إعلان توظيف محامي الدولة بالفتوى والتشريع

مبرووووووووووك
نزل اخيرا اعلان الفتوى والتشريع
لاتنسونا بالدعاء انا كنت متابعه الموضوع اول بأول وماحبيت انزله الا عقب هالاعلان

وتفضلوا التصريح وشروط الاعلان وموفقين

«الفتوى والتشريع» تبدأ الأحد استقبال طلبات شغل وظيفة محامٍ في الإدارة

محمد السلمان

أعلن رئيس الفتوى والتشريع الشيخ محمد السلمان بانه «سيتم تلقي طلبات المتقدمين لشغل وظيفة محام (ب) بإدارة الفتوى والتشريع اعتباراً من يوم الاحد المقبل وحتى نهاية يوم الخميس 21 ابريل» حيث ان «التقديم عن طريق الانترنت بالدخول على الموقع (www.fatwa.gov.kw/jobs) وتسجيل البيانات وادخال المستندات المطلوبة وسيتم ابلاغ المتقدمين بمواعيد اجراء الاختبار والمقابلة الشخصية بعد تمام استيفاء الشروط المطلوبة».
وافاد السلمان انه يشترط في مقدم الطلب الآتي:
1- ان يكون كويتي الجنسية.
2- ان يكون حاصلا على اجازة الحقوق من جامعة الكويت او احدى الجامعات. المعترف بها من قبل وزارة التعليم العالي وبتقدير جيد على الاقل او ما يعادله.
3 – الا يزيد سنه عند تقديم الطلب على ثماني وعشرين سنة ميلادية.
4 – الا يكون من العاملين في الحكومة او المؤسسات او الهيئات العامة او احدى الشركات المملوكة بالكامل للدولة.
5 – ان يكون محمود السيرة حسن السمعة والا يكون قد سبق الحكم عليه او عوقب تأديبياً لامور مخلة بالشرف أو الامانة.
6 – ان تثبت لياقته الصحية للوظيفة.
7 – ان يجتاز بنجاح الامتحان الشفوي في المقابلة الذي يؤديه امام لجنة الاختيار المشكلة لهذا الغرض.
8 – يكون التعيين بالوظيفة تحت الاختبار لمدة سنتين تتخللها فترة تدريب تحددها الادارة فاذا ثبتت صلاحية المعين استمر في تولي منصبه وإلا فصل اذا ثبت انه غير صالح للقيام باعباء وظيفته.

المصدر جريدة الراي
https://www.alraimedia.com/Alrai/Arti…&date=31032011

موقع راح يبطل الاحد وهو مخصص للتوظيف فقط

كلوووولوووووووووووووش

اخيراااا مااابغووو نشفووو ريجنااا 11 سنه !!!

انزين بناات الحين يبوون هذي الورقه اللي ماعليناا سوابق قضائية الحين مع التقديم ولاا بعدين ؟؟؟

وماتدروون جم شخص بيقبلووون ؟

بنات نصيحه لا اتعشمون واايد و اتحطون ابالكم هالمكان و بس لأنه إذا الأماكن الثانيه تحتاج واسطه وحده هذا المكان تحتاجين ٥ مع بعض و كل واحد أقوى من الثاني .. من بعد الله سبحانه وممكن العكس تماما إلي مو حاط واسطه ينقبل

النقطه إلي بوضحها للي عنده واسطه و إلي ماعنده لا إتأملون وااايد لأنه كل شي يصير

(( آخر دفعه من المقبولين بالفتوى الحجي من ٢٠٠٣ بنت خالتي خريجة و قدمت عالفتوى و معدلها جيدجدا انقبلت و رفيجتها قدمت معاها و حطت واسطه قويه و ماقبلوها ))

شنو الاسئله اللي بالمقابله ؟؟

مشكووووره حبوبه

‘شنو االاسئله اللي بالمقابله ؟؟

وجم عددهم اللي بيقدمون …

صاجه والله ولي التوفيق

موفقين

انا بقدم بس ادري مراح انقبل لان سمعت التقدير مطلوب جيد جدا ونزلوه لي جيد عشان ربعهم يعني عارفين منووو يبون بس لعل وعسى

انقدم والباجي على الله نشوووف نبذل الاسباب

بنات انا ودي اقدم

بس ابي اعرف المقصود بكلمة محام ب

يعني شنو طبيعة الشغل هل هو ترافع امام المحاكم او شغل اداري

في احد عنده فكره ؟؟

شكرا حبيبتي عالموضوع والله يوفقج ويجعلها من نصيبج

بالتوفيق جميعا