|
|
السلام عليكم
بنات آنا قررّت اسوي عملية تجميل لخشمي بس حدي محتاره وخايفه عند اي دكتور اسويها
بالأول ناويه اروح عند عبدالمحسن جعفر لاني قريت بعض التجارب بمنتدانا يمدحونه وايد يقولون يسوي الخشم طبيعي وشغله مرتب وغالبيتهم اللي يمدحونه كاتبين تجاربهم 2024 ويمدحونه وايد ,,
بس حالياً اقرا للبنات اللي مسوين عنده يذمونه ويسبونه ويقولون فتحات الخشم غير عن بعض وعوي وما يحدد عظمة الخشم ويبرزها يعني شغله بالفتره الاخيره مو شي مادري ليش ؟؟
واشوف منذر العجمي بنات المنتدى غالبيتهم مسوين عنده ويمدحونه ؟؟
فمحتاره مادري شسوي اروح عن منذر العجمي ولا عبدالمحسن جعفر ؟؟؟
واللي تقولي عبدالمحسن غالي ومادي واستغلالي يبى راضيه ادفع بس اهــــــــــــــــــــــــــــم شي نتيجه مضمونه وتريحني
بنات والله حدي خايفه من العمليه والبنج والمخاطره اللي راح اسويها بس اخر شي ابي نتيجه ترضيني اخر التعب ابي شي يعجبني و يريحني نفسياً واخاف ما تظبط اهني راااح يحوشني اكتئاب نفسي ؟؟
بنات امانه امانه تكفون ابي وحده مجربه تقولي تبرد جبدي وتقدم لي نصيحه والله صرت اوسوس وايد من خوووف العمليه ومن خوف انها ما تظبط ومادري شسوي ؟؟؟؟
نسي اقولكم عبدالمحسن جعفر امسوي عملية تجميل حق ناديه العاصي وخشمها حلو ؟؟
رفع
|
المشاركة الأصلية كتبت بواسطة أحب أمي
 نفس حيرتي بالضبط
رفع |
والله احترنا شنسوي مادري ؟؟
|
المشاركة الأصلية كتبت بواسطة el jowhra
هلا حبيبيتي أنا شايفة ناس مسوين عند عبدالمحسن ومنذر , اللي شفتة انة عبدالمحسن يصغر ويحكة وايد يسمونها جنة الموزة , منذر وايد وايد طبيعي نسبة التغير مو وايد كبيرة بس طبيعي . اهم شي استخيري وشوفي اللة شنو يهديج له .
|
عبدالمحسن جنه موزه يعني مو حلو ؟؟؟
ياربي والله محتاره وخايفه ؟؟
ومشكوره حبيبتي واااايد
رفع
لكن حدي محتاره
امانه جيكي ع الرسائل الخاصه
الله يعينج الوآحد يحتآر صــرآآآحه :/
ان شاءالله تسوين ويطلع خشمج بيرفكت يآرب واحلى من الي تتخيلين
واذا عندج مشكلة خشمج تاثر مثلا بالتنفس والشخير فانا انصحج بمنذر العجمي وااااايد يمدحونه يعني ذكره طيب