ابي اعرف بنتي شنو فيها بالضبط بليز ساعدوني

السلام عليكم

بنات جم مره افكر استشيركم في هالمشكله بس اتردد واقول لا عادي ماكو شي بس مساع اخترعت .. خل اقولكم شنو اهيا ..

في شي غريب صايرله فتره مع بنتي !!

اظافر ريلها لونهم ازرق غامج يعني مايل للاسود كان واحد الحين صاروا 4 اظافر وانا حدي مخترعه ..

قبل جم يوم كانت مريضه وديتها المواساة جان اسال الدكتور ليش اظافرها جذي ؟؟ طالعهم واستغرب وما عرف بس قام يقولي اكيد نقص فيتامين بغى يعطيني فيتامينات قلتله ما ابي خلاص ..

عاد قبل شوي وصلني ايميل يقول ..

الاظافر ذات اللون المزرق تعني ان الجسم لا يحصل على كمية كافيه من الاوكسجين ، هذا وقد تشير الاظافر المزرقة إلى وجود عدوى في الرئة كالتهاب الرئوي ..

انا وايد اخترت ما ادري صج ولا شنو؟؟ اشلون الاحظ اعراض هالمرض ؟؟

واللي خرعني اكثر يوم قريت الاظافر اللي تحتها لون داكن خل اقولكم شنو مكتوب ..

اذا كان هناك خطوط داكنه تحت الأظافر ينبغي التأكد منها في اقرب وقت ممكن فقد تكون في بعض الاحيان سببها ميلانوما وهم اخطر انواع سرطان الجلد .

والله اول ما قريت هالكلام قمت ابجي وين اوديها عشان اتأكد اعرف شنو بالضبط ؟؟

وين اروح عند اي دكتور ؟؟ انا دايما اوديها المواساة حق اي شي بس ما عرف الدكتور شنو هذا !!

واللي عندها خبره او اي دكتورة موجوده تبي ارواويها صورة الاظافر تقولي اطرشلها عالخاص ..

بليز اللي تعرف اي شي تفيدني وما راح انساها بالدعاء ..

شوووفي يمدحون دكتور فيدورا او ديفورا جذي اسمه بالراشد ..
اوممممممممم واحد بعد اسمه الشرقاوي بخيطان
روحي ولاتسكتين على بنتج عشان يرتاح قلبج

ضروووووووووووووري وديها لاتسكتيييييييييييييييييييييييييييييين .. وإن شاء الله مااكو إلا العافية

حبيبتي المواساه مايفهمون بطب الاطفال لدرجة ولدي فيه فتحة بالقلب ولاعرفوله اسم الله عليه شرق شرقة لحقنا عليه باخر ثانيه

ويقولون لي شرقه عاديه كل الاطفال هيك

والصراحة ماحد عرفله الا مستشفى حكومة اهم اللي قالولي فيه فتحة بالقلب قالو المواساه ماديين لاقصى حد يسوون اشعه وتحاليل واهم ولا فاهمين بشي
انصحج الاطفال احسن شي لهم حكومة وكل من يقول ولا تسكتين على بنتج

والله يقومها بالسلامه وانشالله مافيها الاالعافيه

حبيبتي وديها حق الدكتور ولا تنطرين
بس بقولج شي

انا صبعي الكبير في ريولي صار لونه ازرق من فتره بس تدرين ليش

لانه وانتي بكرامه كنت لابسه جوتي ومشيت واايد والجوتي الظاهر كان مو مال مشي وايد
فاحتقن الدم تحت الظفر وصار لونه اسود

يمكن بنتج جوااتي [ وانتي بكرامة] اللي تلبسها ما يطيحون لها

بس انتي هم راجعي الدكتور

ومافيها الا العافيه ان شاءالله

ليش ساكته ودي بنتج للطبيب خل يشوف شنو فيها …

وان شاء الله ماكو الا الخير …

لا تحاتين ان شاءالله ما فيها الا العافية…يمكن بنتك طايح شئ على اصابعها وزرقت اقدام الأطفال طرية وما تحمل الطقات…بس لازم هم تودينها الطبيب والله يطمن قلبك عليها ان شاءالله…

واااي ولدج كسر خاطري اشلون صار الحين ؟؟

عاد تصدقين انا دايما هناك حق اي شي ودايما اقول حق ريلي احسهم ماديين بس ما يقتنع يحبهم ..

الحين احنا قاعدين نسال عن دكاتره الجلديه وانشاءالله على هاليومين بنوديها ..

الله يسلمج حبيبتي ومشكورة

انا يتلي فترة قلت جذي بس الحين صارلها 3 اشهر وكان صبع واحد صاروا 4 اصابع يعني مو من الجوتي ..

والاصبع القديم صار لونه اسود والباجي لونهم ازرق ..

مشكورة حبيبتي

حبيبتي ماكو الا تروحين الطبيب وتسوين اشعه وتحاليل شامله حق الجسم وتعرضينه على دكتور

اول شي بعدين اتعرفين السبب والله يطمنج يارب وان شاء الله ما فيه الا العافيه

اول شي مشكوووووووورة حبيبتي ما قصرتي

وفعلا انا وريلي بحثنا بهالمرض وشفنا نفس الاسباب اللي كاتبتها ..

شوفي انا قعدت الاحظ تصرفاتها كلها الحمدالله طبيعيه وما فيها شي بس ليمن تعصب تيبس روحها وهالشي من صغرها يعني مو توه ..

وامس ريلي دق على مستشفى السلام قسم الجلديه وقاللهم شنو ممكن يكون قالوا الميلانوما يكون اللون الازرق بس بظفر واحد واهيا اربع اظافر فاحتمال يكون نقص فيتامينات ..

احنا اقتنعنا ان مو سرطان الجلد(الحمدالله والله يكافينا شره) بس سالفة نقص فيتامينات ما ادري مو مقتنعه وكل ما اسال احد يقولي لاء نفس ما قلتي ..

الحين نبي دكتور جلديه شاطر وفاهم عشان نرتاح ونشوف شنو هالمرض بالضبط ..

ومره ثانيه مشكورة

مشكورين بنات وانشاءالله اذا وديتها بقولكم شنو صار معاي ..

والله ما قصرتوا و ردودكم ريحتني حبايبي

ان شاءالله ما فيها الا العافية
بس حبوبه بغيت أسال على طول زرقة و لا تيي و تروح ؟