|
|
السلام عليكم
مساكم الله بالخير على الكل
انا عندي بنت عمرها 3 سنين الوسطية ما بين ولدين
المشكلة الأوله إنها لي ألحين لابسه الحفاظة عزكم الله ليل مع نهار واللي مو مشجعني إنها ما تعرف من وين تروح الحمام
أنا دربت أخوها اللي أكبر منها على الحمام وتعلم على طول وكان عمره سنتين ونص ساعتها
بس هاذي أعوذ بالله كل ما أقط حفاظتها وأدخلها الحمام تقعد وما تسوي شي أرش ماي أنطر مافي فايدة أطلعها وألبسها تسويها على روحها أزهق وأبدل لها هدومها وألبسها حفاظة لأني ما عندي خدامه وأنا اللي بظطر أنظف من وراها
وعلى هالحال كل ما حاولت معاها
ولا إهي ولا أنا متحمسين لفكره فصخ الحفاظة مع العلم إن اللي بعمرها من عيال عمانها أو خوالها قطوها خلاص
أما المشكلة الثانية بنتي ما تنطاق
أنا ما أقول هالكلمة لأني ما أحبها حرام والله أعزها حييييل بس محد في هالدنيا يحبها حتى أبوها يفظل خوانها عليها بالإهتمام أما بالعقاب يعاقبها قبلهم وكم مره أحاول أحنن قلبه عليها يقول بنت مزعجه وما تسمع الكلام إنتي اللي دلعتيها وأنا كان قصدي إنها تطلع ناعمه تعرفون بنتي الوحيد
بس العكس صار صارت كإيبه حييييل وما عمري شفتها تلعب مع أحد ولا أحد راضي يلعب معاها
أنا خايفه لا تتعقد البنت والله ولا تصير كإيبه طول عمرها
وآسفه إن كنت طولت عليكم
بس الحركات الثانيه الله يساعدج ماقدر افيدج
تابعي الموضوع إن شاء الله تستفيدين من ردود البنات
الله يعييينج .,. مشكله البنت اللي بين صبيان
انتي حاولي تكسبينها .. قولي لها اذا مالبستي البامبرز طول اليوم بوديج هالمكان ولا بعطيج هالشي
على الشي اللي تحبه ؟ … وقولي لها اذا سويتها على روحج لاتحاجيني وماكو كاكاو وهالشغلات
وطبقي صج مو بس حجي
وشجعيها قولي جدامها لاخوانها ولا ابوها شوفوها صارت كبيره حلوه تروح الحمام بروحها
ومن هالشغلات
وصبررري
بس اذا رديتي للبامبرز بتعرف انج ماتتحملين .. وماراح تكمل تدري انج بتردين وتلبسينها
بصراحه كبيرررهـ واااااااااااااايد عالبامبرز الله يعييينج وان شاء الله تتركها هالفتره …
بالنسبه للمشكله الثانيه
انتو عودتوها ومالومج بنت بين صبيان لازم ادلعينها بس بحدوود
انتي حااااولي تكونين رفيجتها مو امها
حرام ترى البنت تحتاج تلعب مع احد وتستانس وشجعيها تودي العابها لاخوانها ولبنات عمها ولا خالاتها
شجعي فيها روح المشاركه مو كل شي لها بروحها عشان يحبوون يلعبون معاها
واهم شي انتي وابوها وخوانها قعدوا كلكم مع بعض ولعبوا معاها
بس مو بالغلط يعني اي شي تسوي غلط نبهيها وفهميها تشارك غيرها
وان شاء الله مرحله وتعدي
سوووري ع الاطاله 
أنا أحاول أشجعها على اللعب وأقعد معاها أسولف عليها تصير شحلاتها بس نطلع من البيت الله لا يوريج إلا عقدت النونه
إنشاء الله بحاول أكثر معاها