|
|
كان يا ما كان في قديم الزمان ………كان فيه أمراة عجوز قاعدة بروحها
وفجأة طلع لها أبليس ………(لقافه ….يبي يتحرش ) العجوز خافت وسمت بالرحمن
…قالها أبليس :أنتي يا عجوز هل تعتبرين نفسك داهيه؟؟؟؟
العجوز: نعم أنا داهيه ……….. والنساء عموما كيدهم عظيم
أبليس: أنا أتحداك……..وبنشوف مين كيده أعظم …..المرأة ولا أبليس
العجوز :خلاص أنا بسوي مشكله وأنت راح تحلها واذا ما قدرت أنا راح أحلها
وراح أفوز برهان.
أبليس:Ok
راحت العجوز حق واحد
وقالت أنا بشغلك عندي فترة معينه بس……. إذا تبي فلوس لا تتدخل ولا
تتكلم .(وافق الشاب لأنه طفش من البطاله ويبي فلوس ).
راحت العجوز ومعاها الشاب لمحل قماش وقالت له أنتظرني عند باب المحل
…دخلت المحل وخذت قماش غالي وراحت تكاسر تاجر القماش
العجوز: رخص يا بن الحلال …
التاجر :اذا أنتي ما عندك فلوس أخذي شيء أرخص
العجوز : ما أقدر ….لازم ولا يصير شيء ما صار
التاجر :ليش ؟؟ …..لهالدرجه …..شسالفه؟؟
العجوز:شفت الشاب اللي واقف عند باب المحل ..هذا ولدي
..يحب له وحده متزوجه وهي تحبه ولما تتطلق من زوجها …ولدي بيتزوجها
وهو قالي أن عارضتي الزواج بأطردك من البيت وأمرني أني أشتري قماش
غالي عشان يعطيها ولا راح يطردني من البيت مع أن البيت بالأساس
بيتي ولكني غلطت وكتبته بأسمه لعجوز تبكي
التاجر: خلاص هونيها وتهون والله كسرتي خاطري ….خلاص أنا بأعطيك القماش
ببلاش….وعسى الله يواجرني
العجوز طلعت مستانسه وقالت حق الشاب روح البيت
بعدها راحت العجوز لبيت زوجة تاجر القماش وطقت الباب وطلعت الزوجة
العجوز : آه بابنيتي أنا تعبت بالطريق و ما أقدر أكمل ممكن أقعد عندك أرتاح
خمس دقايق .
رحبت الزوجة ودخلتها وأكرمتها وجابتلها شاي
العجوز : مشكوووووورة ما تقصرين إن شاءالله أردها لك (تعمدت تنسى القماش ) وطلعت.
الزوجة : حرام نست قطعة القماش …أكيد بترجع بعد شوي وتاخذها
بروح أحطها بالدولاب..
تاجر القماش رد لبيته وتغدى ذاك الغدا السنع ونام شوي .
قام العصر وفتح الدولاب بغير ملابسه عشان يروح محله ……مفاجأة قطعة القماش
وعرف أن المرأة اللي يبيها ولد العجوز هي زوجته يعني تخونه
قام عليها وطقها وطردها بالشارع بالهدوم اللي عليها.
العجوز كانت تنتظر هاللحظه في أخر الشارع فراحت لها تركض
العجوز: وش فيك يا بنيتي ليش تبكين؟؟؟
الزوجه : زوجي طردني …وما عطاني فرصه أتكلم .
العجوز: خلاص أنا بأوديك بيتي وأنا بروح أحل المشكله
راحت العجوز لبيتها ودخلت الزوجه في غرفة بينما الشاب كان في
غرفه ثانيه وأمرته أنه ما يطلع منها
راحت العجوز للشرطه تبكي وتقول :كنت قاعدة في بيتي وفجأة دخل
رجل ومعه مرأة وقعدوا ببيتي حاولت أطلعهم ما قدرت
(أحتلوا بيتي )
ذهبت الشرطه وقبضت على الشاب والزوجه ….وقطوهم بالسجن.
العجوز: ها ها وش رايك يا أبليس ؟؟ دورك اللحين حل المشكله
أبليس : لا لا ما أقدر أحلها السالفه تشربكت مرررررررة
العجوز : أنا راح أحلها وكأن شيء لم يكن . وراح أربح الرهان
راحت العجوز تزور الزوجه بالسجن وقالت لها :أنتي ساعدتني مرة
وأنا الحين بأساعدك …..يلا ألبسي عباتي وغطي نفسك وأطلعي من السجن كأنك أنا وأنا بأقعد
مكانك.
الزوجة:مشكووورة ….لكن أنتي ؟؟؟
العجوز: مالك شغل مثل ما طلعتك بطلع نفسي.
تمت عملية الهروب بنجاح….
الوالي أمر الحراس يحضرون المسجونين عشان يحكم عليهم
حضرت العجوز والشاب وقال لهم الوالي :ليش قابضين عليكم وشو مسوين؟؟
ردت العجوز:احنا ما سوينا شيء كنا قاعدين ببيتنا أنا وولدي ولا الشرطه
طابه علينا وماخذينا السجن .
عصب الوالي وهزأ الشرطه وما عطاهم فرصه يتكلمون ويقول : غلطانين
وتبون تتكلمون.شين و قوات عين
طلعت العجوز من الوالي مستانسه وعطت الشاب فلوس وأنهت خدمته عندها.
راحت العجوز لتاجر القماش وقالت له أنها تعبت بالطريق وأن زوجته أصيله وأكرمتها وهي من
كثر التعب نست القماش عندها وأن زوجته بريئه
وقالت خذ قماشتك لأن ولدي سافر هو و زوجته الجديدة.
رجع التاجر زوجته وتأسف منها و راضاها بعد.
العجوز : وش رايك يا أبليس أنا فككت السالفه سهله
أبليس :أنتي ربحتي ….يما………يما أن كيدهن عظيم
(إنحاش وهو خايف)
منقوله
صج صج ان كيدهن عظيم ..
يسلمو عالموضوع ..
امبيه ياني شك ان انه العيوووووووز<<<<<نفس نكي
مشكوره
|
المشاركة الأصلية كتبت بواسطة بتبوتااا
 هههههههههههههه حلوه عجبتني صج عيوز نار ابليس ماقدر عليهااخخخخ
|
والله صاجه.. صج ان كيدهن عظيم حتى ابليس ما قدر عليها..
الحين الشرطه بيقولون لها عطيني بطاقتج وبطاقة ولدج المدنيه علشان انطابق البيانات والعنوان
لوووووووووووووووول
لازم حل اخر
صج داهيه
السافة فري بيغ ……….. والعجوز فري باد
هذي حتى ابليس انهاش منها
إن كيدهن عظيييم
حرام عليك عااد انا ما اعرف لهالسوالف كلش بريئة <<< اي هين
انا عاد اموت علي سوالف العيايز, سوالفهم فيها افكار خطيره.