|
|
السلام عليكم خواتي…………
شلون علاقتكم مع خالاتكم أمهات أزواجكم وعندج مانع لوتسافر معاج إنتي وزوجج؟؟؟؟؟؟
أنا عن نفسي عادي تسافر وهي حسبة أمي واستغربت من رفيجاتي بالدوام رافضين خايفين من المشاكل….
وماعندي مانع تروح اي مكان معااي
علاقتي مع خالتي حلووه
واذا بنسافر اهل ليش لا
بس بيني وبينج اذا كنت بسافر علشان اغير جو من البيت والدوام والاهل
يعني بعيش شهر عسل هذا يضايق
يكفي انها ام ريلي و يده عيالي
و اهيا عمرها ما قالت بسافر معاكم
بس لو قالت اكيد ماراح امانع و احطها بعيوني
لان حتى لو امي تبي تسافر معانا ابي ريلي يرحب فيها و ما يقصر معاها
تسلم ايدج .. و كافي انها ام الغالي
و تسلمين يا قلبي عالموضوع
وبيني وبينكم أبي إن شالله باجر عيالي يسفروني معاهم لأني مدمنة سفرإلا جان عقلت بعدين مايندرى
كانت السفرة حلوة
انتي ترضين مرة اخوك تقول لاخوك ما ابي امك تسافر معانا !! بتقولين تخسي والمفروض من الزوج اذا رفضت الزوجه تسافر يقول ما تشوفين شر وياخذ امه ويسافر وهي بالطقاق
انا كذا مره سافرت معاي خالتي والحمدلله زوجي كان طاير من الوناسه لان متجمعين مع بعض , يعني لو تكرهين ام زوجك سافري معاها لعيون زوجك ابو عيالك
ومشكوووره على هالموضوع
ما اقصد اذا هي تستاهل او لا
ولا اذا هي نحيسة او طيبة
اقصد بالموقف السفرة نفسها
اذا كانت خاصة او للاستجمام وخلق جو من الرومانسية عيالج اللي هم عيالج ماودج يكونون معاج
بس اذا سفرة عائلية عادي وش زينها خصوصا وانتي ماخذه العيال وجدتهم وابوهم بالعكس احب هالسفرات
فاذا كنا طلعين اجازه جماعبه مع الاهل عادي
اما اذا طلعنا سفره رومنسيه مو عادي
و اضن كل البنات مثلي