|
|
عندي ثلاث اجهاضات متكررة شنو الحل ؟؟؟
سويت تحاليل كل شي عندي طبيعي بس الجنين ينزل من الاسبوع الخامس واكون ماخذه ابر تثبيت
مع العلم انا عندي ولد عمره 3 سنوات وابيله اخو او اخت بأسرع وقت
الطبيب قال آخذ بيبي اسبرين يمكن يفيد للحملة الجاية .. منو جرب الاسبرين وقت الحمل ؟؟؟؟؟
الي عندها اي حل تساعدني باسرع وقت ممكن
مشكورين
راجعي عند دكتورة خالده المجيبل ماشالله عليها تخصصها حق الحمل الخطر او الحرج و يمكن تقدر تفيدج
عيادتها برويال حياة
سويتي تحاليل الأجسام المضاده لانم يسوون اجهاض بالاسبوع الخامس او السادس ؟؟؟؟
انا اجهضت مرة والدكتورة عطتني بيبي اسبرين والحين انا بالخامس ولحد الثامن راح آخذهم لانم يغذون المشيمه والحمدلله … الله يتمم على خير علي الجميع وعلي .
ويارب يبلغج بالذرية الصالحة والسالمه …
ولاتخافين من البيبي اسبرين هذي حبه صغيرة وعادية وبالعكس تفيد الجنين ما تضره 
فعلا سمع عن الدكتورة خالدة انها ممتازة لكن المشكله بمواعيدها
ان شاءالله احصلها واراجع عندها
الله يتمم عليج يا رب ويرزقج بالذرية الصالحة
وتقرين على بطنج المعوذات مع زيت مقرى عليه
وما تشوفين شر
الله يرزقج يارب ويثبت حملج
lulu الغالية ماقصرتي حبيبتي
مع انهم قالولي اخذ ابر هبرين عشان السيولة وكانت عندي اجسام مضادة بس نسبتها قليلة وليلحين بس قلت مابي وحملت ببنتي بالبيبي اسبرين واجهضت بعدها اجهاضين
اخر واحد شهرين
انصحج اول شيء تسوين تحاليل شاملة واعتقد ممكت تفيدج الدكتورة هدى الزكري بكل التحاليل اللازمة بس ما انصحج تراجعين عندها انا شخصيا ما ارتحت بس استفدت من تحاليلها حيل وصرت فاهمة حالتي لحد ما
واهم التحاليل فاكتور 5 وانتي بديز بأنواعها وهرمونات الغدة الدرقية والاجسام المضادة لها تحليل كروموزومات لج ولريلج وبروتين اس وبعد في وايد بس ما اذكرهم
وبعدين اول ما تحملين لا تكتفين بالبيبي اسبرين انا ما سوالي شيء لازم تاخذين ابر هبرين للسيولة ابرة تحت الجلد نفس طريقة الانسولين للسكر يوميا اهي متعبه بس انا شخصيا ما جربتها لان من اجهاضي الاخير ما حملت
بس صديقتي جربتها بس التعب يهون عشان ما تعرضين نفسج للاجهاض
وانا اقولج عن تجربة لا تسمعين كلام الدكاترة اللي تقول انتي مافي شيء بحثي عن سبب لو صغير عن الاجهاض الدكتورة
خالدة قالتلي احيانا ما يكون عندج شيء بس اثناء الحمل يطلع وانتي غالبا نفسي يمكن تصير معاج تجلطات تعوق وصول
الاكسجين للجنين لان انا اجهاضاتي كلها اسبوع الخامس بس الاخير بقدرة قادر كمل للشهر الثاني
وانا شخصيا شاكة معاي تابعة وخصوصا بالحمل الاخير بين لي هالشيء
ارقي نفسج قبل كل شيء وداومي على سورة البقرة والصدقة والاستغفار وحاولي تراجعين عن د خالدة وايد راح تفيدج
بهالشيء والاهم تسوين التحاليل بالمستشفى والافضل حكومي لان التحاليل وايد مكلفة وبعضها ما تسوينه الا
بمستشفى الولادة حتى الخاص ما يسويه شوفي لج واسطة عشان هالتحاليل حرام تقطين فوق 500 دك على تحاليل
الاجانب قاعدين يستفيدون منها ببلاش
الدكتورة هدى ممتازة وهذا تخصصها و الافضل تراجعين عندها اول ما تحملين يعني تسوين تحليل الحمل باول يوم تغيب الدورة عنج وتروحين لها قبلها افضل عشان تعلمج شنو تسويين بس هذا كله بعد التحاليل الشاملة
والله يرزقنا ان شاء الله بالذرية الصالحة اللهم امين
ولاتتركين نفسج وطبيبج ماأحسه فاهم روحي لغيره
والله يرزقج بالذريه الصالحه إن شاءالله
|
المشاركة الأصلية كتبت بواسطة ام عيود
 بغبت اسال عن د خالده موجوده بالصباح لالحين ومتى مواعيده
|
استقالت من الصباح اهيه الحين بمستشفى رويال حياه
الله يخليكم سوو نفسي ترا انا كنت مثلكم و الحين باجيلي جم يوم و ادخل الشهر الخامس الحمدلله الله يتمم علي
زيت مقري شربيه كل يوم مره عالريج و مره قبل النوم (اذا ما عندكم قولولي اعطيكم رقم شخص ثقه يعلمكم شلون تسوونه)
بعدها انشالله يصير حمل
و اثناء الحمل تدهنين بالزيت و تقرين ايات تثبيت الحمل اللي انا حاطتها بموضوع
ترا و الله شي غريب فعلا يخليج تقولين سبحان الله شلون جذي
الدكاتره قالولي مافيني شي و زوجي ما فيه شي و ما بقى تحليل بالكويت و بره ما سويناه كل شي مضبوط مليون%
بس سبحان الله يمكن على قولتهم تابعه مع اني مادري اذا هذا شي صج وللا لا
يمكن عين و يمكن ربي يبيني اقوي ايماني
انا سويت اهم التحاليل وكلفتني 300 دينار والحمدلله طلعت كلها سليمة
فرحت لأنها سليمة وزعلت لأني ماعرفت سبب الاجهاضات
راح ابتدي بالاسبرين من بداية الحمل الجاي إن شاء الله
حبيت اسأل عن الأبر .. فيها ضرر إذا كنت سليمة وأخذتهم ؟؟؟؟؟؟
وشنو المقصود بالتابعة ؟؟؟؟
مشكورة يا قلبي