ابلات التقاعد على جم يقولون صار 15 سنه

ابلاتي يقولون صار التقاعد بعد 15 سنه بدل من 20 ويقولون بيعتبرون التدريس من الاعمال الشاقه وبيزدون يمكن 300 دنيار تكفووون ابلاتي تاكد من الخبر واذا وحده عندها علم تقول تكفون خل نساعد بعض جزاكم الله الف خير

يا ليت

التقاعد للمتزوجه يكون على 15 سنه اذا كان عمرج 40
وهالشي من زمان مو توه

يعنى لازم يتوفر فيج شرطين عمرج 40 وتكونين كملتى 15 سنه
يعنى لو كملتى 15 سنه وعمرج 38 تنطرين سنتين عشان تتقاعدين
ولو كملتى 40 وخدمتج مثلا 10 سنوات تنطرين 5 سنوات وتتقاعدين

لازم تكونين مكمله الشرطين مع بعض

ام الجوري من صجك تكفين قولي غير هالحجي شلون يقولون 15
مشكوره على المرور

انزين ام الجوري والي عمرها 35 وتبي تتوظف ومتزوجه متى بيكون تقاعدها؟ للمعلمات

المفروض يراعون المدرسات

ويحطونها من الاعمال الشاقه ويكون التقاعد فيها 15 سنه مو اكثر

لا وصلني خبر من مصدر موثوق التقاعد للمدرسااااااااااااااااااااااااات

بعد 15 سنة …

بالتوفييييييييييييييييق حبيبتي

انا ما اصدق الا القرار اللى اقراه بالجريده
يعنى يكون معتمد
بس بشكل عام وحاليا هذا هو الوضع اللى ماشين عليه التأمينات الاجتماعيه
وعشان تتاكدون اكثر اتصلوا عليهم يعطونكم تاريخ تقاعدكم بالضبط

يعنى اللى سألت تقول عمرها 35 سنه وتوها تتعين
اقولها بعد 15 سنه تتقاعدين
لما يكون عمرج 50 سنه
الله يعينج

انا سامعه من وحده تشتغل بالتأمينات ان التقاعد حق مواليد السبعينات لما يوصولن 50 سنه تصدقون

ما ادري ليش حسبة مواليد السبعينات غير!!!!!!

بس مو حق المدرسات حق جميع الموظفين بالحكومه

للرفع

انا اللي أعرفه اذا كملتي واحد من الشرطين تقاعدين
يعني اذا صارلج 15 سنه وعمرج أقل من الاربعين يحق لج تتقاعدين
أو اذا عمرج 40 سنه وما كملتي 15 سنه يحق لج تتقاعدين
زوجة أخوي صار عمرها 40 سنه وما كملت 15 سنة وتوها تقاعدت صارلها 3 شهور

وطبعا كل وحده لها قرار غير
المتزوجه غير عن المو متزوجه
والمتزوجه وماعندها عيال غير عن المتزوجه وعندها عيال
حووووووسه

ليش اعمال شاقة الوحدة تعطي درسها وترد الغرفة ترتاح

والتقاعد 15 مع سن ال40

والله يلي قلبها أبيض ما ترتاح تصحيح دفاتروندقق عليها وتحضيرمناهج وتصحيح إمتحانات ومتابعه للطالبات الضعيفات وتحفيز المتفوقات وعمل أوراق عمل ومتابعتها وإمتحانات تسلم بوقت محدد وأنشطة القسم من مشاريع وبحوث للتوجيه وأنشطه للمدرسة في الطابور وحصص إحتياط وما أدراك ما حصص الإحتياط وإذا لا سمح الله أخذتي مرضيه فرضا يوم أويومين تجين من باجر تعوضين ها تعوضين الحصص إلي طافت يعني تلقين شغلج واقف ينطرج بكود هذا غير المواقف إلي نتعرض لها كل يوم( حسب إدارة المدرسه ) من كلمه منيه وسالفه هناك إذا بنستأذن أو نتأخر وأعمال إضافيه تطلب منا وإشراف متعب طول اليوم .

مو بس تصحيح
مسؤولييييييييييييييييييييييييييه الطالبات مسؤوليه
بالفصل بالفرصه لازم تدراين اطر 25 او 30 طالبه بالفصل
لازم تديرين بالج عليهم مثل عيالج هذا اكبر عمل شاق بالنسبه لي
يعني بنت تايهه بتروح الحمام عزج الله ونفرض انها ب 1 ابتدائي انا عن نفسي اوصلها وانطرها لين تطلع
والتقاعد قالو تكملين 40 سنه بالعمر و15 بالتدريس
ومن زمان سامعه انه علي الدقباسي يطالب انه يضمها للاعمال الشاقه