أكيد تبين زواجج ينجح صح ؟ ترا المكياج وقميص النوم ما يكفي تعالي دقيقة يا عروسة

لما دخلت هذا القسم .. رأيت ان المواضيع كلها تتعلق بالمكياج وقمصان النوم والصالونات … الخ

هذي حبيباتي .. كلها مقدمات شكلية للدخول في عالم الزواج ..

طيب … انتي تدورين على مكملات جمالية لجلب اعجاب الزوج

………….. ولكن كيف تحافظين على زوجك واعجابه طول العمر .. ومن اول يوم ؟؟

اعلمي عروستنا الحبيبة .. ان بداية الزواج هي تأسيس لزواج ناجح .. او بناء زواج فاشل
فانت مقبلة على شخص (غالبا) لا تربطك به علاقة سابقة .. فهو عالم جديد تلجينه .. وبيت جديد تسكنينه
انت صغيره .. ليس لديك الكثير من الخبرة في الحياة .. وقد يكون هو كذلك ..

اليك بعض النصائح ان اخذتي بها .. ان شاء الله ستهنئين بزواج هادئ .. والا على الاقل لن تخسري شيئا …

* اللقاءات الاولى تعطي الرجل فكرة ايجابية او سلبيه عن زوجة المسقبل .. وهي التي تجعله يعجب بك او تسقطين من عينه الى اخر العمر …
فكوني لبقة في كلامك معه .. ولا تتسرعي بالاجابات .. فان تتأخري في الاجابة (وتظاهري بارستحياء) .. خيرا من ان تجيبي اجابات (تخرب الدنيا !!) ..
….. (اشتري ولا تبيعين) … يعني … كوني قليلة الكلام … عن حياتك .. وخصوصياتك … وتحدثي عن الاشياء العامة براحتك ….
…………… لكن ….. قللي من ادخال رأيك في الموضوع العام .. حتى تتبين لك طبيعة زوجك وارائه في المواضيع … حتى لا تظهري اختلافكما من البداية ..

* اعلمي … ان الزوج سيكون فرح بك في اول الامر …
استغلي احدى اللقاءات الرومانسية الحميمة … وقولي له " فلان .. تدري انا بنت صغيرة وقليلة تجارب في الحياة .. اللي ابيه منك .. انك تتحملني.. وانت راح تكون ريلي .. يعني كل شئ بالنسبة لي .. اذا شفت مني اي غلط .. ما عليه .. تحمل وعلمني .. ولك مني اني اتغير باللي يعجبك ا نشاء الله .. بس المهم طول بالك علي "

………. هنا اقول لك مبروك يا عروسة

فقد كسبت الكثير …
اولا ستكبرين في عينه ..
ثانيا اخذت رصيد للمستقبل .. متى ما زعل … تقوليله يا بو الشباب " مو قلتلك تحملني ؟؟ مو قلتلك نبهني وعلمني؟ "
يعني خليج ذكية .. ولبقة .. وسريعه بديه … ( لا تصيرين بلهاء !!! )

* سواء كان زواجك تقليديا بخطبة من الاهل … او بمعرفة ..
( لا تصيرين مطفوقة !! ) ..
يعني …
ابدأ اولا بالمحرج من الامور …
اذا بدأ بالتقرب اليك (بما هو في شرع الله حق للزوج) … ( لا تتغيشمين تسوين نفسج مو فاهمتني ) ..
لا تكون ردة فعلك عنيفة (دفاشة يعني) .. ولا مستسلمة ( جنج ما صدقتي على الله !!)

