|
|
السلام عليكم ورحمة الله وبركاته…
قبل لا ابدا كلامي اتمنى انه موضوعي في القسم المناسب,,,
بنات انا اعاني من مشكله لها 3 سنوات وهي انه ابوي فجاه جته جلطه وعقبها ودينه المستشفا والحمدالله عدت لكن نسى ذاكرته وصار شخص اخر يعني قام يطلع بشارع وقام يدخن بشراهه وماعاد يعرفنا ودايم مايقعد بالبيت وقام يتبول على نفسه اعزكم الله مع ان عمره 63 ولسانه ثقيل وصرات قومته وقعدته ثقيله وماينام والله والله اني ابكي كل يوم عليه,,,ومره طلع في الشمس شهر سبعه في عز الحر حافي وحنا كنا ندوره ولما رجع رجوله متفخه وتصب دم اكرمكم الله ووعي وهو مو حاس فيها ودينه للمستشفا وعالجنه…ومازال ابوي يعاني من رجوله لدرجه انه يطلع منها ماده مخاطيه وفديته مايقدر يمشي,,بنات ابوي فيه السكر,,,تكفون دلوني على مكان لرعاية الكبار او مستشفا متخصص لنفس حالات ابوي يجون يشكيون عليه كل اسبوع,,,,,,,,,,,ويعطونه سرير خاص له ولحالته لان ابوي ينام على سرير طبي عادي احنا شارينه له,,,يرحم والديكم اللي تعرف مركز ولا مستشفا يدلني عليه ويراسلني عالخاص,,,انا نفسيتي تعبت والله تعبت حنا بنات نشله ونحطه وابوي ثقيل علموني وين اروح ابي مركز يوفري لي تجهيزات طبيه لابوي خاصه انه حالته كلما لها وتدنى عسا ربي يشافيه ويعافيه ويخلي لكم ابهاتكم,,,,,,,ناطره ردكم على احر من الجمر
هلا أختي
عسى ربي يشافيه ويخليه لكم.
حالته ماينسكت عنها اول شي لازم تعالجون التقرحات اللي برجوله علشان لاسمح الله لا تسبب له الغرغرينه لأنه مريض سكر وهذا خطر عليه.
روحوا المستشفى واخذوا تقرير طبي وبطاقته المدنية وبطاقة اي واحد فيكم وفتحوا ملف بمركز رعاية المسنين التابع لمنطقتكم .
وهناك راح يوفرون له زيارة طبية واهتمامات .
أتمنى الصحة والعافية للوالد.
وبلغينا اول بأول.
ماتشوفون شر.
الحمد الله على كل حال ..والله يعينه ويعينكم وكل شي بأجره ان شاء الله
مشرفتنا الصابرة ما قصرت باللي قالته جزاها الله خير
بس بغيت اضيف على كلامها ..اذا تقدرون تحطون لابوكم واحد يباريه بالشيل والحط
والتنظيف ..وتقدمون كتاب بطلب سرير …وما يشوف شر ان شاء الله
واسأل الله العظيم ان يفرج همكم وييسر أمركم ويسخركم لأبوكم تقدرين إختي تطلبين له الجهاز اللي يساعدج في نقله من مكان لمكان إذا هو ثقيل في لجنة الكراسي قالت لي الدكتوره عنه وموفقه انشالله
*
وان شالله بسوي اللي قلتيه اختي الصابره لانه كنت ابي نفس جذي يجون لجنه ويشفونه,,,مشكوره والله يوفقج..
اجر وعافيه ان شاء الله
حبيبتي الله يجازيها خير المشرفه والبنات ما قصروا وطمنينا عليه الله يشافيه ويرده لكم ويرحم حاله اللهم امين ويشفي جميع مرضى المسلمين