ابي اكثر تخصص مطلوب وراتبه قويه بكل الجهات الحكوميه

مراحب

انا ناويه اكمل دراسه وابي تخصص واحترت

انا ابي تخصص مطلوب بكل الجهات الحكوميه ويكون رراتبه قوي

وبكمل باذن الله بكالورويوس

وابيكم تساعدوني شنو التخصصات الحلوه والمطلوبه وين احلى مكان اتوظف فيه ويقبلوني على تخصصي

علا حسب ميولج هاذا اول شي ؟؟

تحبين الرياضيات روحي محاسبه ممتاز
تحبين الكمبيوتر روحي تخصص كمبيوتر

وجديه علا حسب انتي شنو ميولج وتقدرين تنجحين فيه وتجتازينه

المحاسبه قوي وكل الوزارات تبيه وكادره حيل قوي <<<<<

انا تخصصي ادبي

والمحاسبه لازم يكون علمي؟؟؟

هلا حبيبتي

اقوى تخصصين بالكويت للأدبي : محاسبه – حقوق
وبالنسبه للعلمي : طب – هندسه

اتمنى اكون فدتج

Good Luck

شنو احسن جامعه خاصه بالكويت معترف فيها

وانا نسبتي 60

وابي دراستهم سهله اذا بكمل محاسبه

حبيبتي المحاسبه للعلمي والادبي عادي
انا ادبي وتوني متخرجه محاسبه
وقست والامريكيه يقبلونج اذا نسبتج 60% عادي

لاتفكرين بأي تخصص ثاني الا المحاسبه
انا لما قدمت بالديوان رقمي 75 عقب شهرين صار 6 والحين رشحوني بس برفض مابي التربيه
بس اللي تخصصهم مثلا نظم معلومات ارقامهم ماتحركت خلال المرتين اللي نزلت فيها ترشيحات و شوفي تجمع اللي مقدمين عالديوان
البنات ارقامهم وااااقفه

الا المحاسبه ماشاء الله تركض الارقام
ولا احد يقص عليج يقولج في اكتفاء
الوزارات قاعدين يفنشون المصاروة ويبون كويتيين ويبون وايد مو شويه
غير الهيئات غير الخاص

نصيحه تبين ترتاحين دشي محاسبه
التخصص مو ماي مرة وحده ولا اللي صعب ماتقدرين له
لا عادي كل تخصص يبيله مجابل
وانتي تبين مستقبل و وظيفه زينه و راتب لازم تشدين حيلج شوي
والله يعافي المدرسين اذا مافهمتي ييبي مدرس

والله يوفقج ان شاء الله وتبشرينا بالتخرج يارب

اكثر التخصصات المطلوب عالميا هي الاداره والمحاسبه

حبيبتي نصيحة اذا تبين تخصصات ادارية احسن شي محاسبة بعدين تمويل بعدين mis او ادارة نظم معلومات

و بالنسبة لاحسن تخصص للي تبي تدرس بالجامعة وتخصص قوي ومطلوب هندسة بعدين محاسبة

وبالنسبة للجامعات الخاصة انا خريجة gust والنسب ارفعوها ما اعتقد يقبلون 60% حتى لو على احسابج

لان صار اكتفاء طلابي هناك وما صاروا يقبلون مثل اول

بس يفضل تسألينهم علشان تأكدين

موفقة ياقلبي ترى تكميل الدراسة احسن قرار تتخذه الوحده بحياتها

بالترتيب
دكتورة
مهندسه
محاسبه
تموين

الاعلى رواتب
الهيئات المستقله"لازم واسطه"
ثم الوزارات
وترى الرواتب ثابته بكل الوزارات حتى وزارة النفط تساوى رواتب وزارة التربية والداخلية ..الخ

^^^^
غلطانه حبيبتي … النفط مو مثل الوزارات الثانيه اعلى منهم
والتربيه على فكره افشل وزاره بالنسبه للمعاشات
بس الحلو فيها عطلتها ولا المعاش في الحظيظ *

المحاسبه ليكون نظام رياضيات

انا مواد علميه مافلح

ابي شي تخصص فيه حفظ وبس

مابي اككمل على تخصص واندم

شنو غير المحاسبه بنات؟

معاهاا

صج المحاسبه رياضيات
بس تقدرين مدام انتي بالحفظ اوكي
لان المحاسبه كلها قيود ومدين ودائن
فأحفظي اللي تقدرين عليه وصدقيني انا اللي اكلمج ادبي والله العظيم مااحب الرياضيات بس حولت كل شي بالحفظ ومشيت صج انه تخصص صعب بس يسوى التعب

المحاسبه ماينفع معاه الحفظ لازم الفهم وترى أهو مو وايد رياضيات بس كله أرقام

تبين شي حفظ عندج الحقوق والاداره هم زيين