ابي احس بمشاعر الامومة

خواتي في الله انا عندي ولد عمرة 6شهور احس ان مابيني وبينة اي مشاعر مع اني اموووت فية وارضعة طبيعي الا ان احس مايعرفني شافني ولاما شافني عادي ابغاها يتعلق فيني والله قهر مرا رحت ازور صديقتي والله ولدها متعلق فيها وموا راضي يفك من حلقها وانا هذا وين ماقطيته عااادي ماعندة مشاكل والله قهر عندكم حل ياناااااااااااااس ابي احس بمشاعر الامومة يابناااات متى يتعلق الولد بامة والله مقهورة

؛
؛

هلا حبيبتي لا تتضايقين فديتج

ولدج صغير اذا كبر شوي و بدا يفهم راح يتعلق فيج و يفرح اذا شافج

و لا تقارنين بين ولدج و باقي اليهال

ترى اكبر غلط

لان كل طفل يختلف عن الثاني حتى لو كانو بنفس العمر

؛
؛

يابعد عمري بس تجيني ساعااات لحظااات غيرة اقول ياااربي حسافة بس تعب الولادة

؛
؛

استغفر الله

تعوذي من ابليس لا تقولين جذي

انتي لا تستعجلين صدقيني راح يكبر و يحبج

؛
؛

ايش هالكلام اللي تقولينه@@
وتبينه يحبج على هالكلام والمشاعر ؟
حبيبتي انتي تحبينه مو علشان يبادلج الشعور والا يقول ماشوف غيرج
حسسيه انج تحبينه حب مطلق عرفتي اشلون يقولون الشاذي بعين امه غزال يعني لو شنو ماكان فيه حتى لو قالوا لها مايحبج تقول عسل علي قلبي مايهمني يحبني او لا يهمني انا احبه هذه الامومه الصح
وبعدين انتي للحين هرموناتج ملخبطه والياهل حني عليه اكثر وسولفي معاه وتو الناس عليه يعرفج ويركض وراج
انا ولدي بعد السنه تقريبا بدا يعرفني ويبيني
نطري ولا تفكرين بهالتفكير
حني عليه وحبيه حب مطلق ماوراه منه
وادع ربج ان يصلحه وهالادعيه الحلوه لولدج ربي يحفظه لج ويخليج له يارب وتكونين له نعم الام والحضن

مشكورة الله يجزاك خير

نطري شهر بالكثير ويصير يعرفك ويموووووووووووووت فيكي …… بعد الثلاث شهور يصير يميز أمه …… وخصوصا إنك ترضعين طبيعي أحلى إحسااااااااااااااااااااس الله يخلليلك يااااه إن شاء الله

حبيبتي قربي من ولدك اكتر احضنيه كتير العبي معاه قلدي صوته قلدي حركاته
وربي يصلحه لك

الحنان الدافي الف شكر لش اختي عطيتي امل وفرحتي قلبي الله يبارك ويسخر لش ويسر امورش ويجعل مثواثك لجنة برحمتك يااارب العالمين والله شرحتيلي صدري الله يشرح صدرة بالايمان وطاعة الرحمن

حبيبتي الله يعينك انا حاسه فيج لان انا اعاني مثل حالتج ولدي عمره 9 شهور مو متعلق فيني ومايبيني بس عادي الكل يقولي بس يكمل سنه وشي راح يفهم ويصير يعرفني

الله يحببه فيج ان شاءالله

بس تره حرام تقولين حسافه تعب الولاده هذا ولدج وبعده صغير

والياهل بهالعمر لو قطيتيه عند الجيران عادي عنده وماكو مشاكل

لأن للحين مايميز عدل .. نطري عليه وبتشوفين اشلون يعرفج

اختي كانت مثلج بس سافرت الحج وارجعت قط نفسه عليها و لمها حييل جنه يقولها ليش تركتيني

تره اهو يعرفج بس نطري عليه و راح يبين كل شي معاج

ربي يخليه لج

عاااادي لما يبدى يفهم راح يتعلق براسج خخخخخخخخخ لاتخافين
بس يمكن انتي عودتيه من يوم ولدتيه على الناس داخلين طالعين صار عادي عنده وبالعكس تراها ميزه حلوه
شتبين لو تعلق والله حتى الصلاه ماتقدرين تصلين تلقينه لاصق…او اذا رحتي عرس او رحتي لاي مكان وماراح تاخذينه والله تلقينه يبجي بجي يبيج…