|
|
صباح الخير على احلى كويتيات
بنات انا متزوجه لي 6 شهور وودي احمل اختي قالت لي اسوي ابر تفجيريه وانا مترده واختي الثانيه تقول لا تسوينها وما ادري منو اسمع فيهم وانا ودي احمل حيل وهل الابر هي المنشطات والا غير عفيه ساعدوني هل تضر هذي الابر والا لا
حملي طبيعي احسن .. خليها على ربج
وبعدين 6 شهور مده مو طويله عشان تستعجلين
نطري بعد 6 شهور على الاقل وبعدين راجعي دكتوره واهي اللي تقررلج العلاج المناسب لحالتج
وابرة التفجير راح تاخذينها بعد ابر تنشيط بس اذا انتي بويضاتج سليمه راح يسبب لج كيس على المبيض
فأحسن شيء لج نطري واستمتعي بحياتج توج عروس وان شاءالله تحملين
روحي اول شي الدكتوره قولي لها ابي كلوميد .. هذي حبوب تكبر حجم البويضه ونسبة الحمل فيها كبيره وممكن يوكونون توأم
وبعدين اذا بغيتي اخذي الابره بس اهم شي استشاره الدكتوره …
وبفترة التبويض شربي عصير انناس وااايد لان يقوي المبايض ويكبر البويضه بس ديري باالج اذا حملتي لاتشربين ولا تاكلين انناس لان يظر الحامل ..
يعني فايدته قبل الحمل ممتازه خصوصا وقت التبويض بس اذا حملتي وخذيتيه يظرج
وربي يرزقج ان شاء الله ويرزق كل وحده تبي
نطري شهرين ثلاث وان شالله بتحملين بس انسي سالفه الحمال لان النفسيه لها دور ..
انا من تزوجت ريلي يحن يبيني احمل .. والله الشهر اللي نسى السالفه وكنا مسافرين سفره عائليه ومشتطين يعني
مو مفكر بالحمل سبحان الله حملت .. طبعا تحملين اولها وحام ولوعه جبد بعدها ثقل بعدها ولاده تخربين من كل صوب
الجسم يتغير واللون يتغير .. وياهل صج ياحلوها على قلبج بس ان الله بيجيبه ليش تستعجلين عليه .. ايامج الاولى هذي
وجسمج وحلاج وفاضيه حق نفسج بس ايها اللي ماراح تنعاد
والله يكتبلج اللي فيه الخير
ماسمنت ولا صار شي بس متابعه مع دكتورة مو من كيفي اخذت
انتي روحي لدكتورة شاطره قبل الدورة بتسوي لج تحاليل هرمونات وتعطيج حبوب كلوميد وتحدد موعد الابرة التفجيرية وموعد الجماع يكون 3 ايام وبعد اسبوعين تحللين وان شاء الله حامل
انا ناوية هالشهر اخذها مرة ثانية
واحتمال يكون عندج هرمون الحليب مرتفع فيمنع الحمل او ان الجماع مايتم بايام التبويض
راجعي دكتوري وتوكلي على الله
راجعي فوزيه القطان عجيبه اعرف جم وحده عالجتهم و حملو و الله يرزقج ان شاء الله