي هالشي

يعطيج العافيه
و ناطره نصايح باقي البنات

انا بعد اغسل من برى بس بغسوول عمري مانظفت من دااخل والحمدلله امووري زينه
اللي عندها معلومات تفيدنا

وانا مع ام فوازي ان الرحم ينظف نفسه بنفسه

اول شي المومتزوجات لاتسوون هلشي لان حالتكم غير عن المتزوجه

ثاني شي اول مره اعرف علشغله

ول عمري اتنظف عادي

ماحط شي داخل

وماصارلي شي ونظيفه الحمدلله

ترا اتوقع الي صارلج ماله دخل بإنج لازم تغسلين وتدخلين داخل

ماعمري سويت هلشي وماسمعت احد يقول عنه

مادري والله

نشوف راي البنات

مشكورة حبيبتي الله يسلمج

و ديربالكم المو متزوجات تنظفون من داخل
قصدي ابي البنات يستفيدون عشان لا تزوجوا بعدين *

والله صدمني كلام امج. الله يطول بعمرها انا كله تنظيفاتي من بره وماشيه ع هالاساس

يعطيكم العافيه
يعني كلكم مو مقتنعين بكلام أمي مثلي !!

أنا اليوم عندي موعد بقول للدكتورة عن الحجي اللي قالته أمي
و بفهم منها اذا هالطريقة صح و الا ما يصير

والله حبيبتي انا بس انظف من بره … اشلون من داخل احس مو زين!!!

اول مره اسمع من داخل !
شلون يعني احسها قويه ولا يمكن اسويهااااااا بشرينا شيصير بموعدج

سلامتك حبيبتي ماتشوفين شر
انا انظف من براءبغسوول طبي لكن عقب الدوره << وانتة بكرامه
ادخل قطن تدخيل بسيط للتاكد من النظافه وعقبه ادخل قطن عليه مسك وكمان تدخيل بسيط للتطهير المنطقه

اما ادخل شي تاني لا ولا قد سمعت ………. والحمدلله اوضاعي تماااااااام

عسى الله يخليلج الوالده ..

بس كلامها كلش مو طبي حبيبتي .. لا تحاتين مو انتي بروحج جذى كلنا جذى واللى انتي قاعده تسوينه طبيعي ..

ماله داعي تدخلين صبعج داخل عشان تنظفين مثل ما نسمع من البنات ..

اصلا سبحان الله ربج خلق عنق الرحم وعنق الرحم هذا يفرز ماده قاتله للجراثيم عشان يحافظ علي المهبل

يعني لا اصبع ولا حتي دش مهبلي …

تدرين مره انا سألت دكتوري عن الدش المهبلي وهالامور قالي اصلا الدش المهبلي ماحد يستخدمه الا حالات نادره

والحالات هذى لا سامح الله لو وحده عنق الرحم عندها ملتهب ويفرز صديد اهنيه الدكتور يوصف لها الدش المهبلي وهالامور ..

يعني حبيبتي انتي بالسليم ولا تحاتين .. يمكن التهاباتج هذى من اشيااء ثانيه ماهي من الوصخ مثل ماهو في بالج ..