|
شنو احســـــــــــــــــــــــــــــــــــــــــــــــ ــاسج واحد يمن عليج
مو اي احد ريــــــــــــــــــــــــــــــــــــــــــــــــ ـــــــلج
حده شعور خااايس
بنات يعطيكم العافيه يا ليت تفيدوني الله يوفقكم يارب
انا متزوجه صغيره يعني عمري 17 سنه بس مخي اكبر من عمري على قولتهم
صارلي متزوجه 5 سنين ونص والحمدالله حياتنا طبيعيه فيها الحلوه وفيها المره
ومافي احد كامل انا اغلط وهو بعد بس الحمدالله ماشيه امورنا بس انا في شئ احسه
مكدر عيشتي ومغير حالنا وصاير وضعنا اسوا انا عندي ولد وبنت وبعدهم صغار سنتين والبنت سنه
للاسف الموضوع على الماديات انا بعدني ماتوظفت متعثره دراسيا ماخلصت الجامعه بعدني يبيلي جم سنه
وهو مايعطيني مصروف من تزوجنا يعني قبل اي شئ ابيه هو يعطيني فلوس من كيفه او اروح انا وياه نشتري اغراضي او اذا طلبت مايقصر المشكله الحين صاير يتمنن اذا عطاني والله والله يابنات صارلي 4 شهور ماطلبت فلس احمر منه حقي انا شخصيا واللي زاد طين بله الاعانه الجامعيه ماتنزل لي الاشهر اللي طافت وانا صاكه حلجي وساكته معاشه زين وضعه المادي زين واحنا ساكنين فبيت ابوه يعني ماعندنا التزامات وايد
بنات قالي انا ماعندي اعطيج حق العيد الا 50 دينا ر وربي فيني بجيه
50 دينار شنو عقب نطرت 4 شهور 50 دينار بنااااااااااااااااااااااات وضعه زين يقدر يعطيني بس ماعرف ليش مجعص علي
مقهوره منه تدرون قلت له انا راح اخذ 50 بس الوضع ماراح يكون مثل ماهو الشهر الياي
ورحت وخليته ولا اعرف شنو بسوي الشهر الياي بس قلت الكلمه وانا ماعرف شنو بسوي
هو مو بخيل يعني مرات نروح ونقط على لبس عيالي 200 واكثر والجمعيات والله 200 بعد حق جم نفر انا وعيالي
بس فيه حرص شوي ويشوف انه الاشياء اللي اطلبها خرابيط
شنو اسوي تكفووون احس ازمه ماليه انا بنت من حقي اشتري والبس واهدي واوجب رفيجاتي اللي مسافره وراده واللي نفاس يعني عندي اموري الخاصه
واخر مره قال ابتلشنا فاللي مو متوظفين قالها غشمره بس جنها سكين في قلبي
انا شخصيتي قويه وممكن اطلب منه وعادي ماهمني بس احس خلاص الموضوع صار فيه منه
ابي طريقه سنعه اخاف انفجر فيه وخليها مصيبه عليه
اسفه طولت بس من حرتي 50 50 دينار بس والله ماعرف شلون تعقلت وقلت اوك
الله يعينج انتي ماراح تفتطين وترتاحين الا لمن تخلصين وتشتغلين وتفتكين من المنه
الله يهديه
ويه ليه جذي!
وبعدين شالريل هذا خمسين دينار اروح الجمعيه فيهم
الله يعينج شكله ماينفع اللين همتج
لأن هذا حق من حقوقك وإذا إنتي ماطالبتي فيها لأتتوقعين انو في احد بيطلب عنك …
حبيبتي المفروض ماتتحسسين من سالفة إنه "يمن" عليك لأنو هذا حقك إنتي ودامه حقك ماله حق يمن عليك ..
المفروض بالعكس يستحي منك إذا قصر او ماقدر ..
عشان ما احتاج شي و بدلع و بهداوة و اذاا قال لا بكل برود قولي براحتك وقومي عنه
يمكن تكسرين خاطره انشالله
يا ولد الناس
آنا مرتك وهذولا الأثنين عيالك
انت ملزوم فينا
موبس اكل وشرب
لااااا اللبس والمظهر السنع
داخل علينا العيد ووراي لبس لي ولهم
تعال خل نحسب بالورقة والقلم
هالكثر بدلة الولد
وهالكثر بدلة البنت
وانا هالكثر لبسي
وانت معطيني 50
اما محتارة شاسوي فيهم
ياخي انت الله مرهي عليك
والنبيث عليه الصلاة والسلام يقول
ملعون ملعون منضيع من يعول
تبين اتسلف ولا آخذ من هلي
ترضاها علي ولا على نفسك
آنا مو طالبة الا حقي
ومن هالحجي الراكز المنطقي
والمفروض تلزمينه يعطيج شهري وتفتكين من الحنة
وخل يمن المهم يعطيج
وسمعي من هني وخريه من هني
واخذي اللي تبين
والله في شي قوي اذا سويتي راح يندم ويتحسف
رديلا الخمسين قوليلا مشكوور مابي منك شي وقوليلا مابي اعيد مو لازم وكنز فلوسك علا قلبك ولا تصرف علي
لوووووووووووووووول
وخلج قدها
اانا اقوولج اذا انا سويت جذي بريلي بيفرفر ويوديني السوق غصب لوول
لكن انتي ادرا بحالتكم
بدال ما الريال ينشد فيه الظهر
ينطر المرة تكد على نفسها
وييع