ابي رحله رومانسيه داخل المنطقه العاشره

السلام عليكم

شلونكم خواتي

الموضوع ومافيه ان رفيجتي حابه تسوي رحله رومانسيه لمدة يومين للمطقه العاشره
خاااصه ان ظروفها الصحيه ماتسمحلها بالسفر حاليا
وتقول ريلي من زمان خاطره نتمشى بالمنطقه العاشره بس اهي اتعييز من الطريج

الحين ياحلوات وخبيرات المنطقه العاشره
ابيكم ادلوني على احسن المطاعم واماكن التمشيه

واهي حابه تحجز بالهيلتون
شنو نوع الغرف مع الاسعار بلييييز

ومشكورين مقدما والله الله بالردود اللي تبيض الويه

!!!!!!!!!!
والله ما ادري

عندج الكوت روعه بره عند النافوره تمشوا هناك بعدين دشوا مطعم ميجنا بالكوت

فنادق احلى شي الهلتون بس وايد غالي اذا تبين اخذي يوم واحد باي فندق يومين وايد وتزهقون

المنطقه العاشره غنيه عن التعريف

اكيد المنطقه العاشره غنيه عن التعريف بس جان زين تعرفينا عليها أكثر عشان الكل يستفيد منج حبوبه

يعني اول ليله تخليها للرومنسيه بهلتون المنقف

وثاني ليله تروح عالمنشر وتخليه للسينما ولمطاعم والكوت طبعا غني عن التعريف وتقدر تروحله مشي من المنشر

وعسي ربي يسعدها

تحجز بهلتون اول يوم .. الصبح كله نايمين بليل ستار بكس و بعدين عشا ابيتزا اكسبرس او مطاعم الفندق ..

ثاني يوم يمها الكوت سينما و اسوقه وفي مطاعم برى عالنافوره بس ماجربتهم ولا مره .. تروح روتانا المنشر هم مادري شنو فيه بس شفته من بره شكله كان حلوو

و تمر المرسى اليخوت اللي باخر الشارع وتاجر لها يخت ساعه و يردون الفندق

ترا انا مو من العاشره بس هذا اللي اعرفه وان شاء الله تستانس

جنه ردج استهزاء ؟؟

لا وربي الله يشهد بحسن نيتي يالغاليه

لالالالالالالالاتستغربين أنا بحياتي كلها رحت الكوت مرتين ويمكن أوصل الوفره عشان أدل ……..ترى في ناس وايد ماتعرف وبصرااااحه وايد أسمع عن المنشر ومارحت له مره طلعت مع بو العيال قلت له أبي أشوف الكوت حاطينه بالتلفزيون اشحلالاته ……….اشتوقعين !!!!!!!ضعنا هههههههههه هذا وسيارته فيها جي بي اس بالأخير لقينا صالة أفراح ومنها قدرنا ندل فاللي يعرف اسواق أو أشياء حلوه يقول ومو على العاشره حتى الجهرا أنا من وعيالي يهال ادرسهم اجتماعيات واشرح لهم القصر الأحمر وأقول ان شاء الله بوريكم اياه ويمكن تمر الأيام وأدرّس أحفااادي وماشافوا عيالي القصر الأحمر

الهلتون موقعه حلو تقدر بالليل تتعشى على البحر جلساتهم حلوه هناك وتروح لسينما الكوت وتتعشى بتشيليز تبع المنشر بس بالويك أند دايما زحمه فيه مطاعم النوخذه على السآحل بعد ومطآعم أبل بيز فيها اكثر من مطعم أكلهم زين وقعدتهم حلوه بالليل وسلامتج

اوك حبيبتي حصل خير عادي بس عشان الضيقه اللي فيني عادي ياعمري

اسم الله عليج من الضيجه يا قلبي

الله يفرجها عليج دنيا واخره

يزاكم الله خير على سرعة الردود

ابصراخه استفدنا من اقتراحاتكم الحلوه

حطينا الكوت طبعا من ضمن القائمه
واليخت

واكيييييييييد ليله بالهيلنون

بس فيدوني اكثر من ناحية احلى المطاعم

واكررشكري لكم