|
|
السلام عليكم
شلونكم فديتكم ؟
بنات بقولكم شغله بعضكم راح يشوفها سخيفه
الحمدالله انا حامل بالشهر الخامس وفيني بنوته وهذي بجري حملت بعد شهرين زواج الف الحمدالله وعمري شهر 4 يصير 22قلتلكم بياناتي كامله لوول
المهم
انا احب الدلع يعني مايصير يمر يوم ما اتدلع على ريلي مو الدلع البايخ لا بالعكس مادري شلون اوصفلكم طبي بس احب اتدلع عليه واهوا يحب يدلعني الحمدالله والحين من سويت سونار ودريت اني بنت ريلي حده تشقق من الوناسه فديته وكله يقولي البنت تاخذ قلب الابو والبنت نعمه والبنت والبنت لاتفهموني غلط ما اغار بس خايفه عقب الولاده مايدلعني نفس قبل واصلا انا احس اني راح استحي اتدلع وانا ام احس اني بصير عيوزه لوول انا احب اللون الوردي واغراضي كلها ورديه الحين احس لازم اكبر واغير اغراضي وتصرفاتي
تخيلو ذاك اليوم يه من الدوام جان يقولي ها حبيبتي يوعانه جان اقوله حبيبي شفيج مو قلتلك طلبت من المطعم جان يقولي لا حبيبتي قصدي عن بنتي انا ويهي
حسيت اندقرت ويهي قام يقط الوان اهوا مو قصده ادري حبيبي بس مادري شلون احس انه خلاص لازم ما اتدلع عقب الولاده واحسسه اني صرت ام وكبيره انتو شرايكم اظل على طبعي ولا اغير ه 
طولت عليكم وماعندي سالفه صح 
عادي الامهات بعد يدلعود ما فيها شئ
تصدقين انا عندي بنت وحده والباقي اصبيان وهي ما شاء الله عليها حيل تلصق في ابوها عمرها 2 عاد انا اوخرها من حضن ابوها واقعد بحضنه واقولها هذا مالتي اانا باباتي انا
ههههههههه
تعصب بالعكس المرى كل ما تكبر تصير انثى اكثر بحركاتها وهدوئها
ياحياتي
الله يقومج بالسلامه اولا !
ثانيـآ ياقلبي .. هذي بنوتتج غلاها من غلاج اصلا
من كثر ماهو يغليج ويحبج الله لايغير عليكم يارب
يحب بنتوتتكم .. اللي بتاخذ من طبايع امهـآ
بالعكس الدلع حلوو .. وانتي بعز شبابج .. مو معقوله عشان صرتي ام تبطلين دلع وتصيرين جديه!!
يعني فرضا بنت ام 19 سنه جابت بنت .. ها تبطل دلع؟
طيب متى تعيش شبابها وتتدلع على زوجهـآ ؟؟
لا ياقلبي الامومه مو معناته انج تتغيرين وتبطلين دلع .. طالما انتي عفويه وخلقتج جذي تحبين الدلع والغنج
خلج على طبعج ماله داعي تتصنعين انج كبرتي وثقلتي
والله يوفقج ويهنيج ياقلبي
بالعكس تدلعي عااااااااااااااااااااااااااااااااااااااااااااااااا ااادي
لاتكبرين نفسج ترا بعدج صغيره
ولا تنحرجين شنو يعني ام !! الام تكون تكانه برا البيت بس داخل البيت ومع ريلها اهيا مرأه وانثى قبل لا تكون ام
شيلي هذي الافكار
وبعدين بالعكس خل يحبها الحمدلله ترا هذي نعمه شوفي باجر شلون بياخذنها منج وشلون راح يخاف عليها ويحطها بعيونه ان شاءالله
بعدججججججججججججججججج عروس
عادي حياتي
ولا تغيرين شي فيج ريللج يحبج جذي دلوعه وكله وردي
استمري جذي عادي
وخليج على الوردي والالوان الفريش
وبنتج يمكن صج بعدين تغارين لووول بس عادي اهيا بنتج وتغارين مو منها بس لان الابو راح يتعلق فيها وايد
بس عادي طوفي ياقلبي
والله يسخرلج ريلج يارب ويحفظكم حق بعض يارب
ويرزقكم من خيره ذرية صالحة يارب بنين وبنات
وماعليج دلع البنت الصغيره غير عن دلع المرا الانثويه وانتي عارفه الحركات ما يحتاج 
بعدين توج عروس باجر يطلع ابداعات الدلع الحقيقي مو وردي وخرابيط ههههههههههههههههه شعللها ولعها
اظل على طبعي ولا اغيره ..؟
.
اذا تطبع راح تنكشفين
واذا طبع ماراح تيوزين ,
اللي فيج غيره 
_03ba:
آلله يهون عليج
ياحليلج،،
انا نفس عمرج وعندي بنوته عمرها 7 شهور
عادي حبوبه بالعكس تعطيكم جو ــ وتدلعي اكثر شنو صرت عيوزه،،
و الوردي لا تغيرينه خلج عالالوان الفرايحيه وردي فاتح فوشي اصفر برتقالي ازرق الوان ترد الروح شبابيه مو كله اسود بني و هالالوان الكئيبه على بو صرتي ام لوول
بعد ماتشرف البنوته اصلا راح يحبج اكثر
استانسي وونسي اللي في بطنج معاج دامج مستانسه
خليج على طبيعتج أحسن و أريح
وش فيه الدلع …!!!! حلوووو
وحبيبتي تدلعي انتي وبنتج
وخلج علي الالوان والاغراض شفيها ليش تبينين له ان عيزتي توج عروس * ادعولي اييب بنت نفس خدوودي ثانكس فديتكم والله تدلعي وبالغي بالدلع بس الظاهر هرمونات الحمل زايدة عليج خخخخخخ
الله يهون عليج ويقومج بالسلامة وتفرحون بالبنوتة يارب