ابيه ينااام بروحه بالدار

بنات مشكلتي باينه من العنوان

ولدي عمره 3 سنوات

وذبحني ابيه ينام بالغرفة بروحه ماكو فايده لازم نص الليل يرد حق داري

مع العلم غرفته احلى غرفة بالكويت فيها كل شي

مو مقصره معاااه لا انا ولا ابوه كل شي فيها جنها غرفة بحضانه واضاءه ورسومات و تلفزيون كل شي

شسوي مليييييت حق كفر السرير على الشخصيات الي يحبهم ؟؟؟

شسوي

طبعا استخدمت كل الاساليب اسلوب التشجيع والمكافأة و كل شي

عاااااااااااااااااااااادي جدا مرده بيرجع لغرفته ينام المسأله مسألة وقت طوييييل بس بيتعود ينام بروحه ومن الطرف الثاني اللي أهو منج ومن أبوه يبيلكم تصبرون وبتلقون النتيجه.
أنا أقولها عن تجربه مع بناتي الثنتين بس بصعوبه وكانوا أكبر من ولدج ،أنا كان فيني صبر وقوة تحمل بس الأبو الله يهديه من يطولون بالبجي يقول فتحي باب الغرفه وخل يدخلون وكانت تصير مشاكل بس الحمدالله عديناها.

خلي ابوه شوي يشد عليه
بس يبيله شوي صبر
اكيد اول الأيام راح يبجي بس لمن يشوف عطيتوه طاف راح يطخ وينام بغرفته
صدقيني بس اسبوع عطوه طاف راح يتعلم بغرفته بس شوي صبر

عاادي انا بعد اعيالي مرات ايون لي
ساعات يكونون حلمانيين تعابه خايفين

المهم اشوي اشوي يتعود على الغرفه

ولدج كبير يعني يفهم حطيله بابايات يبين الياهل يروح فراشه او قولي قصص يمكن يفهم

بس كلش ولا اصراخ وعصبيه بيعاند