^ إلي جميع اعضاء منتدى كويتيات الكرام وخاصة الموظفات يا حياكم الله^

هلا وغلا بكل البنات

اول شي باركولي اقبلوني بالوظيفة

الموضوع ابي كل وحده تقولي شنو سوت بأول معاش (راتب) ؟

بنات بالتفصيل الملل …

اختكم دموع الكويت

هلا دموع الكويت

مبروووووووك الوظيفه

والله يوفقج

انا اول معاش وزعته على اهلي

>>>تذكرين

مبرووووووووووك الف مبروك

انا لي الحين ماتوظفت بس اكيد اول معاش بكون نصه حق البابا ونصه حق الماما واذا مارضو ياخذونه اشتريلهم في هدايه قيمه ………..واعد نفسي مثل الشهور اللي قبله جنا ماعندي معاش .

ومن ثاني شهر انصحج تسوين استقطاع من راتبج وتوفرين لو 20 دينار ترى تنفع وقت العازه

^^بنت الكويت^^

الله يبارك فيج … تصدقين ما اتذكر .

**فلونه**

الفال لج وتحصلين على الوظيفة … واكيد المعاش راح يتوزع ان شاءالله ويا ريت اقدر اوفر منه ..

خليني اتوظف بالاول بعدين افكر هههه

شوفي حبيبتي احنا عندنا عاده معروفه بالكويت …اول معاش يتوزع عالأهل عشان يصير فيه بركه

بس اكيد ثاني معاش بطلع حرتي هههه

صاجه فلونه المفروض كل وحده تسويلها حساب توفير ( قرشك الابيض لليوم الاسود ..مو جذيه المثل ؟؟ ) الله لا يوريكم ايام سوده

اي مبروك الوظيفه والله يوفقج فيها آمين

بـزه

اكيد راح يتوزع بس اكيد راح يبقى من المعاااااااااش

انا اقولج شتسوي طبعا احنا بمعاش وبدونه واحنا على طول نشتري هدوم و جناط وجواتي وانتو بكرامه …………والخلاجين وايد ………..انا لو منج اسوي شي ما اسوي وايد ولا ماسويتها من قبل يعني ادلع روحي ………اروح اسوي مساج حق جسمي وادلع روحي ………ولا اسوي جلسات حق البشره ولا الشعر ……..ولا ليزر …………..يعني شي بخاطرج وانت ماكنتي اتسوينه ……………………هذا راي وانت شوفي شنو اللي تحبين اتسوينه………

انا نفسـها

مبروك الوظيفه دموع
وانشالله البنات اللي وياج يكونون زينين ويكون دوامج ومكانج مريح

اول معاش يعني قبل 5 سنين
ايييييييييييه شخباااااااااااري

اول شي عطيت امي وابوي
وشريتحق يدتي هديه
واختي الكبيره ( اتاوه )

وشريتلي شهادات الدانه ( كان وقتها توهم هابين فيهم)
وبس
ابوي ماكان راضي اصرف معاشي
ويبيني ايمعه
يقولي لاتصيرين نفس خواتج اللي يدش جيبج اكثر من اللي يطلع
قالي يمعيلج جم شهر يصير عندج دفعه قويه لي بغيتي سياره او ان بغيتي شي
واستمر يعطيني مصرف الله يرحمه عمره ماقصر علينا
عاد يمعتلي بو 3 شهور
جان املج ( الريل ايي علي ريحه المعاش)
وهووووووووووب
هذا اخر خبري فيهم

مبرووووك على الوظيفه
انا اقول يمعيهم حق لتزوجتي انشالله بينفعوووووووووونج لا تقولين مهر ماييبلج الا شبكه والباجي خسسسسسسسسسسس

عيل انا اللي ماستانت بمعاشي كلشششش

دفعت مكالمات تلفوني اللي كان راهي
وشريت لريلي هديه وامي وابوي واخوي واختي وخالتي ام ريلي ( وكشت بعمي ) وحق يدته ريلي ويدتي شي خواتم ذهب شي عطور وغتر ماركه دينهل لريلي واخوي وابوي ورحت اخذت لولدي اغراااااااااااااااض والعاب وملابس وبسسسسسسسسسسسسسس صفر

هلاااا وغلاااا بالغالية
وألف ألف ألف ألف مبرووووووووووووووووووووووك على الوظيفة والله فرحتيني بهالخبر الحلو
الله يوفقج بالوظيفة ويبارك لج فيه
تدرين أنا أول معاش لي ما كنت مخططه يعني نبدي نخطط على المعاش الثاني ومثل ما قالو البنات يتوزع على الأهل هدايا وعزايم وبعدها تقدرين تفكرين شتسوين بالمعاش الثاني ان شاالله

Dancing^Queen
الله يرحم الوالد وجميع موتى المسلمين ويسكنهم فسيج جناته

انا عن نفسي .. عزمت الماما و البابا و الاخوان و الاخوات في مطعم فخم .. و نفس الشي صار لما تييني العلاوه السنويه و الترقيه .. العزيمه احسن عالاقل كلهم ياكلون و يغيرون الجو بس الهدايا على حسب الاذواق و عسى تعجب او لا .. و سلامتج و تعيشين

هاي دموع .. شو اخباريييك .. شو عاملي ( اقلبت لبنانية الاخت خخخخخخخ )

شوفي حبيبة البي .. انا ما تخرجت ليلحين عشان اتوظف

بس من ايام الثنويه و انا اقول .. ان شاء الله بيمع اول معاشين .. و اشتري فيهم شبكه الماس حق ماماتي .. لأني قايلتلها اول معاش لج ان شاء الله

و ناويه ان شاء الله اني اقتطع من معاشي حقها كل شهر .. ولو ان امي الله يسلمها ما عليها قاصر ما شاء الله .. بس من باب التقدير و الاحترام و عشان تحس اني ذاكرتها على طول و عشان الله يباركلي برزقي …

انتوا ادعولي بس اني اتخرج و اتوظف .. مليت .. 20 سنة دراسه .. ما صارت

مبروووووووووك دموع على الوظيفة …

انا اول معاش سويت فيه وقف حق امي وابوي الله يخليهم ويدتي الله يرحمها والنص الثاني كله هدايا حق امي وابوي وريلي وخواتي واللي يزيد بكمل فيه اغراض العيد (مامداه نزل الا وطار)

.