ابي حل حق الحبوب

مساء الخير يابنات
ابي حل حق الحبوب اللي طالعه بويه ولدي تهقون من الرضاعه في شي يعني انا ماكلته وسواله حساسيه وطلعت الحبوب في ويهه اللي يقول لي من الصابون وغيرنا الصابون واللي يقول من البودر ماقمنا نحط بودر مادري شسوي والحبوب لونهم احمر صغااار وايد
ياريت القى الحل ومشكورين

لازم يشوفهم الطبيب علشان يقدر يحدد

احيانا اذا الأم تاكل لهوم و سوالف الولادة و النفاس و ترضع طبيعي تطلع حبوب بويه الطفل

جربي وقفي الأدوية و شوفي

مشكوره غلاتي ماقصرتي عالرد

حبيبتي ..

مايشوف شر ولدج ..

انا بنتي الحبوب اللي بويها ماعتقد أحد من اليهال طلع بويهه مثلها ..

كانت بالبدايه تطلع لها حبوب صغيره ..

وبعدها طلع مثل حب الشباب شلون يصير كبير وأحممممر ومنتفخ ..

درت على دكتور دكتور محد نفعني ..

كل واحد يقولي شي .. وعطوني كذا علاج زاده ما قل …

لين طحتلج على دوا خالتي اتييبه من السعوديه .. يسوونه داخل المختبر من المستشفى ..

ماشالله تبارك الرحمن من احطه تختفي الحبوب .. حتى خفت يكون فيه كرتزون .. كلمت خالتي وقالتلي لاااا نهائياً مافي ..

حتى كانوا يستخدمونه حق يدي الله يرحمه قبل لا يتوفى ظل فتره طووييييييييييله بالمستشفى وجلده صار حيييييييييييل خفيف ومثل اللي مقرح من السدحه على الفراش والابر وهالسوالف .. حطوله منه واااااااااايد ارتاح ..

حتى الدكتور بالأميري خذا من الدوا وفحصوه بالمختبر عشان يتأكد انه مافي كرتزون .. وقال حق خالي تطمن مافي أي كرتزون ..

ما عليج امر شسم الدوا وفي منه اهني؟