ابي النصيحه

حبيبتي لا تيأسين من رحمة ربي انا أقدر موقفج كل التقدير وحاسه فيج بس هم الوحده لازم تتصبر وتخلي ايمانها بالله قوي وكثري من الدعاء والاستغفار وقولي ياسميع 100 مرة باليوم وانا اللي اعرفه ان أطفال الأنابيب نتيجتها مو مضمونة 100% يعني انتي وغيرج وااايد ما نجحت من اول مرة انا أقول عيدها مره ثانية واذا ماتقدرون لظروف مادية أو غيرها ليش ما تلجأين حق التلقيح الصناعي لأنه أرخص وأوفر وهم انا سامعه ان نسبة نجاحه أكبر من الأطفال أنابيب والله يوفقج ويصبرج ويرقج الذرية الصالحة عاجلا وليس آجلا

حبيبتي ام مهدي ماقصرتي على الرد
والله العظيم انا مايأست بس تعبت من الابر والمراجعات
وانا قبل لااسوي اطفال الانابيب كنت مسويه تلقيح صناعي 3 مرات وماصار
الله كريم

"وعسى أن تكرهوا شيئا وهو خير لكم وعسى أن تحبوا شيئا وهو شر لكم ، والله يعلم وأنتم لا تعلمون"
اختي بما ان مافيكم شي ولله الحمد والشكر
فليش ما تريحين نفسج فتره من الادوية والتعب
وتوجهي لربج بالدعاء والاستغفار واقري سورة البقرة بشكل يومي
وان شاء الله ربي بيرزقج بالذرية الصالحه في الوقت المناسب

مشكورين حبيباتي على ردودكم والله رفعتو من معنوياتي

وانا حسافه ماجمدلي الدكتور شي لان الدكتور حازم مايحب يطلع بويضات وايد ماادري ليش
والله انا موهامتني الفلوس حتى ريلي يقولي لاتحاتين الفلوس المهم سلامتج بس التعب النفسي والمحاتاة اهم الي يتعبون الواحد

حبيبتي سوان كلامج صح هذي كتبت ربج وانشالله خير يا رب

لا ياختي لاتحاتين ولا شيء والحمد لله انتي حالتك احسن من غيرك بكثير والحمد لله على كل حال
وان شاء الله تسوينها مره ثانية وتحملين بتوم يارب وتوكلي على الله واكثري الاستغفار
والله يرزقك ويرزقنا جميعا دعواتك لي

الله يعوضج خيييير يارب
ريحي شوي وكرري

وانشالله تحملين بتوم

يارب ترزق سارونة بالذرية الصالحة وبدون اي عملية… اللهم آمين

ياربي يرزقج ان شاءالله بالذرية الصالحة وتقرين عينج فيهم بس خلي ايمانج بالله قوي ووكليه بامرج وصدقيني الله راح يتكفل فيج وهو خير متكفل….

كثري من الاستغفار وسورة البقرة ودعاء ربي لاتذرني فردا وانت خير الوارثين وان شاءالله ماراح يكون الا الخير

يا الله ترزق ساروووووونة الذرية الصالحة

حبيبتي لا تحاتين ترى النفسية تلعب دور كبير صيري ريلاكس

والله حالتج احسن من حالتي قبل انا كنت احمل واشوف البيبي بالسونار يتحرك وبعد اسبوع يوقف النبض ويطيح 6 مرات عشت في هذا الجو والحمد لله الله رزقني بعدمعاناة وصبر بثلاث بنات الله يخليهم حقي ويحفظهم

حبيبتي دايم قولي ربي لاتذرني فردا وانت خير الوارثين وان شاءالله الله يرزقج ويرزق كل محرومة من الذرية ان شاء الله

ربي لاتذرني فردا وانت خير الوارثين

مشكورين حبيباتي على ردودكم الي والله انها رفعت من معنوياتي وانا قلت بعد برتاح شهرين وبعدها بجرب مره ثانيه والله كريم

والله مايضع تعبنا ويرزقني ويرزقكم بالذريه الصالحه ويفرح قلوبنا

كل شي يصير للانسان خيره له صدقيني حبيبتي
الله ياجرج ان شاء الله حبوبه
وريحي نفسج وشيلي الفكره حاليا من بالج
والله يكتب لج اللي فيه الخير والصالح

الله يعوضج ان شااءالله

ارتاحي شوي واذا ماصار حمل طبيعي عيدي التجربه وخل الدكتور يسوي تجميد احسن

والله يكتبلج الحمل بتوأم متعافين ويرزقج ويرزقني وكل محروم عاجلا غير أجل

بس ممكن اسألج عن الدكتور حازم شلون تعامله وشاطر بالعلاج
وجم كلفتج العمليه والادويه وكل شي

لان زوجي يراجع عنده وابي اعرف

مشكووره ويعطيج الف عافيه

حبيبتي انا نفس حالتج بالضبط بسوي طفل انابيب عند نفس الدكتور بس ابيج اتقوليلي بالضبط جم كلفتج العملية وجم سعر الابرة و شنو اسمها……….
بس انا عندي لج نصيحة اذا بتسوين طفل انبوب او تلقيح صناعي مرة ثانية قبل شهرين من العملية روحي سوي كاسات هوا ودهني رحمج عند وحدة شاطرة والمنتدى متروس ارقام والبنات ما يقصرون

الله يعوضج خير حبيبتي
ولا تتأسين يمكن خيره هالشي
وعيدييها مره ثانيه وتوكلي علي الله ميخالف قطي افلوس المهم تترسين البيت يهال