أوراق عمل اليهال ملوت المدرسة اليومية ستسوون فيهم

الله يخليهم عندي عيالي السنة اللي طافت كل يو ييبون اوراق من المدرسة
و الاورا متنوعة في همو وورك نشاط الشهر رسوماتهم ووايد شغلات
فابي اعرف كل وحدة منكم شلون تتصرف مع هالاورا و شلون تقسمها و وين تحفظها

ما ادري احط صناديق بغرفة اليهال و احط اورا كل واحد
الصراحة عيالي صغار و اخاف و هوم يلعبون يشقونهم و ساعات فيه شغلا مثل اوراق رحلات او اوراق عشان الامتحانات

السنة اللي طافت كنت احطها بداري بس احس لخبطة كلهم بمكان واحد كنت ساعات اتلخبط و انسى البسهم او اعطيهم الشغلات اللي الابلة طالبتها لليوم الفلاني

يا ليت يا بنات تساعدوني و تقواون تجاربكم

حطي لوحه بغرفة عيالج ما يطولونها تحطين عليها الاوراق والمواعيد والي يخلص تشيلين ورقته وتحتفظين فيها بفايل

تلقينهم في ايكيا اشكال واحجام

او حطي تذكير في موبايلج اول ما اييبون ورقة الموعد
وموفقين ان شاء الله

ليش ماتروحين ايكيا وتشترين أدراج أو كبت صغير وتحطينه بدارهم بس أهم شي يكون فيه قفل .. وتحطين كل أوراقهم

حطي لهم رفوف مرتفعة وكل واحد ملفه بروحه احسن

نفس ما قالوا البنات ادراج او صناديق تخشين كل واحد شغله بروح ولا تكودين الاوراااق اللي خلصتي منها قطيها
والله يوفق عيالج وتفرحين بتفوقهم

مشكورين
تواصلكم هذا اقدره لكم
و بينا على السوق اييب ادراج بس احطها بداري اامن
و كل اسم كل واحد على درج خاص فيه
و الله ولي التوفيق