|
|
باخذ رايكم بشغله لاني اعتبركم خواتي
عيدميلاد ريلي بعد اسبوع وباخر شهر (8) عيد زواجنا
يعني مناسبتين حلوين ورا بعض الله لا يغير علينا ويديم الافراح انشالله
انا في بالي اني احجز فندق واسوي جو رومانسي
شموع وليتات وموسيقى رومانسيه وبالونات وكيك يعني بجهز كل شي بالفندق وانا قتله عن الفندق بس طبعا مايدري عن التجهيزات وودي بسالفة البانيو عمري ماسويتها شلون اسويها وانا ماعندي بانيو بشقتي من الاساس
لاتضحكون او تستغربون لان شقتي صغيييييييرة حيل وعزكم الله بس حمام واحد وصغير يالله يكفي غسالتي
المهم ودي وبخاطري احط ورود وشموع وسوي سبا بحمام الفندق ,,,ياحسرتي عالبانيو ماشوفه الا بالسفرات والفنادق والتلفزيون
واليوم لما قلت حق ريلي بحجز فندق بنغير جو خصوصا ان هالصيف ماسافرنا قالي اوكي بس قالي خلينا نروح البحرين 3 ايام وبدال ماتقطين هالفلوس على ليله بفندق نقطها بسفرة 3 ايام للبحرين ونستانس فيهم.gif "Eh S(14)")
وانا اهني احترت اسافر او احجز فندق؟؟؟؟
وعلى فكره اذا فندق طبعا ماراح اخذ بناتي لكن بالسفره راح اخذ بنتي الكبيرة لاتخافون عمرها سنتين ماراح تصك على وااااااايد
شلون الحين اشرايكم؟؟؟؟؟ والله احترت
مشكورين ماقصرتوا
حلوه ردودكم ماشالله !!!!!!!!!!!!!!
جنه روحه البحرين اتونس اكثر ! يعني تاخذين شغلج معاج ( الورد + الكريمات + والقمصان )
تتغدين بره وتتمشين وتتعشين بره والا طرشيه اييب عشى قوليله بنوم الحلوه وانته على راحتك … يعني تشويق
ونومي بنتج واشتغلي …
والله يوفقج وترا الرياييل يدرون عن سوالف الحريم انه لازم يخبون روحهم يعني ماراح اتحرقين سوالفج
انتي اللي عبرتيني تسلمين ياقلبي
شجعتيني اكثر والله عالبحرين
كنت متدودها في بنتي بس صج فطنتيني على قولتج اطرشه اييب العشا وانومها
يسلم فمك يا قميييييييييييييييييل
انا اقول البحرين احسن لان مو كل مره بيعرض هالعرض ويقول يلا نسافر
وبعد تغيير يعني السفره تساعدك تسوووين جو اكثرر
والفندق لاحقه عليه المرات الجايه عشان تكونيين غيرتي مره سفره ومره فندق
استانسي بالسفره
وصح كلام مربى دلع عرض السفر مايتطوف
عسى يرزقج يا مربى دلع بالريل الصالح ويهنيج وتهنينه
مشكوره
انا من راايي سافري دام اهو بخاطره السفر راح تستانسون اكثر و تقدرين تخلين بنتج عند اهلج او اذا كلش ما تقدرين قعديها مبجر ولعبيها لين تدوخ مبجر وتنام وبعدين تزقرتيي انتي على راحتج هههه
و الله يهنيج
وتقدرين تحجزين ليلة بفندق عقب ماترودن من السفر هذا اذا ما فلستوا
تقبلي مروري
بس لا تاخذين ينتج الكبيره معاج خليها خليها لما الحين صغيره عمرها سنتين خليها وروحي بروحج 3 ايام عسل
بس ترا مايمنع ماتسوين هالحركات هناك ويكون احسن في البحرين عاد ما اوصيج تشخلعي وتدلعي ورقصى له وسالفة الباااااااانيو انا جربتهاااااا عطرته وحطيت ورود واشمووووووع واااااااااااااااااو كان روعه
هالله هالله عاد بالزوج خليه يعيش احلا 3 ايام بعمركم
عسى الله يسعدج ويهنيج ويتمم عليج دنيا وآخره قلبي امووووووووووووووووووت عليج والله 
هيبى بريز تو يو حنون انشاء الله عقبال مليون سنه
وانتى بحضن ريلج وبناتج …… وانشاء الله كل عيد زواج وانتى طيبه
لالالا البحرين الحين ما فيها شىء عدل روحى استانسى بالفندق ليله وايد ابرق
انا حماتى وخالتى تتوهم يايين الجو والرطوبه تلوع الجبد
استانسى هنى وايد احسن
ولو على سالفه البانيو ابعتلج البانيو مالى اسبوعين اول رمضان رديلى اياها
يلا اشتبين بعد…..امرى يلا
وسافرى انتى
والله الصراحه البحرين يا جماعه الحين ما تتراح
اشرئيج حنون انا اخد ببنت وبرونزيه تاخد بنت وانتى عايشى حياتج نفس ما تبين
والله انا احس بالملل بعد ريلى بيسافر اسبوع بانكوك مانيلا ادعلولى الله يصبرنى
الله يهنيج
كلكم احبكم وامووووووووت فيكم
الله لا يحرمني منكم انشالله
والله اخجلتوني بردودكم الحلوه ماقصرتواااااا
شقوورة حبيبتي انا مستانسه انج رديتي للمنتدى اشوفه زاد نوره بطلتج البهيه ومشكووورة عالسلف باخذ البانيو مالج خخخخخخخخخخخخخخخخخخ
وعشوووووقه بعد راسيييييييييييييييييي والله مشكورة بتاخذين بنتي
ههههههههههههههه
اناقوقش حبيبتي ماقدر اخلي بنتي لازم اخذها بس اشوه ماتفتهم شي عنووووووووووونه
تسلمون حبايبي عالردود الحلوه