|
|
اول شي حابه اقولكم يعطيكم ألف ألف ألف عافيه على ((كل شي))
هالمنتدى فووووووووووووق التوب
هذي اول مشاركه لي معاكم لكني مدمنه على هالمنتدى من اول يوم سجلت فيه اذا مو خاينتني ذاكرتي قبل سنه ونص هذا اذا مو اكثر ووايد قاعده استفيد منكم وصج عساكم عالقوه
حبيباتي عندي مشكله وصج اتمنى تساعدوني فيها (اهوه استفسار ومساعده)
انا اكبر وحده بخواتي وعايلتنا محد متزوج فيها من البنات من الثمانينات كلللللللللللشششششششششش خيييييييير شر (وكان عرس امي
في ناس بيتقدمونلي وامي وايد تحاتي
1- شنو الامور اللي ام العروس تشرطها او تطلبها من اهل المعرس(طلبات حق العروس بس اللي تشرطها ام العروس) غير المهر ؟ ابي كل وحده تقول لي شنو شرطتو على اهل ريالكم و مهوركم جم واذا في شي شرطتوه او طلبتوه بعد هم فيدوني الله يفيدكم يارب لاني اسمع وايد انه العرايس يتشرطون في وايد امور متغيره ما عندنا فكره عنها فأفيدوني من خلال تجاربكم بليز
2-شنو تلبس ام العروس بعرس بنتها؟ واشلون تتصرف ؟ وتروح مع بنتها الصالون والا لا؟ والشبكه من مهرج والا على المعرس؟ومتى تنلبس الشبكه؟
عندي وايد اسئله صج احس نفسي ظايعه انا وامي
بليز ساعدونيوانصحج تكونون على طبيعتكم ومالكم شغل شنو الناس يسون
الحمدلله احنا ماتشرطنا بزواجي ولا اذكر احد من اهلي تشرط وهذه الاصول
انصحج تقولين حق امج تقول لهم احنا شارين الريال ومن هالكلام السنع احسن من التشرط راح تكبرون بعينهم
وانتي على راحتج لكن هذه وجهة نظري
وعلى الشبكه مرات اهل المعرس اييبون شبكه ومرات لا من المهر انتي تشترينها
وطبعا الشبكه شي اساسي تلبسينها في عرسج
وام العروس تلبس شي راقي مو حلو ام العروس لابسه حفر ولا شي بناتي لازم يكون لها برستيج انها ام العروس
واستخيري في موضوع الزواج لا تنسين الاستخاره مهمه
واتمنى تفاعل باقي العضوات مع موضوعي ابي تجاربكم انتو شنو شروطكم وطلباتكم ومهوركم ؟ يريت اشوف تجارب كل وحده فيكم
يعني تبين تعشين مع امه ولا بروحكم تبين خادمه تبين تدرسين تشتغلين
افضل هالامور تكون واضحه
وبالنسبه للمهر طلبي الي يكفيج مواكثر
وامج تلبس فستان راقي ناعم يليق بسنها
وعادي تستقبلالناس وتكون موجوده اول وحده بالحفله مومعاج بالصالون لا اول وحده قبل المعازيم عشان تستقببلهم
وانتي اذا عندج اخت بنت خاله او صديقتج تدخل معاج
الشبكه انا شرريتها من معري والدبله عليه
بس مادري في ناس تطلب مهر وشبكه
|
المشاركة الأصلية كتبت بواسطة angelica
 ماعندج عمات او خالات؟؟خل يكونون ويا امج حزتها وموفقه يارب
|
لا ما عندي عمات ولا خالات وعشان جذي طالبه مساعدتكم وتجاربكم .. يعني بعرسي محد بيكون معاي غير امي وخواتي 2 لان ما عندي حبايب غيرهم
عسى الله يتمملج على خير ويسعدج
ثاني شي ترى موحلوه تتشرطون لا على مهر ولاغيره اذا الريال زين ووافقتو
