|
|
السلام عليكم انا ليلحين منصدمه حللت واكتشفت اني حامل وانا عندي عيال كبار ماشاءالله وتقدرون تقولون اني حملت على كبر يارب يثبته
بس بغيت اسال عن افضل مستشفى ودكتورة عشان اتابع معاهم لان فيني ضغط لنل سمعت عن السلام اشرايكم فيه؟؟
مابي رويال ولا الراشد ولا الهادي فشنو الاحسن؟؟
وبيني وبينكم خايفه من عيون الناس لاني حملت على كبر وبنتي توها والده بس ادعولي الله يفكني من شرهم
انتي توج صغيررره وحطي بعين اللي يقول عنج كبيره عووووووووود 
الامريكيات يحملون ويتزوجون بهالسن ليش حنا عندنا عقده من الاربعين ..
روحي السلام .. عند جمال الشرعان دكتور كبير وفاهم ماشاء الله عليه .. وعندج محمد بكري بعد زيين .. اميره بهباني ما انصحج فيها لانها الله يهداها حييييييل تنهب الوحده .. تدشين تبين سونار تخليج تطلعين ب100 دينار
ولا تعلمين احد كلللش .. احسن لج واريح لبالج .. تعرفين ربعنا شلو تفكيرهم .. الله ياكافي الحسد ببلاش عندهم ..
الله يتمم لج ولكل حامل بخيررر
ممتازة
عمرج اربعين توج صغيرة
زميلتي بالدوام عمرها 45 و احفادها بالمدرسة و حامل
الله يتمم عليج حملج
و يجعل اعيالج و احفادج من الذرية الصالحة
و يحميج من العين و الحسد انشالله
ماعليج من الناس والحافظ الله سبحانه
وعسى الله يثبته يارب
بالمواساه وايد حلوو واهتمام وايد حلو دكتورة لينا كنت اراجع عندها واخر اشهر صار فيني ضغط حمل وحمدلله عطتني العلاج للازم
الحافظ رب العالمين…
وتذكري عمر السيدة خديجة رضي الله عنها يوم تزوجت الرسول عليه الصلاة والسلام كانت بعمر الاربعين.. ومتى يابت عيالها…!!!
انا ما ابعد عنج بالعمر وايد.. والحمدلله قدرت اتأقلم مع الوضع.. خاصة وان كثير حوالي حملوا بهالسن..
وقولي الحمدلله هذي نعمة من رب العالمين.. وما تدرين يمكنها خيرة من الله..
وبتكون للبيبي ان شاء الله مكانة مميزة حتى بين عيالج.. لان يايكم على كبر..
الله يحفظج من العين.. ويقر عينج بشوفه البيبي مستصح ومتعافي بحضنج…
وانصحج بالدكتورة هدى الناصر.. هذي على راي دكاترة امراض النسا بالحكومة.. كثير يمدحونها.. انا كانت لي كم زيارة لها بس بصراحة ماجربتها بالولادة.. كثير نصوحة وامرأة كبيرة بخبرتها وتلاقينها استشارية فاهمة..
وبصراحة قاعدة افكر اولد عندها… يمكن اغير على آخر شي من د.نزهت بالسلام الى د.هدى..
والله يسهل علينا وعليج.. ونولد بالسلامة..آمييين
لاتعلمين الا لما ايبين بطنج والله يتمم عليج يارب انصحج
بدار الشفاء عند اسامه صالحه او مصطفى تومسو