ابي اتغير !!!منو تساعدني بهالشهر الفضيل ؟؟؟

حياتي انتي اب لي رجعه لموضوعج أكيد

و عليكم السلام

علينا و عليج يتباااارك

الله يهديه و يسخره لج عليج بالدعا و الاستغفار بالنيه

لا تكشخين له طنشي له ولا تسولفين معاه وهو بيتغير

شوفي أنا أقووول تطبعي ؟؟؟ تطبعي ، إيه تغيري دوسي على نفسسج
أنا ياما شفت بنات بأشكالهم " يرزون نفسسهم مثلا " او بطريقة كلامهم ،، أتطنز بالبداية واقول كللللش مولايق بعدين والله لدرجه اصدق انا اهم جذي خلقه
فأنتي تطبعي بالطبع اللي تبينه يتطبع فيه " بطتنا بطة بطتكم  "
صيري محترمه معاه انتي ابدي بنفسسج قولي كلام حلووو ، اذا لبستي ترا وتطنز عليج " ترا هذي عاااده خايسه في شبابنا يتطنز على مرته اذا لبست تنكري او حطت حمرا جريئه وتلقينه من داااخل متشقق من الوناسه " فهذا لا يكسسرج حبيبتي كلمية بأسلوب راااقي
بعدين اصلا هذا من صالحج لانه راح يغير من الفتور والملل بينكم لانج انتي تبين تعدلين شي معين عندكم " عدم الاحترام " واهو راح يشوف تجديد بكل شي

كلامي واااايد بس الله يوووفقج والله طالع من قلبي
بناااام  *

الله يعينج حبيبتي

الله يهديه ويسخره لج
دوم ادعيله بالهدايه
وانتي اللحين المفروض تعودتي على طبعه
حاولي تتجنبينه لما ما يحترمج
وخلي مواضيعج معاه مو جدام عيالج
عشان لا يشوفون اسلوبه معاج ويقلدونه
والله يهدي الجميع

شوفي انا لاحظت شغله بكلامج. تقولين انا صايرة ما اتحمله دوم اصرخ و اتهاوش من اسلوبه

اول شي سكتي واهدي وحاولي ان على كثر مايتكلم ويصرخ انتي سكتي ومسكي اعصابج. مجرد ماتتمسكين بالهدوء فهذي اول عتبه عديتيها في سلم التغيير اللي تتمنينه. ادري انه وااااااايد صعب. حاولي منتي خسرانه ولما تحاولين التزمي لان زوجج ممكن يسوي كذا اختبار عشان يعرف ه1ي هبه يديده وتالي بترد حليمه لعادتها القديمه عشان جذي صمدي وعلى قوله اختي العضوه (سندس 90) تطبعي وانسي انه كان من طبعج انج تصارخين. مجرد ماتلتزمين راح يشك بوالشباب هذي ليش ساكته وعاد تبدي مرحله النظر والمراقبه عن بعد ياااافرحتج والله انج راح ترتاحين ودوم قولي انا راح اسكت ربع ساعه وماراح اصارخ بس فتره صغيره ولما ينتهي الجدال وتتاكدين انه مو موجود عااد طلعي حرتج صلي او رسمي او لهي نفسج بأي شي بس فيه تنفيس لج عن الغضب اللي فيج.

بصراحه قبل ماتزوج انا وحده اعصاب ويتلي فتره كله متنرفزه علمت نفسي اني اسكت واهدي نفسي بالرسم والنتيجه لوحاتي من ادق واروع مايمكن. والله اني رسمت لوحه من دقتها تفاصيلها ماتتعدى ال 0.5 سم.

نمبر توو: اذا اهوا مايحب طباخج عادي ترا اغلب الازواج ماخذين مهنة لجنه التحكيم الغذائيه بالبيت. انا بشور عليج وانتي شوفي وضعج. اذا كنتي ساكنه عند حمولتج شوري عليه يتغدا تحت عندهم او اذا كانت خدامتج تطبخ خليها تطبخ وياكل منها وشوي شوي في كل مره ياكل خل يكون لج طبق جديد متعلمته من (المنتدى او من اي وحده من خواته او خواتج او خالتج بس بشرط يحب طباخها) موجود عالسفره وجنه الخدامه مسويته او خالتج او ايا كان بس مو انتي وشوفي ردة فعله. وحاولي تدورين شي ماكلاه من قبل. وشوي شوي زيديهم طبقين. تالي بلشي شوي حلو جنج ماتدرين منو مسويه وسويلج قائمه بالاشياء اللي حبها وبالتالي راح توصلين انج طبختيله كل اكله. وفي يوم يكون ويكند قوليله شنو مشتهي تاكل غدا؟ واذا قالج طيري المطبخ وسويها وفنتقي شوي فيها زياده بالتزيين والعصير والسلطه. راح يعرف انه انتي اللي كنتي تسوين الاكلات وبينقد على نفسه. في الفتره اللي تتعلمين جربي اول شي مقادير بسيطه وشاركي خواتج بس لاتقولين مشكلتج بس اخذي رايهم بالطبخه.