عليه اهوا من نفسه بييب المهر الي يناسب ميزانيته بس بايخه تقولوله عطنا
هالكثر ,, وحتى الشبكه خليها اهوا اذا اقترح على قد ميزانيته
وبالعقد ترى هم بايخه تكتبون شروط واذا عندج شروط كلميه بينج وبينه
واتفقو على كل شي شفوي لان اصلن كتبتو ولا ماكتبتو الريال الي براسه بيسويه
العرس وقتها بيصير عند امج لويه ماتلحق تروح معاج صالون خل تروح
معاج وحده من رفيجاتج احسن
الله يوفقج ان شاء الله
اهما يعطون المهر والدبله والشبكه ومرات الشبكه تشترينها من المهر
وامج تلبس بدله على سنها تشوف شنو يناسبها
ومو شرط امج تيي معاج الصالون عشان تكون سابقتج تستقبل الضيوف
روحي مع اختج بنت خالتج احد قريب منج
والله يوفقج
انا املجه الحين بس احنا ماشرطنا شي ولا حتى طلبنا جم نبي مهر لانها عيب عندنا
ومو حلوه والشبكه والدبله مو شرط اهم اييبونها لا ممكن اي وممكن لا
بالنسبه ليوم العرس انا احس تكلمتي فيه امبجر لانج للحين ما ملجتي والله اعلم الله شنو كاتب لج
اذا الله كتب لج ان شاء الله وصار عرسج
لازم امج اتكون بالصاله ومع وحده من خواتج بس لازم يكون احد معاهم خيرهم
كلش ما عندج خالات او عمات ولا وحده ؟
الله يعينج والله حاسه فيج اذا جذي خلي امج تاخذ معاها حبايبها القراب منها حيل يوقفون وياها
اما انتي اخذي وحده من خواتج بس مو اي وحده لا اللي اتحسين انها محل ثقتج يعني تعتمدين عليها
والله يوفقج يا قلبي ويكتب لج اللي فيه الخير
.gif "Eh S(9)")
مادري التشرط الزايد ترى موحلووووو بس اذا في شي مهم لاتترددين
مثل الدراسة او الوظيفة بالمواضيع الي جذي أنا اشوفه مطلوب .gif "Eh S(10)")
حاولي تحضرين عروس وتشوفين الاوضاع عالطبيعة وتاخذين افكار لان الكلام مايفيد
.gif "Eh S(7)")
وألــــــــــــــــــف مبــــــــــــــــروك
والله انا اقول ان الوحدة لازم ما تتشرط وايد
وصدقيني كل شي يصير بعدين
ابي كل وحده تقول لي شنو شرطتو على اهل ريالكم و مهوركم جم واذا في شي شرطتوه او طلبتوه بعد هم فيدوني الله يفيدكم يارب لاني اسمع وايد انه العرايس يتشرطون في وايد امور متغيره ما عندنا فكره عنها فأفيدوني من خلال تجاربكم بليز
ما كو شروط
الشروط ان الام تسال عنهم عدل
وتكون اام الولد طيبة
وتوصي عليج
وصدقيني كل شي قسمة ونصيب
-شنو تلبس ام العروس بعرس بنتها؟ واشلون تتصرف ؟ وتروح مع بنتها الصالون والا لا؟ والشبكه من مهرج والا على المعرس؟ومتى تنلبس الشبكه؟
الام تلبس اي شي حلو ناعم لانه كبيرة
خليها تلبس نفنوف حلو ناعم
ومو شرط امج تكونمعاج بالصالون
وحتى خواتج خليهم يستانسون بالعرس
واذا عندج رفيجة قريبة حيل منج قوليلها تكون معاج واهيا اللي تروح معاج حق الصالة
وقبل كل شي
لازم تصلين صلاة استخارة
والله يكتب لج اللي فيه الخير
مشكورين