أي وحده سوت ليزر الدوالي تدخل ضرووووري

منو فيكم جربت ليزر الدوالي ؟؟
ابي اعرف ياب نتيجه ولا لأ ؟ ورجعت الدوالي عقب ؟؟ ووين سويتوه ؟
وتنصحوني فيه ولا في طرق ثانيه أحسن؟؟

ما عندي علم …

محد سوا يعني ؟

دوالي الوجه ؟

لأني آنا أعالج دوالي الوجه بالفروانيه و عندي جلسه ليزر قريب

اي والله يليت أحد يفيدنا ..

رويال ديزاين طالعلي واحد بخدي ووايد مضايقني

طمنيني واللي يعافيج وين تسوين ؟؟ وشلون النتيجه ؟؟

هلا و غلا بشهوده

الله يعينج ..

بإنتظار رويال

هلا و غلا بشهوده

شوفي حبيبتي ..رحت لمستوصف منطقتنا و عقبها تحويل عالفروانيه الجلديه و عقبها دخلت على الدكتور و قالي ليزر لهالمكان عطوني موعد و لمن رحت قالولي لازم نقاب و لازم كريم حمايه من الشمس و ما تتعرضين للشمس نهائيا

صورو ويهي و رحت سويت أول جلسه ليزر طبعا مثل القرصات الخفيفه يعني ما يعور كأنه بخاخ الماي ما الأسنان لمن يسوون تنظيف بس على طقه وحده عرفتي مو عارفه أوصفلج
بس لمن طلعت طبعا ما كو تغيير نفس الشي قالي تحتاجين كذا جلسه يعني كذا شهر و لا تحطين أي خلطه او كريم فيه كورتيزون و هالشي يطلع من الرجيم و من الحمال و الولاده و من الإكتئاب الشديد و من السكر و من الكريمات اللي تشترينهم من الفلبن و من العطارين لأن حذرني منهم و قالي و لا خلطه تحطين بويهج.

و سلامتج و تعيشين حبيبتي و لا تخافين ترا سهالات آنا كنت بسويها بخاص قالولي كل خد ب 500 دينار كل الجلسات يعني بألف للخدين ..

آنا طالعلي بحنجي من الصوبين خطوط طواليه دوالي شكلهم يلوع الجبد

بعد عمري مااتقصرين على هالاجااابه اللي تبرد الجبد ..

وان شالله يروحوون وتفتكيين منهم ..

اللي طالع بخدي صغييير بس هم منرفزني ..

مادري من شنو طالع !!

ولاشي من الكريمات اللي قلتي عنها أستخدمه !!

ولاني متزوجه وحامل ولا مسويه ريجيم !!

عاد تصدقين أمي قالتلي روحي الخاص !! أشوه انج قلتيلي !!

واللي حارني أكثر بادي يطلع عندي بريوولي .. هم عالخفيف ..

وعلى حسب علمي هذا وراثي لأن الوالده فيها ..

فبروح حق الاثنين مره وحده ..

والله يجازيج خير .. ويعطيج ألف عاافيه ..

ومنكم نستفيد ومشكورين عالموضوع والله يشفينا ويشفيكم

شهوده صح وراثي آنا عماتي جذي جلدنا نوعا ما شفاف .. و يكثر بالبيضه أكثر من السمره .. و التان يخفي هالشي بس آنا ماأبي اصير برونزيه ..
و بالريل … آنا فخوذي خرايط والله بس مو مهمه .. اهم شي الويه ..

و إذا على الأسباب… تدرين إن نومتج متضايقه .. يحتقن فيها الدم و تطلع هالدوالي…

و إذا عالخاص ما يحتاج جهاز الحكومه أحدث جهاز و إهو اللي إسمه الليزر البارد .. و يشيلون الوحمات و الوشم اللي على رسومات و التاتو مال الشفايف و الحواجب. و التاتو الشامه .. لأن كذا وحده ناطره دور عشان هالشغلات .. بس غنتي لا تهملين نفسج … إذا الله رزقج و تزوجتي.. شفتي هالخط الصغير اللي مو باين سبحان الله عسن زوجج بتطيح عليه … بيخلي كل ويهج وبيشوف هالدوالي …

و بالتوفيق و إذا بغيتي أي شي راسليني عالخاص .

اي بالضبط سمعت نفس كلامج ..

وأنا بيضه بعد ومثل ماقلتي أحس يلدي خفيف وشفااف ..

وريولي بادي يطلع فيها بس صغاااااار .. الوالده مسيجينه مترووووسه مثل حالتج ..

عشان جذي نااويه أروح وأتلاحق على عمري قبل لا ايي الريل على قولتج ويدقق على كل شي

مشكوووره يااعمري عالاجابه والله يشافيج ويعافيج ..

وان شالله لا رحت بخبرج شيصير معااي =)