ألم في راسي

الحمد لله على كل حال …. بدأ مرضي بدوخه ثم الم بالراس … خف في رمضان الحين رجع مره ثانيه … الحين احس الم داخل الراس مو في مكان واحد لا يتنقل وساعات دوخه وزغلله مدري شنو هذا …رحت لطبيب قال حساسيه ثم رحت لطبيب انف واذن وحنجره لان ساعات يكون عندي الم بلاذن بعد عطاني دواء للدوخه ما فاد …. شاريكم شنو هذا او احد مر فيه ….

اعرف بنت نفس حالتج بعد كذا مره تراجع الاطباء اخييرا اكتشفوا ان فيها التهاب بالاذن الوسطي واللحين احسسن لانهم عرفواالسبب من الدوخه
وسلامتج وماتشووفين الشر انشاالله

موفقه انا بعد تجيني دوخه قبل قاولي حساسيه وانا فيني جيوب انفيه من زماان من كنت صغير
والحين مثل الحال دوخه وعوار باذني ورقبتي وراسي كله ومراات على اليمين او اليسار مثلج ما له مكان
ياليت احد يفيدنا
ويشفينا اجمعييين

ماتشوفين شر انشاء الله

اختى الدوخه والزغلله تجى من فقر الدم الانيميا..بس اذا انتى ما تحملين الصوت العالى او الضوء انصحج تصبخين على راسج

صبخه مفيده حيل وتريحج..الصبخه للى مايعرفها علاج شعبى مثل العجينه تنحط عالراس وانشالله انى افدتج..

ماتشوفين شر انشالله

سويي فحوصات وتحليل دم وانصحج بالحجامه عند وحده مضمونه ترا الحجامه تشفي لاكثر من 120 مرض باذن الله تعالى والله يشافييج ان شالله وجمييع المسلميين

والله نفس حالتى بالضبط

واحس الم باذنى
بس ما سويت تحاليل

عموما ما تشوفين شر بس لازم نعالج السبب

ودايم الدوخه + الم بالاذن
يكون التهاب بالاذن الوسطى على ما قالت الاخت

وسلامتج

ايضا تحسين صوت هوا بالاذن اوالراس عموما انتي ماتحتاجين دكتور بس تحتاجين طب شعبي في ناس مختصين بهالشي وافضل من الدكاتره وهم اللي يقدرون يفيدونك عن طريق الصبخة اللي تنحط على الراس اوطريقة تسكير الراس لان الراس يكون فيه فري وانصحك بعد بالحجامة عن تجربة

يمكن ضغطج مرتفع او منخفض
وفقر الدم يسبب عوار الراس
والتعرض للهواء البارد
التهاب الاذن او الجيوب الانفية او الاسنان او التهاب العين او تحتاجين تلبسين نظارةنظرج ضعيف
ويمكن ضرس العقل ملتهب او يبي يطلع لج اذا ماطلع من قبل
عوار الراس له عدة اسباب

تسلمون حبايبي كل من ردت على هالموضوع ان شاء الله قبل لا اعالج طبيا اجرب الصبخه او الحجامه واشوف اذا ما نفع اروح للاطباء والله يشافي كل مريض آمين

ماتشوفين شر ان شالله

انا جربت الصبخه سبحاان الله تنفع والله

والله نفس الحاله انا بعد عندي هالشي بس انا على جهة اليمين وماتشوفون شر الله الشافي المعافي

يمكن فيش الشقيقه
وهو يعني الصداع الي يصاحب الانسان بفترات ومرات خلاص تحسين راسش يبي ينفجر بعيد الشر عنش
وترى مو زين صداع الراس ولا تخلين جسمش يتعود على الحبوب مثلا البنندول وغيرها عشان مناعه الجسم
اذا تبين رقم مره تعالج صداع الراسم ثنتين من خواتي وبنت خالتي راحو لها وحطت على روسهم صبخه لمده ثلاث ايام وبعدها والله حسو بالعافيه
حمدالله كان فيهم هذا الصداع المزمن
اذا بغيتي رقمها خبريني