|
|
شلونكم عساكم بخير
موضوعي هالمره عن التكاثر >>> ها لايروح بالكم لبعيد 
في فئه من الحريم تبط جبدي ماشالله ماشالله. تكود ابهاليهال وبعدين اطق فوق راسها وتشتكي
ياربي دوخوني اليهال طفروني<<<<< يايبه فريق الله يهداج شلون مابتعبونج
والمشكله ما في فرق بينهم <<<<<<اول السنه يايبه واحد واخر السنه الثاني ماشالله الله
ويوم تشتكي تنصحينها بحسن نيه تركد اشوي هههههه تاخذ مانع اي شي يوقف هالطوفان تزززززعل
وتقول هاي حاسدتني وبتصكني بعين >>>>>>ياعمري ماقلنا شي بس انتي تشتكين وتعبانه
اييبون عيال ويهدونهم استغفر الله بالشوارع لاتربيه عدله لاتعليم سنع ويزيدون المجتمع بلا استغفر الله
اي ما قلنا لاتييبون اعيال بس اهتموا فيهم وربوهم عدل اييبون كوكش يهال ويهدونهم
وتقولج لا حرااام مايجوز يماما منو قال الاسلام كفل حق الطفل سنتين رضاعه يعني اهتمام سنتين بس بعدين كيفكم لاتمنعين الحمل احملي محد رادج
انا متزوجه وعندى اربع الله يحفظهم ورا بعض بس الحين ارتحت اشوي
دراسه وتربيه وثقافه كله عليج الله المستعان
الحين ابي رايكم في هالفئه اللي فاهمين التكاثر غلط !!!!
شغله ثاانيه اعتقد انقرضواا اللي يسووون جذي .. وابد انا ما احب جذي
وهم عشان يتفرغوون لتربيته
دايما احجي لامي ولريلي اني ابي اييب درزن يهاااال ابي على الاربعين احمل اممممووووت باليهال بس سبحان الله ربي مارزقني ليمن الحين …يلا حمدلله عكل حاااال
اعرف وحده بفريجنا
عندها 10 يهال مشالله لكن كلهم ورا بعض
تخيلوا اكبر بنت عمرها شي 16 !!!!
واصغر ياهل امس منولد!!
وكلهم ورااا بعض وصغاااااااااار
نظامها تطلع من نفاس وتحمل!!
والله يا بنات لا تشوفون اشلون امهملتهم من كثرهم
ومنتشرين بالفريييج …
الي داعمته سيارة بالغلط
والي كان يلعب بالبراحه ونام ومافقدوه الا بالليل !!
وكلهم يا الي منكسره ريله والا ايده
وشيااااااااااطين ماكو تربية نهائيااااااااا
اذا زارت بيتنا ، يتعلقون باللمبات ويمشون على الطوف اعذوو بالله شوااااذي مو يهال
طبعا مستوياتهم بالمدرسة ميييييييييح
والكل يشكي منهم !!
الام لا تشوفون اشكبرها …. مع انها كانت ضعيفه اول زواجها
والله لا صحة لا جسم!! ظهرها مادري شفيه وحوضها مادري شفيه وماتصلي الا واهيه قاعده !!!
اييي ليششششش ياحظي !!
تخيلوا الكل يقولها لا تحملين حتى الزوج هددها اذا حملت راح يتزوج عليها
بس ماكو !!
واخر ياهل يابته امس :
عاد امي تقول لا تشوفين اخوانه عبالهم هذا لعبه مو بني ادم :
يطلعونه من سريره ويستكشفون ملامحه ويفجون مهاده :
الام خو مافيها شده هواش ،، مخليتهم على كيفهم !!!
صراحة مادري شفيهم بعض الحريم تكود هاليهال على قلبها واتهيتهم !!
ويصيرون افة على المجتمع والكل يشكي منهم !!
عندها درزن و فوق بعض
و لما تقعد معاج تشكي من عيالها و ازعاجهم و مصاريفهم و تدريسهم و تقولج صحتي راحت ظهري يعورني فيني دسك
و ما عندي وقت حق نفسي ووووووووو
و بعد شوي تشوفين ويهها صار احمر يعني مستحيه تقولج قاعده افكر احمل!!
و اذا عباتها انشقت ولا طاحت مريضه و لا منشوله ولا راسها صدع قالت وااااااي صكوني عين
بالاول ايام ابائنا واجدادنا كانو يجيبو 8-9 ىلانة كان التربية غير
الحين العالم تطور وتفتح على بعض والعادات والتقاليد كلها تغيرت
يعني يادوب الواحد يجيبلة2-3 يربيهم ويعلمهم كويس والحمدللة
هذيله ما يفكرون ان اليهال مو بس بحمالهم وولادتهم
تربيتهم الي تكسر الظهر
انا احب اخلي فرق بين ياهل والثاني عشان كل ياهل ياخذ حقه من العنايه والاهتمام
أنا ضد إن الوحدة تكود ياهل ورى الثاني ولا اهتمام ولا تربيه، بس في ناس تاخذ المانع وهم يحملون، شيسون بالله؟؟
ناقشت مرة هالمسأله مع وحدة كبيرة وفاهمه، قالت لي " إللي الله كاتب له إيي هالدنيا، ما راح يمنعه شي"
ونعم بالله
الى يقول بيشكلون فريق كرة قدم