|
|
معلمات رياض الاطفال ..
عساكم عالقوه .. متى اتداومون برياضكم ؟؟
كل يوم نودي ولدي .. انا او ابوه .. و لحد الساعه 7 وربع والابلات مو موجودين ..!!
المناوبات موجودين طبعا .. بس البقيه وينهم ؟؟
لازم اكون بمدرستي عالاقل 7 وربع او سبعه مرات ..
بس الابلات ياخذون عيالهم الساعه 7.30
ههههههههههه وبعدين احنا موجودين بس مانقعد بغرفة الانتظار نرتاح بفصلونا او نزهب شغلات من هالشي والساعه 7 ونص نستلم الاطفال..
حتى احنا ورانا عيال نوصلهم للمدارس
ابلات الروضه اللي اعرفهم يروحون قبل 7 ونص ..
يجهزون و يستعدون ..
وانا اوصل عيالي و اكون بمدرستي 7 وربع تقريبا او قبلها …
علشان يمدي اجهز ادواتي ووسائلي .. بس طبعا الوضع بالمدرسه غير عن الروضه .. لان شغلكم عندكم بالصف .. مو مثلنا تفترون بقشكم من صف لصف ..
لان ما في وقت عندنا نجهز ونستقبل الاطفال
عندنا فتره اخر الدوام نسميها فترة الانصراف
هذى الفتره نحضر فيها كل شغلنا عشان ما نتوهق الصبح
ومعلمات فصله بالتاكيد راح يستلمونه الساعه 7 ونص من غرفة الانتظار
|
المشاركة الأصلية كتبت بواسطة مشغوله و محتاسه
وانتي متى تروحين زلابيا؟؟
|
اي وقت اروح الروضه عادي بس مو قبل الساعه 7
واستلم الاطفال 7.30 ..
ويوم المناوبه 7 اكون بالروضه
لازم تعودين ولدج ان يقعد بغرفة الانتظار مع باقي الاطفال ويتعود على كل الابلات عشان ما تتأذين معاه وتروحين دوامج
ولاا ولدي غصبن عليه بيدش و يقعد بغرفة الانتظار حاله حال باجي اليهال ..
بس انا مثلا … احب اروح مبجر .. واقعد شوي و اتهيأ
ومثل ما قلت لكم .. البنات اللي اعرفهم .. يروحون قبل السبع ونص ..
الله يعطيكم العافيه كلكم .
والايام العاديه على حسب … ومرات 7 وربع بس هم اقعد بالانتظار علشان مره وحده اخذ عيالي معاي … يعني سواء علي مناوبه او ماعلي انا بالانتظار …… مالي خلق ادش الصف الا بالنشاط الفردي …
عساج عالقوه ..