نمبر ثريي: حبي نفسج وفكري انها تستاهل منج كل خير وتستاهل منج الاهتمام لانها امانه من الله. دقي على صالونه تيي البيت بالشهر مره او انتي روحي الصالون وسويلج كلشي بخاطرج تدلعي عالاخر وخلي فلوسج حقج. واذا ميزانيتج مو اوكي انتي سويي حق نفسج اشياء ترضيج ودلعيها. ترا مو عشانه عشانج انتي حبيبتي ولاتفكرين انج تلتفتين له وتسالينه حلو ولا حتى عاجبك! المهم انتي حابته. من فتره قريت ان شرب الماء البارد الى المثلج يعدل المزاج انتي حطيلج ماي وعصري عليه شوية ليمون او حطي ماي لقاح او اي طعم تحبينه وتهني حبيبتي بلحظاتج وارتاحي. ساعه باليوم مو خساره على نفسج ونفسيتج وصدقيني هالساعه بتعطيج طاقه لمليون سنه. واذا يوم مر عليج مالج خلق عادي لاتسزين شي بس لاتنسين انج تحبين نفسج ودلعيها حتى بالنوم.

نمبر فوور: بالنسبه للمشتريات عندي لج فكره بس هااا من بعد مايلاحظ التغيير وتشوفين عليه نظرات التعجب، لما تطلعين معاه تذكري فجاه الجمعيه وقوليله ماعليك امر ييبلنا الاغراض انا ناسيه بوكي او قوليله هالشهر انا محتاجه مصروف عندس شغلات ابيها حقي. صدقيني مجرد مايتاكد انج بالفعل تغيرتي راح يكافح واييبلج اللي تبينه. اعرف وحده كانت تطبخ وتنفخ وهامله نفسها بس هالشي مايعجب ريلها كان يبيها تقعد ريل على ريل وتجابله. والله انها مجرد ماتغيرت حتى قلاص الماي اييبلها من نفسه اهوا يحب الدلع ويحب يدلع.

اخذي من كلامي اللي يناسبج ويناسب حياتج . والله يوفقج

الله يعينج ان شالله
حااولي ويااه بالكلام الحلو والطيب
وان ماانفع دخلي احد من اهلج او اهله بالموضوع
يمكن الله يهديه ويتسنع
لان فيه عندج سبب الريال مايصرف علي بيته واعياله
وهذا مايصير
وان شالله تتعدل امورج

الله يعينج

الاحترام دايما يفرض نفسه

بمعنى ان الشخص المحترم بفرض احترامه على الاخرين

ابسطها لج

الشخص المحترم محد يقدر يتعدى عليه بالكلام

اشلون

اي شخص يغلط عليج بكلمه …….تردين رد الله يهديك او تطلعين من الغرفه حتى لا يتمادي بالحجي

العيش مع شخص لسانه طويل مصيبه يبتليها الله بعبده الصالح

علاجها الصبر والدعاء له

ولكن لو مارستي المعامله بالمثل

النتايج بتكون سيئه منها

*انتاج جيل مريض نشأ بوسط غير تربوي
*تلف باعصابك وممكن يجيب لك الامراض
*الاحساس بعدم تقدير الذات

الحل احترمي نفسك وتجاهلي الفاظه لترتقي بنفسك

موضوع المشاركه بالصرف هذا يتم تنسيقه مع الطرف الاخر

فوفو

الله يسخره لج ويهديه

الله يعينج يبيلج تلتزمين بالاشيا الي ناوية تغيرينها كتبي بنود بورقه او بالايفون بالنوت وطلي عليهم مرتين بالسوم والتزمي فيهم وشوي شوي راح يصير هذا طبعج ودايم فكري ان لو منو بالدنيا محد يستاهل تحبطين من نفسج تعيشينها عكس الي انتي تبينها وان تصل متاخرا افضل من الا تصل ابدا وانتي توج صغيرة وابد ماتاخرتي

شكلج انتي ماسكه امور البيت والدليل انج تغلطين عليه لانج منحره منه وثاني شي صرفج لراتبج وانه منتف
راجعي امورج من جذورها وغيري روتين حياتج ولا تخلين زوجج بين عينج فبالتالي بتصبين غضبج كله عليه
انشغلي بنفسج وبعيالج راح تلقين نفسج تشتاقيله وتخف مشاكلكم. وترا كثره المناقشات مع الزوج تجيب المشاكل حاولي انج تخففين المجادله معاه