|
قوه بنات
شنو الأهداف اللي حطيتوها حق هالخبرة؟
انا يديده واول مرة أسوي اهداف
فيا ليت اللي سوته تكرم وتحط لنا اهدافها
الله لا يهينكم
والله انا بعد يديده على هالخبره بس بقولج اهدافي اللي حطيتها بس ترا ماراجعتها مع المشرفه و شوفي اذا توجيهج بعد غير لانه توجيه رياض الاطفال مستحيل يتفق مع بعض بولا شي جنهم يفرضون رايهم غصب مو مهتمين لمصلحة الطفل و اللي اهو محور العملية التعليمية بالاساس المهم ماعلينا من هالحجي لانه معروف بحط لج اهدافي بس العقلية لانه الاجتماعية و الحركيه تختلف مثل ما قلت لج من توجيه لي توجيه و من مشرفه لي ثانيه
انتي اختاري اللي تبينه و الاولويه لج
1 يذكر ان الكويت بلد عربي مسلم
2- يتعرف على كلمة علم
3-يتحدث عن بعض معالم الكويت الحديثة
4-يفرق بين علم الكويت الحديث و القديم
5-يتعرف على بعض المهن القديمة (الغوص على اللؤلؤ -صناعة السفن)
6-يتعرف على كلمة سور
والباجي البركه في البنات و على فكره ترا في تجمع للابلات عن هالخبره مثبت فوق دشي على افكارنا لخبراتنا و فيها كل الخبرات واللي تبينها دشي عليها و الخبره هذي بدعو فيها الابلات اهني بالموضوع المثبت
والله يوفقج حبيبتي
مشكوووووره يا عمري ماقصرتي
يعطيج العافيه
ليش مستعجلين واحنا للحين بحوسة الجمعية
وانا أصلا مو عارفه طريقة كتابة الاهداف بس الهدف العام يتعرف على معالم الكويت حديثا
*يتعرف رموز بلدة
*يقرأكلمة علم قراءة صحيحة
*يتعرف العدد 10 رمزا ومدلولا
*يتعرف معالم الكويت
* يتعرف الصناعات الكويتية
والاسبوع الثاني عن الكويت قديما
دربالكم يقرأ بالفروانية التعليمية تعتبر هدف خطأ
توجيهنا ينتقدنا على كلمة يقرأ
طير شلوى لج وحشة
باجر باذن الله اكتب اهدافي و انزل لكم ملفاتي ان الله كتب
انا اعتقد لو مانكتب اهداف نفس قبل أفضل
بس نكتب اسم الخبرة واسماء الدروس راح يكون الابداع اكبر واكثر
مادري احنا اللي مطفق ولا انتو باردين
احنا هالخبره ماخذين يربط العدد 11 بمدلوله
والاسبوع اللي وراه يتعرف على العدد 12
وبعدين الاهداف كل شوي يغيرونها ومحد ماكلها غيرنا
شنو اسوي من تسلسل ومن منبهه ساعدوني انا تربيه عمليه بلييييز
خبر جديد عن كلمة يقرا احنا قبل نستخدم كلمة يقرا كهدف معرفي والموضة الجديدة ان كلمة يقرا ترقت وصارت هدف حسي حركي من التوجية.
|
هذا قمة التخبط شكو يقرأ حسى حركي بالله الي عطت هالقرار مو حرام موجهة القراءة وين تكون باللسان الي مركزة العقل مو بالرجل او اليد
لا
دربالكم يقرأ بالفروانية التعليمية تعتبر هدف خطأ توجيهنا ينتقدنا على كلمة يقرأ طير شلوى لج وحشة |
فديتج ياحبيبتي بس كانت عندى ظروف شوية وما دخلت شهر او فوق
ولج وحشة شكثر وهذا لج ياقردنا الحين موجهاتنا يغارون من موجهاتكم وهم يمنعون يقرأ
انا ابي الموجهة الي تقول ماتبي هلاهداف تحط لنا بدالهم مو شاطرات بس هذا لا وهذا لا
يايبة علي الاقل هن ماعندهن شغل غير الفرارة علي الرياض واذا مالها خلق ومعصبة حطت حرتها وروحتها للروضة الي ماتحبها علشان تغسل مدرساتها عدل صح والا لا يا زميلاتي بالشقاء
مأجورين ان شاء الله و نشوفج دوم يا طير شلوى
أجل احنا ان قلنا لهم طيب اهدافنا غلط ! على قولتكم
عطونا اهداف صحيحة نمشي عليها
تدرين تعصب وبس باقي تنطحنا مناطح
وتقول هذا الي باقي بعد
ماتبوني ادرس بدالكم احسن
ويتسكر الموضوع
واهدافنا كلها غلط
واهمه نفسهم الموجهات <<<<<<<<<< موعارفين يكتبون اهداف صح
تدرين ليش؟ لأنه في واسطات بالترشيح لهالوظائف فمنو يوصل ؟؟؟ سوير و عوير !