ابلاات العربي يعنى شنو واو اصلية بالفعل

السلااام عليكم ورحمة الله وبركاته

كالعاده اختى اذا مافهمت شي سألتني وانا صراحه نص ونص بالعربي

تقول الفيلسووفه الابله : –
ابي كلمات انتهت بواااو اصلية بالفعل :-

1- ………………. المؤمن الصالح ربه .
2- ……………… العبد من ربه اثناء السجود .
3- ……………….. المؤمن مبكراً لأداء صلاة الفجر .

المووووهم ابيكم تساعدووني بحلهم جزاكم الله كل خير

اختكم : دلع

انا مو ابلة عربي بس احب هالسوالف

الواو الاصلية جزء من الكلمه مو مزيوده

1. يدعو

2. يدنو << يمكن

3. يصحو

دلع كل واجبات اختج جذي اكملي الفراغ لوول

كلمات متقاطعه

ان شاء الله اجاباتي صح

1- يدعو المؤمن الصالح ربه .
2- .يرجو العبد من ربه اثناء السجود .
3- يصحو المؤمن مبكراً لأداء صلاة الفجر .

الواو الاصليه فديت قلبج اللى اللى مافيها الف بعد الواو

الواو الأصلية اهي اللي اذا حذفتيهامن الكلمة لا يصبح لها معنى

والاجابات

1- يدعو
2- يرجو
3- يصحو

وحضرين للطيبين

امبيه كشفتي امري

كل البنات اللي بالمنتدي خلاااص عرفووووني

واااااافشيلتااااااه

يعطيكم العافيه

ام عفاف الكويت

وسفيرة العشق

نورتوااا الموضوووع <<<<<<< ياحظي كله واااجب

بمروووركم العطر

تقول الفيلسووفه الابله

الصراحة لفتت نظري هالكلمة عن الابلة؟؟؟!!
الواجب مو تعجيزي ولا اهو صعب لدرجة انه نوصف الابلة فيلسوفة ولا اهي يايبته من عندها
لا حبيبتي اهو منهج مفروض عليها تمشي عليه
مو منها ولا انها تفرض عضلاتها على الطالبات بواجب تعجيزي ولا ماله حل

والبنات ما قصرو والله يعطيهم العافية

وان شاءالله دايما بخدمة طالباتنا العزيزات في اي واجب ولا اي سؤال

وحياج الله يا دلوعة

حبايبي الفرق بين الواو الاصلية و واو الجماعة

علمي بنتج او ولدج طريقة سهلة لمعرفة الفرق, والطريقة هي تضع يدها على حرف الواو ( تخبيه) وتقرأ الكلمة

اذا كانت الكلمة مفهومة تكون واو الجماعة وتأتي في الجمع.

واذا كانت الكلمة غير مفهومة تكون واو اصلية للفعل اي لا يمكن الاستغناء عنها في الكلمه .

مثال: يدعو—– اذا حذفنا الواو تصبح يدع غيرت المعنى اذن واو اصلية.

يدافعوا —– نحذف الواو تصبح يدافع لم تغير المعنى ولم تتأثر الكلمة بالحذف اذن واو جماعة وتأتي للجمع.

شكرًا وان شاء الله افدتكم…….

ماشاء الله عليج شرحج سهل

الله يعطيج العافيه

في الاجابة الثانية ( يدنو ) أصح من ( يرجو )