|
|
مرحبا ابلاتي
شلوونكم..؟
اتمنى تكونون بخيير وبصحه وعافيه..
انا طالبه اول سنه لي بالجامعه بكلية العلوم وان شاء الله بحوول لي التربيه
وتخصص بيولوجيا مساند كيميا
بس حبيت اسألكم
بناحيه التدريس <<هالنقطه حيييل خايفه منها
ابي اعرف كانت صعبه عليكم او لأ؟؟<<في البدايه
وبناحيه الماديه
معاش ابلات العلوم ثانوي نفس معاش ابلات العلوم متوسط<<بأول الوظيفه
وانا سمعت انه اول ما اتوظف 900<<علوم ثانوي<<صح ولا لأ؟؟
ومشكووووورين
وسوري على الازعاج
4 المشاهده
ومحد فا دني بــ ولا شي
انا ابلة علوم ابتدائي
بالنسبة للتدريس هذا الشي يعتمد على شخصيتج و ثقتج بنفسج و فهمج للمادة العلمية وايد مدرسات تلقين خبرتهم سنتين يدرسون احسن من مدرسات خبرتهم 10 سنين ( وهذا الشي انا شفته بالمدرستنا )
المعاش : معاش المدرسات كله نفس الشي مهما اختلفت المراحل او الاقسام يعني مافي فرق بين معاش مدرسة العلوم الابتدائي عن الثانوي ولا يفرق معاش الرياض الاطفال عن الثانوي لان كلنا في ديوان الخدمة المدنية بكالوريوس تربية على الدرجة الرابعة
واظن ان معاش اول التعيين 850 ( هالشي مو متاكده منه )
المناهج : تغيرت تماما بدوها بالابتدائي عندنا و مشوها السنه هذي على المتوسط و راح تمشي على الكل نوعا ما صارت المناهج طريقتها اصعب بس متطوه يعني مناهج المتوسط قبل انزلت للبتدائي و المتوسط نزلهم منهج الثانوي و جذي
تدريس العلوم ممتع و حلو عندنا بالابتدائي يمكن احلا بالمتوسط و الثانوي ما ادري هذا الشي راجع لج
انشالله اكون افدج