أنتي أم ومعلمة عيل أكيد هالموضوع يهمج .

قوة بنات…حبيت أطرح قضية حساسة شوي…لنا كأمهات وعلمات بنفس الوقت

أطفالنا…والخدامة

إحنا نحمل ونتعب…ونروح نولد وحياتنا تكون مهدد بالخطر…وقلوبنا ماتسعها الفرحة بأول صرخة…لما نسمعها…ودموعنا تغمرنا…بكل دمعة يكونها عيالنا….وبعد شهرين….بس شهرين….نرجع نداوم…وماندري الخدامة شنو راح تسوي فيه بالبيت…..شلون تشربه…شلون تبدله..شلون وشلون….واحنا داخل الصف نشرح…وفجأة نسرح….نفكر فيهم بالبيت

ويتعود عليها الياهل…وعلى ريحتها….

وصرتي لما تشيلينه….مايسكت…مايعرفج…وتنصدمين لما تاخذه هي ويسكت عندها…ويظحكلها…
وتشوفينه يكبر ويتعلق فيها….ويدورها….ويبيها….وانتي……عالهامش… .شنو السبب؟؟؟ إهمالج؟؟ لأ…إنتي ما أهملتيه….ولا قدمتيه لها هدية…..ولاقصرتي بحقه كلش……كل اللي سويتيه…رحتي تقظين يوم كامل مدفونة بهالمدرسة….وترجعين البيت ماتدرين وين الله قاطج….تعبانة وهلكانة تدورين لقمة تاكلينها…عشان في كود شغل ناطرج….وماراح يخلص لين الليل……

بنات عفية…..ليمتى واحنا هذا حالنا……بتقولون شلون عيل أمهات قبل في منهم أبلات واحنا نحب أمهاتنا…

إي صح….نحبهم…بس ماكانت الدنيا جذي…ماكانت المدرسة ترجع وهي بهالحالة المزرية….

ولايكون بس امهاتنا قبل حالهم مترقع….انا ابصم بالعشر…انهم كانو يعانون من نفس المعاناة…
والحال ماتغير من ذاك الوقت….ومع مطالبهم اللي قاعدين يطلبونها منا….في المدرسة…..والشغل اللي ملاحقنا…حتى واحنا ماخذين اجازة….

كل هذا عشان بقول شنو فيها اذا عطونا أمومة 6شهور براتب كامل….وهذا غير اجازة الوضع؟؟؟؟

بدال لا يتعود الياهل على ريحة الخدامة…ويرتبط فيها هالارتباط……هذا هو يصير عمره 8شهور…وتعود علينا ونقدر نرجع المدرسة…..واحنا شوي متطمنين انه كبر…

وفي بعد نقطة…..يعني اجازة الأمومة مستحيل المعلمة تاخذها بسهولة….مع ان ماراح يأثر على المدرسة ذاك الزود….يقدرون يسوون ندب وفي مليون حل…بس الناظرات يطلعونها من جبد جبد جبد المعلمة….ف تضطر المعلمة انها تروح وتاخذها من الراس العود,,,,بالواسطة……

ودام ان الواسطة قاعد تمشيها يعني في مجال انهم يتصرفون….عيل عطوناياها….

ترى من حقنا ان عيالنا يتربون بحظنا

احنا قاعدين نريبي عيال الناس بالمدرسة…ونتعب….عشان نربي أجيال…..ما عيالنا حشاشة يوفنا أجيال بعد ولا شنو!!!

أتمنى من الكل يتفاعل….لأني أحس بنفجر….

وتقبلو مني هالكلام…لأن (((قلبه متروسة)))

سلااااااااااااااااااااااااام

لاحد يرد على هالصفحة…..أتمنى من المشرفة انها تتصرف بهالصفحة…..بالغلط تكرر الموضوع مرتين

ناطرة تفاعلكم يا أمهات….شدو حيلكم..

تم دمج المواضيع

تم التصويت

اول شي اشكرج من كل قلبي على الموضوع الطيب

فوق الخصم نقل جن عقاب والله

الوحده تقعدت بالبيت تربي عيالها وترعاهم

والله صعبه اخلي ولدي عمره شهرين عند الخدامه ما تدرين شنو تسوي فيه ترجعين تعبانه ما تقدرين حتى تشيلينه من التعب

واذا طلبتي امومه غصب تاخذينها بعد طلعت الروح جن التدريس بيوقف عليج انتي

وفي معلمات ما يقدرون ياخذون الاجازه لانها نصف راتب واهم عليهم التزامات

الله يعين ويسهل ويكون بعون كل ام ومعلمه

انا بعد جم يوم ولادتي لا تنسوني بالدعاء

الله يهون عليج وتولدين بالسلامة
مسكينة المرأه وين بتحصلها عليها مسؤوليات اشكثر بيت وعيال ودوااااااام الله يعينها
راي المتواضع المعلمة المتزوجة وزوجها يصرف عليها حلاتها تقابل بيتهم وترضى بالقليل الي يعطيها زوجها
وتشوف اطفالها وهذي افضل من كنوز الدنيا
اما المتزوجه وزوجها مايصرف وعندها ضائقة ماليه تداوم
اتمنى راي مايزعجكم ونصيحة خلوا منكم البذخ

للأم حق دستوري انها تاخذ الاجازة اللي تحتاجها عشان ترعى وتربي عيالها

وهذا قانون واااضح وصريح بالدستور

لكن ربعنا الله يبليهم مثل ما اهم بالين بنات الناس وحسبي الله ونعم الوكيل

ضحاوي….شكرا لج
نونا…حياج بالموضوع المأساوي ههههه وانا صارت فيني على ولدي الأول..والحين مو قادرة استوعب اني راح اخلي بيبيي اللي فبطني عقب الولادة مو مستوعبة عمره شهرين نتفة حده
لأن علاوي خذيت امومة ((من الراس العود)) بالزور والواسطة جم مرة عشان ماكان عندي خدامة…ومديرتي القديمة ماكانت متفهمة ظروفي…ومارظت تعطيني الورقة اللي اقدم من خلالها اجازة امومة…واضطريت الجأ للكبار
بس مو كل مرة تقدرين توصلينلهم…وحسب ظروفج
يعني شذنب الباقي
وكلامج صح…100%يانونا

لباس التقوى…نورتي…ووجهة نظرج أحترمها…أكيد المرة اللي زوجها مايصرف عليها راح تضطر تداوم..بس انا قلت بالمقترح انها اجازة براتب كـــــــــــــــــــــــــــــــــــــامل مع اجازة الوضع يعني ماينقص منه ولاشي

ام مناف..حياج ياقلبي…بس انا ما اعتقد ان في وزارة التربية احد يعترف بالنصوص اللي من صالح المعلم…يعني اذا لهم شي عندج ياكلونج…واذا لج شي عندهم ماتشمين ريحته

موافقه طبعا

والله يعين الامهات

وي حبيبتي والله .. شكله الموضوع اياه وايد اثر فيج

من حقنا والله و من حق عيالنا اننا نتفرغ لهم ..

بس الشكوى لله ..

عالاقل يخلونها 4 اشهر … يكون الياهل شد حيله و الام ارتاحت

الله يسهل عليج و يبلغج بعيالج

بعرف شغله …. اللي صوتو لا … وينهم ؟؟؟ وين ردودهم … ليش صوتو و مشو ؟

لوووووووووووووووووووووووووووووووووووووووووووووول

مشغولة…ظحكتيني

هههههههه

مادري وينهم….

كلامج صح والله ..بس لو فعلاً يطبقون أمومة براتب كامل ماراح تلقين ولا أبلة بالمدرسة….