كوني بين هذا وذلك …
يعني اذا انتي فعلا مستحية حدج … ماكو مشكله الحياء راح يبين …
واذا انتي (نسرة) .. وتقدرين تتحملين الموقف خاصة اذا كان بينكما عشره او قرابه قد تكون المسألة اسهل

……….. (تمنعي وانت راغبه)
يعني .. .شوية ثقل … خليه يحس انج مستحية وقاعدة تتهربين بسبب الحياء ..
(( بدون مبالغات عموما))

…. وكذلك
في حال طلب منك رأيك في بعض المواضيع مثل الطلعة .. شراء شئ ..
دائمااااااا … خلي لك رأي ولكن بعد رأيه
لان الرجل يعجبه ان يكون هو الرجل .. وهو صاحب الكلمة الاولى
كيف ؟؟
قوليله .. " والله بكيفك .. اذا يعجبك نروح نتعشا بالمطعم الفلاني .. والا باي مكان انت تحبه براحتك "

مثلا " يقولون الثلاجة ماركة كذا وايد زينه … امي مجربتها .. بس انت شرايك ؟ اللي تشوفه"
…………… وهكذا
لانك اذا فرضتي رأيا واحدا ظن انك متسلطه … وسوف لا يعجبه ذلك

* بكل تأكيد .. لن يعجبك من زوجك بعض الامور ..
كيف تعالجين ذلك ؟؟
اذا رأيت مالا يعجبك .. فلا تقولي له مباشرة انه لا يعجبك ..
خلي الموضوع كم يوم … وسولفي معاه عن اي موضوع .. وكأنك تقصين له عن واحده تعرفينها … وقولي له " تصدق تقول ريلها يسوي كذا وكذا … , والله ما ادري اذا صح او لأ .. بس احنا ما تعودنا في بيتنا على جذي "
وخليج ذكية بالكلام … مو يفهم ان هو المقصود …

* لا تذكري له مشاكل بيتك واهلج .. او مشاكل مع رفيجاتج
تخلينه يشعر بان حياتج كلها مشاكل !!
الا اذا مشاكل بسيطه وتحتاجين تقوليله عشان ينصحج او شئ ..

* لا تسأليه عن ماضيه من علاقات مثلا وغيره … فلن يفيدك ذلك الا بدخول الشك بقلبك
وقد تسمعي مالا يرضيك
وبكل تأكيد … لا تذكري له اية علاقه لك .. لاي سبب من الاسباب

*** امور لا يجب ان اذكرها لك .. لانها لا تحتاج لتذكير
حسن المظهر .. النظافه .. طيب الريح .. الهدوء .. الانوثة .. الرقة …….
يعني خليج أمرأة بمعنى الكلمة …. عذا باختصار

*****
واذكرك عروستنا .. ان بداية حياتك مهمة جدا .. فكوني حذرة
وليس معنى ذلك ان تخافي … فليس هناك ما تخافين منه مدامك تحسسنين التصرف ان شاء الله

*****
*****

اخيرا احب ان تقرأي موضوعي المرتبط ببداية الزواج .. ليكون فيه فائدة لك ان شاء الله

(اضغط)
عروستنا الحلوة .. تعالي انصحج في اول طلعات .. عن الدفاشة .. لا تتوهقين ‏

نسأل الله تعالى لعروساتنا التوفيق …

…………………. وتبقى مجرد وجهة نظر

تسلمين حبوبه
جزاك الله خير

عساج عالقوة

يسلمووو عالنصايح …

وعسى الله يوفق الجميع ان شاء الله …

تسلمين وجزااااااج الله الف خيييييييييييير

حبيبتــــي .. يعطيج العافيـــه

على النصـــايح الحلوه ,,

وماقصرتي …

والله يجزاج خيــــــر

يمال العافيه

وجزاج الله خييييير

حيااتي دووم مواضيعج مثلج عسسسسل
يعطيج العافيه

هذا من أفضل المواضيع إلي دخلتها والله
ربي يوفقج دنيا وآخرى

الله يعطيج العافيه على هالنصايح

والله يعطيج على قد نيتج

فكره اذا ما عجبج شي لا تقولين انه مو عااجبج صج صج

انا الى الحين احااول اتقنها بس مو عاارفه

بس كل ما طبقتها صاارت اشيااء عجب

يسلموووو حبيبتي على الموضوع

حسافة وين موضوج من زماااان

تسسسسلمين وماقصررتي

واااااااااي حياتي موااااضيعج حدهااا عجيبه ومفييده

عساها في ميزااان اعمااالج بعد عمري حدي استانست ماشاءالله عليج

وبانتظاااار كل موضوع لج ..

تسلمييين ..

جزاج الله خير